Kwaambuuzyania Kwakumaninsya Ababo Bayanda Kuzoobbabbatizigwa

Chiindi chiingi, kubbabbatizigwa kuchitwa kumiswaangano mipati yaBakamboni baJehova. Kumamanino ankani yakubbabbatizigwa, sikwaambuula ulakumbila aabo bayanda kubbabbatizigwa kutegwa banyampuke akusandula mibuzyo iibili iitobela mujwi limvwika:

1. Wasiya na zibi zyako alubo walipeda na kuli Jehova akutambula nzila yakwe yakufutula bantu kwiinda muli Jesu Kristu?

2. Ulamvwisisisya na kuti kulipeda akubbabbatizigwa kwako kutondeezya kuti waba Kamboni waJehova, uukomba ambunga yaJehova?

Kusandula mibuzyo eeyi ajwi limvwika kwababo bayanda kubbabbatizigwa, ‘nkwaambilizya chaantanganana amilomo yabo’ kuti bali alusyomo kuchinunuzyo akuti balipeda kuli Jehova amoyo woonse. (Rom. 10:9, 10) Kakuchili chiindi aabo bayanda kubbabbatizigwa balakonzya kukomba akuyeeyesesya atala amibuzyo eeyi, kuchitila kuti basandule kweendelana anzibalisalila.

Wakalipeda na kuli Jehova kwiinda munkombyo, kumusyomezya kuti uyanda kumukomba akubikka kuyanda kwakwe mubusena bwakusaanguna mubuumi bwako?

Walipeda chachoonzyo na kuti uyanda kubbabbatizigwa?

Babbabbatizigwa beelede kuzwaata biyeni? (1 Tim. 2:9, 10; Joh. 15:19; Flp. 1:10)

Tweelede ‘kuzwaata zisamo zilikabotu alubo zyabulemu’ iitondeezya kuti ‘tulilyaabide kuli Leza.’ Aabo bayanda kubbabbatizigwa tabeelede kuzwaata zigogo zibalangala zilembedwe naa zilamasilogani asiyene-siyene. Pesi beelede kuzwaata zigogo zilikabotu, zitakwe doti alubo zyabulemu.

Muntu ubbabbatizigwa weelede kulijata biyeni chiindi naabbabbatizigwa? (Lk. 3:21, 22)

Jesu wakasiila maKristu chikozyano chili kabotu atala akubbabbatizigwa. Jesu wakatondeezya kuti kubbabbatizigwa nchintu chiyandikana, alubo eezi wakazitondeezya kwiinda mumilimu yakwe. Busena bwakubbabbatizigwa tabweelede kuba busena bwakudubbwa nikuba kuchitila imwi misobano. Takuyandikani pe kuti muKristu wazwa kukubbabbatizigwa achitaanga wazunda mumusobano. Nikuba kuti kubbabbatizigwa nchintu chibotezya, pesi kubotelwa ooku kweelede kutondeezegwa munzila yabulemu.

Kunjila miswaangano chiindi choonse akujana chiindi chakuzibana aabantu mbukombaabo kuyookugwasya biyeni kuti upone kweendelana akulipeda kuli Jehova?

Nikuba kuti wabbabbatizigwa, nkamboonzi nweelede kuba achiindi chibambidwe chakuchita chiiyo chako awulikke akutola lubazu kumulimu wakukambawuka chiindi choonse?

MALAYILILE KUBAALU BAMUMBUNGANO

Chiindi sikupupulula utanabbabbatizigwa naalimvwa kuti uyanda kubbabbatizigwa, weelede kusungwaazigwa kuti alange-lange “Mibuzyo Ibambilidwe Bayanda Kubbabbatizigwa,” iili apeji 185-207. Weelede kulanga mutwe uti “Mulumbe kuli Sikupupulula Uutanabbabbatizigwa,” uli apeji 182, uupandulula mbayelede kulibambila kwaambuuzyania nkwayoochita abaalu. Mbuli mbukwatondeezegwa, sikubbabbatizigwa ulakonzya kubelesya twaambo ntwaakalilembela muli limwi bbuku, alimwi ulakonzya kulibelesya bbuku eeli chiindi naambuuzyania abaalu. Aboobo, takuyandikani pe kuti umwi muntu amugwasye kulanga-langa mibuzyo eeyi katana buzigwa abaalu.

