Ino Bbaibbele Ulibona Biyeni?
Kujana waamba kuti . . .
ndibbuku lilaabusongo bwabantu na?
ndibbuku lilaatwaano twabantu na?
ndiJwi lyaLeza na?
NZILYAAMBA BBAIBBELE
“Magwalo oonse akasololelwa aLeza.”—2 Timoteo 3:16, Busanduluzi bwa Nyika Mpya.
NCIZYAAMBA KULI NDUWE
Ulakkutisikana kunsandulo nzutakajane kumibuzyo ikatazya mubuumi.—Tusimpi 2:1-5.
Ulajana busolozi busyomeka mubuumi bwabuzuba-abuzuba.—Intembauzyo 119:105.
Ulabaa bulangilizi bwakasimpe mubuumi buli kunembo.—baRoma 15:4.
KUJANA TWAZISYOMA NA COONZYO NZILYAAMBA BBAIBBELE?
Iiyi, akaambo katwaambo tutatu:
Kweendelana kugambya. IBbaibbele lyakalembwa mukati kaminyaka iili 1 600 abantu bali 40 basiyene-siyene. Biingi babo tebakabonana pe. Nikuba boobo, eli bbuku lyoonse lileendelana. Lilakaambo kamwi kapati.
Zyaciindi zisyomeka. Basikulemba zyaciindi balasisa kuzundwa kwabantu babo. Pesi, basikulemba Bbaibbele balisiyene ambabo nkaambo bo bakalemba kubisya kwabo akwacisi cabo.—2 Makani 36:15, 16; Intembauzyo 51:1-4.
Businsimi busyomeka. Kakucisyede minyaka iili 700, iBbaibbele lyakambilizya kuti Mesiya wakasyomezegwa wakali kuya kuzyalilwa mumunzi muniini utegwa Betelehemu, munyika yaJuda. (Mika 5:2) Nkukuli loko nkwakazyalilwa Jesu? Muumunzi ooyo!—Matayo 2:1-6.
Businsimi bwiingi bwamu Bbaibbele bwakazuzikizigwa kweelana ambubwakasinsimwa. Pesi, tensi nzizyona nzitweelede kulangilila kuzwa kuJwi lyaLeza?—2 Petro 1:21.
NZYONGA ULAYEEYA
Kujana Jwi lyaLeza lyabucinca biyeni buumi bwako?
Mubuzyo ooyu ulasandulwa muBbaibbele muli ISAYA 48:17, 18 amuli 2 TIMOTEO 3:16, 17.