Nyimbo zyaBwaami Zipa Busichamba

Paulo aSila bakali kwiimba nyimbo zyakutembawula Leza chiindi nibakali muntolongo. (Inc 16:25) Bakwesu bakali muntolongo yakuSachsenhausen yamaNazi kuGermany abamwi bakali bazike kuSiberia, bakali kwiimba nyimbo zyaBwaami. Zikozyano zyabo zitugwasya kubona kuti nyimbo zilakonzya kusimya maKristu ali mumasunko.

Bbuku pya lyanyimbo lilaamutwe uti “Sing Out Joyfully” to Jehovah, liyoojanika mumilaka isiyene siyene lino-lino. Kuti twalijana bbuku lyanyimbo, tweelede kuzyiimba muchiindi chakukomba kwampuli kuchitila kuti tuzijate amutwe. (Ef 5:19) Ikuti twachita oobo, muuya uusalala uyootugwasya kuti tukaziyeeye twakunjla mumapenzi. Nyimbo zyaBwaami zitugwasya kuti tube abulangilizi. Zilatusimya chiindi nituli mumapenzi. Alubo, chiindi nituboteledwe, tulakonzya ‘kwiimba chakutangala’ majwi anyimbo eezi. (1Mak 15:16; Int 33:1-3) Atweezye kuziziba akuzyiimba nyimbo zyaBwaami.

AMWEEBELE KAVIDIYO KATI LWIIMBO LWAKASIMYA BASUNGWA, MPAWO MUSANDULE MIBUZYO IITOBELA:

• Niinzi chakapa kuti Mukwesu Frost awanze nyimbo?

• Lwiimbo oolu lwakabagwasya biyeni bakwesu bakali muntolongo yakuSachsenhausen?

• Muzyiimo zili biyeni nyimbo zyaBwaami muzikonzya kukusimya buzuba abuzuba?

• Nziizili nyimbo zyaBwaami nzuyanda kujata amutwe?