Muntu uuyanda kubbabbatizigwa weelede kuzibisya mulangizi wabaalu. Aawo muntu uuyanda kubbabbatizigwa namaninsya kubala “Mibuzyo Ibambilidwe Bayanda Kubbabbatizigwa,” mulangizi wabaalu ulabuzya muntu ooyo kuti wakakomba na kuli Jehova kali kumubuzya kuti uyanda kuchita kuyanda Kwakwe. Kuti muntu ooyo waamba kuti wakalipeda kale, mulangizi wakabunga kabaalu ulachita mabambe akuti baalu babili baambuuzyanie amuntu ooyo atala amibuzyo yabayanda kubbabbatizigwa. Umwi mwaalu nga wasalwa kuti achitisye zipanzi zibili.Takweelede kulindila mazuba aamuswangano kutegwa baambuuzyanie ayooyo uuyanda kubbabbatizigwa.

Muzipanzi zibili, chimwi achimwi cheelede kulangwa-langwa muchiindi chikkwana awa yomwe, nikuba kuti tachili chibi pe kubelesya chiindi chiindaawo. Chipanzi chimwi achimwi cheelede kusaanguna aankombyo akujalwa aankombyo. Sikubbabbatizigwa naa baalu tabeelede kupitila pe chiindi nibalanga-langa mibuzyo eeyi. Baalu basalidwe bayooyanda kuti kwaambuuzyania ooku kube chintu chakusaanguna mumabambe aabo.

Zili kabotu kwiindulula mibuzyo amuntu umwi awumwi uyanda kubbabbatizigwa, kutali kabali kabunga. Sikubbabbatizigwa naliikulisandulila alikke mibuzyo, baalu balakonzya kubona inzila njaamvwisisisyaayo, kabatazumbuuzyi pe kuti weelede kubbabbatizigwa naa kuti pe. Alubo, ooyo uuyanda kubbabbatizigwa ulalitondeezya kuzwa munsandulo zyakwe chiindi nibaambuuzyania anguwe. Mwaalumi amukayintu balakonzya kubuzigwa mibuzyo kabali aamwi.

Ikuti sikubbabbatizigwa kali muchizi, kwaambuzyania ooku kweelede kuchitilwa aabusena buboneka abamwi, pesi nzibambuula kazitamvwiki pe. Ikuti kwayandikana kuti ayinke awumwi, weelede kuti kali mwaalu naa mubelesi uubelekela, kweendelana achipaanzi nchibayoolanga-langa, mbuli mbukutatondeezegwe mufuka litobela.

Mumbungano muli baalu bache, babelesi babelekela beelela alimwi babona zintu munzila iili kabotu balakonzya kwaambuuzyania ababo bayanda kubbabbatizigwa, njiisyo eezi zilajanika “muChipanzi 1−Njiisyo ZyamaKristu.” Baalu mbabo luzutu beelede kuchitisya “Chipanzi 2−Buumi BwamaKristu.” Ikuti mumbungano kakutakwe bakwesu beelela, mulangizi wabbazu ulakonzya kubuzigwa kuchitila kuti mbungano iili aafwiifwi ikonzye kugwasizya.

Kuti uyanda kubbabbatizigwa kachili mwana, bazyali bakwe beelede kubawo chiindi nabuzigwa mibuzyo yakubbabbatizigwa. Kuti bazyali kabatawo, baalu babili (naakuti mwaalu amubelesi uubelekela kweendelana achipanzi chilikulangwa-langwa) beelede kubawo chiindi nalikubuzigwa-buzigwa.

