Ngwani Loko Uli Kweendelezya Nyika?

NZILYAAMBA BBAIBBELE

“Nyika yoonse ili mumaanza aamubi.”​—1 Johane 5:19, Busanduluzi bwa Nyika Mpya.

‘Mwana aLeza wakayubunwidwa kuti ajaye milimu ya-Saatani.’​—1 Johane 3:8.

NCIZYAAMBA KULI NDUWE

Ulajana bupanduluzi bumvwisisika bwamapenzi aali munyika.​—Ciyubunuzyo 12:12.

Akaambo kazeezi, ulabaa lusyomo lwakuti nyika yesu iyoocinca alimwi ikabote.​—1 Johane 2:17.

KUJANA TWAZISYOMA NA COONZYO NZILYAAMBA BBAIBBELE?

Iiyi, akaambo katwaambo tutatu:

• Bweendelezi bwaSaatani buyoonyonyoonwa. Jehova ubambide kuyoobumaninsya bweendelezi bwaSaatani mbwalaabo kubantu. Leza usyomezya kuti “uyoonyonyoona . . . Diabulosi” alimwi akamaninsye bubi bwakeetwa aSaatani.​—baHebrayo 2:14, Busanduluzi bwa Nyika Mpya.

• Leza usalide Jesu Kilisito kuti akeendelezye nyika. Jesu usiyene kule loko amweendelezi wanyika ino, ooyo ulalunya alimwi uliyanda. Kujatikizya bwami bwaJesu, Leza usyomezya kuti: “Bacete (abatakwe nguzu) ulabafwida luzyalo . . . Ulanununa buumi bwabo kulupenzyo.”​—Intembauzyo 72:13, 14.

• Leza tabeji pe. IBbaibbele lilaamba antanganana kuti: ‘Tacikonzeki kuli Leza kubeja.’ (baHebrayo 6:18) Ikuti Jehova wasyomezya kucita cimwi cintu, kuli mbuli kuti wacicita kale. (Isaya 55:10, 11) “Eno mwami wenyika ino uyootandwa.”​—Johane 12:31.