Makani Aantalisyo Achipaanzi 8
Jehova wakapa Solomoni busongo alimwi wakamuzumizya kuti ayake tempele, pesi mukuya kwachiindi wakaleka kukomba Jehova. Ikuti kuli muzyali, gwasya mwanaako azibe kuti bantu bakali kukomba baleza bakubeja bakachita biyeni kuti Solomoni aleke kukomba Leza. Bwaami bwakaanzanisigwa. Baami bamaIsrayeli bakali kuchita zibi, bakalesya bantu munzila zyaLeza akupa kuti bakombe baleza bakubeja. Basinsimi baJehova bakali kusyomeka bakali kupenzegwa akujayigwa. Jezebbeli, mukayintu waMwaami wakapa kuti bantu bakali kweendelezegwa abwaami bwakunyika baleke kukomba Leza. Akali mazuba mabi kumaIsrayeli. Pesi bakaliwo bamwi babelesi baJehova bakali kusyomeka muchisi chaIsrayeli alimwi bakali kuswaanizya Mwaami Jehoshafati aEliya.