Baalu beelede kubona kuti sikubbabbatizigwa ulazimvwisisisya njiisyo zyamuBbayibbele ziyandikana. Kuyungizya waawo, balayanda kuziba naa kubona kuti sikubbabbatizigwa ulatondeezya kulumba kukasimpe akuti ulilemeka mbunga yaJehova. Ikuti sikubbabbatizigwa katazimvwisisisyi njiisyo zyamuBbayibbele ziyandikana, baalu balachita mabambe aakuti agwasigwe kutegwa ayelele kubbabbatizigwa muchiindi chitobela. Bamwi beelede kupegwa chiindi chakutondeezya kuti mulimu wamumuunda ulayandikana alimwi akutondeezya kulibombya kumabambe ambunga. Ziyeeme kubaalu kukusala kuti beelede kubelesya awa muchipaanzi chimwi achimwi kutegwa babone kuti sikubbabbatizigwa walibambila kubbabbatizigwa. Nikuba kuti imwi mibuzyo iyanda chiindi chiingi pesi yoonse yeelede kulangwa-langwa.

Baalu bayoowaambuuzyania amuntu uuyanda kubbabbatizigwa beelede kuswaanana kumamanino kwachipanzi chachibili kutegwa bakabone kuti sikubbabbatizigwa uleelela na. Baalu bayoolanga-langa mbaakabede chiindi, sikubbabbatizigwa umwi awumwi nzyakonzya, azimwi zyiimo. Tweelede kubikkila maanu bantu bayanda Jehova abakamvwisisisya kasimpe kamuBbayibbele. Kwiinda mukugwasizya nkuchita, basikubbabbatizigwa bayoolibambila kuchita mulimu uuyandikana wakwaambilizya makani mabotu.

Kuzwa waawo, baalu basalidwe uumwi naa babili beelede kuswaanana asikubbabbatizigwa akumuzibisya kuti uleelela na kubbabbatizigwa. Ikuti sikubbabbatizigwa weelela, baalu beelede kwaambuuzyania anguwe chipaanzi chiti “Kwaambuuzyania Kwakumaninsya Ababo Bayanda Kuzoobbabbatizigwa,” chijanika apeji 206-207. Ikuti sikubbabbatizigwa katanamaninsya kwiiya bbuku liti Mbukonzya Kubotelwa Mubuumi Kukabe Kutamani! baalu beelede kumusungwaazya kuti ayendelele kunembo kwiiya naazwa kubbabbatizigwa. Buzya muntu wabbabbatizigwa kuti buzuba mbwakabbabbatizigwa aabo bulalembwa muKkaadi Lyambungano Lyasikupupulula lilembedwe zina lyakwe. Baalu babelesya malekkodi aajanika aakkadi lyasikupupulula ooyo kuti mbunga ibone mbubakonzya kulangania milimu yabukombi yaBakamboni baJehova bali munyika yoonse, eezi zipa kuti sikupupulula ooyo atole lubazu mukuchita milimu yabukombi. Baalu balakonzya kubuzya basikupupulula bapya kuti zintu zilembedwe mumalekkodi aabo zilabonwa abaalu bali munyika yoonse nkaambo nga zijanika aajw.org. Kwaambuuzyania ooku takweelede kutola maminiti ayiinda kukkumi.

Baalu babili beelede kwaambuuzyania asikupupulula wakabbabbatizigwa nikwayinda munyaka kutegwa bamusungwaazye akumupa malayilile aagwasya. Umwi wabaalu aabo weelede kali mulangizi wakabunga kamulimu mwabede sikubbabbatizigwa. Ikuti sikubbabbatizigwa kali mukubusi, bazyali bakwe bachiKristu beelede kubawo. Kuswaangana ooku kweelede kakuumbulizya alimwi kakusungwaazya. Baalu bayoolanga-langa kuti ulikusima na mubukombi. Alimwi bayoomupa malayilile agwasya kuti abone mbakonzya kwiinkiila kunembo kweenda munzila iili kabotu, kuchita chiiyo chakwe alikke, kubala Bbayibbele mazuba woonse, kukomba kwamumpuli mviki amviki, kunjila miswaangano yambungano akutola lubazu mulinjiyo akuzwa mumulimu wakukambawuka chiindi choonse. (Ef. 5:15, 16) Ikuti muntu ooyo wabbabbatizigwa katanamaninsya kwiiya bbuku liti Mbukonzya Kubotelwa Mubuumi Kukabe Kutamani! baalu beelede kuchita mabambe aakuti umwi muntu azooyiye anguwe. Baalu beleede kumulumbayizya chaluyando. Tabeelede kwaambuula zintu zyiingi. Balakonzya kwaamba kaambo kamwi naa tubili biyo.