Jehova Ulibiyeni?

Kuti wamvwa zina lyakuti Jehova Leza, niinzi chisika mumizeezo yako? Umubona kali muntu uusumpukide loko na ngutakonzyi kumvwananaawe? Naakuti umubona mbuli chintu chilaanguzu mbuli kalabi? Pesi Jehova ulibiyeni loko? MuBbayibbele, mulembedwe buntu mbwalaabo Jehova alubo litondeezya kuti ulaandaba anduwe.

1. Nkamboonzi Leza nitutakonzyi kumubona?

“Leza Muuya.” (Johane 4:24) Jehova takwe mubili uuli mbuli wesu pe. Pesi Muuya alubo ukkala kujulu.

2. Jehova ulaabuntu buli biyeni?

Nikuba kuti tatukonzyi pe kumubona Jehova, pesi tulakonzya kumuziba akumuyanda nkaambo ulaabuntu bubotu. Bbayibbele lyaamba kuti: “Jehova uyandisya bululami, aboobo takabalekelezyi pe bantu bakwe basyomeka.” (Intembauzyo 37:28) Alubo Jehova “ulaalubomba kapati aluse” kapati kubantu bali mumapenzi. (Jakobo 5:11) “Jehova ulaafwaafwi abaabo batyompedwe mumoyo; aabo batyompedwe ulabafwutula.” (Intembauzyo 34:18, makani aamunsi) Ulizi na kuti zintu nzituchita zilakonzya kubotezya Jehova naakuti kumunyemya. Bantu bachita zintu zitali kabotu balamunyemya. (Intembauzyo 78:40, 41) Pesi bantu bachita zilikabotu bapa kuti abotelwe.—Bala Tusimpi 27:11.

3. Jehova utondeezya biyeni kuti ulatuyanda?

Buntu bwaJehova bupati, nduyando. Bbayibbele lyaamba kuti “Leza nduyando.” (1 Johane 4:8) Alubo zintu zyakalengwa zitondeezya kuti Jehova ulatuyanda. (Bala Milimo 14:17.) Muchikozyano, nzila njitulengedwaayo itondeezya kuti Leza ulatuyanda. Wakatulenga munzila iipa kuti tukonzye kubona mibala, tunoneezegwe amiimbo akumvwa kunona kwachakulya. Jehova uyanda kuti tubotelwe mubuumi.

YIYA ZYIINGI

4. Muuya uusalala ninguzu zyaLeza

Mbukunga tubelesya maboko nituchita milimu iisiyene-siyene, Jehova ubelesya muuya uusalala. Bbayibbele litondeezya kuti muuya uusalala teemuntu pe pesi ninguzu Leza nzyabelesya kukupanga zintu. Bala Luka 11:13 a Milimo 2:17, mpawo musandule mibuzyo iitobela:

• Kuti twakumbila muuya uusalala, Leza ulatupa. Ubonaanga muuya uusalala muntu na naakuti ninguzu zyaLeza? Nkamboonzi nuwaamba oobo?

Jehova ubelesya muuya uusalala kuti achite zintu zigambya. Bala Intembauzyo 33:6; 2 Petro 1:20, 21, mpawo musandule mubuzyo uutobela:

• Mpaali Jehova mpaakabelesya muuya wakwe uusalala?

5. Jehova ulaabuntu bubotu

Mozesi wakali mukombi waLeza uusyomeka pesi wakali kuyanda kumuziba kabotu Mulengi wakwe. Eezi zyakapa kuti Mozesi abuzye Leza kuti: “Kondizyibya nzila zyako, kutegwa ndikuzyibe.” (Kulonga 33:13) Jehova wakasandula Mozesi kwiinda mukumubuzya atala abuntu mbwalaabo. Bala Kulonga 34:4-6, mpawo musandule mibuzyo iitobela:

• Mbuubuli buntu Jehova mbwaakatondeezya Mozesi?

• Mbuubuli buntu Jehova mbwalaabo mbuyandisya?

6. Jehova ulaandaba abantu

MaIsrayeli bakali mubuzike kuEgepita. Jehova wakamvwa biyeni chiindi maIsrayeli nibali mumapenzi? Muswiilile CHISOBANO CHAKALEKKOODWA naakuti ubale Kulonga 3:1-10. Kuzwa waawo, musandule mibuzyo iitobela:

CHISOBANO CHAKALEKKOODWA: Jehova Wakabavuna Nibakali Mumapenzi (2:45)

• Lwaano oolu lutondeezya kuti Jehova umvwa biyeni chiindi nituli mumapenzi?—Langa vesi 7 a8.

• Ulazisyoma na kuti Jehova ulaachiyandisyo chakugwasya bantu nibali mumapenzi akuti ulaamanguzu akubagwasya? Nkamboonzi?

7. Zintu zyakalengwa zitondeezya buntu mbwalaabo Jehova

Jehova wakatondeezya buntu mbwalaabo muzintu nzyaakalenga. Mweebele KAVIDIYO. Kuzwa waawo ubale Baroma 1:20, mpawo musandule mubuzyo uutobela.

KAVIDIYO: Zintu Zyakalengwa Zitondeezya Kuti Jehova Ulaaluyando—Mubili Wamuntu (1:57)

• Mbuubuli buntu bwaJehova mbubona muzintu zyakalengwa?

CHIFWIINSYO

Jehova Muuya alubo ulaabuntu bubotu, kapati luyando.

Mibuzyo Yakwiindulula

• Nkamboonzi nitutakonzyi kubona Jehova?

• Muuya uusalala niinzi?

• Mbuubuli bumwi buntu Jehova mbwalaabo?

YANDUULISISYA

Muzibe kabotu Jehova kwiinda mukwiiya atala abuntu bwakwe bupati buli 4.

“Leza Ulaabuntu Bulibiyeni?” (Ngaziyakulinda No. 1 2019)

Bona zintu zitondeezya kuti Jehova tali muzintu zyoonse pe.

“Leza Ujanika Ndawu Yoonse Na?” (Chiiyo chijanika aaIntaneti)

Bona kuti nkamboonzi Bbayibbele nilyaamba kuti muuya uusalala maboko aaLeza.

“Muuya Uusalala Niinzi?” (Chiiyo chijanika aaIntaneti)

Mwaalumi moofu taakali kusyoma pe kuti Leza ulaandaba anguwe. Bona kuti niinzi chakamugwasya kuti abone kuti Leza ulaandaba anguwe.

“Lino Ndakabona Kuti Ndilakonzya Kugwasya Bamwi” (Ngaziyakulinda, October 1, 2015)