Kujana Twachita Biyeni Kuti Tube Basungu Mukwiiya Bbayibbele?

Tamuyandi na kuzumanana kusyomeka mumasunko mbuli kwakachita Daniyele? Chabusungu, Daniyele wakali kubala businsimi buli muJwi lyaLeza busisikene. (Dan 9:2) Kubala Bbayibbele chabusungu kuyoomugwasya kuti muzumanane kusyomeka. Biyeni? Kupa kuti musyome kuti zisyomezyo zyaJehova ziyoozuzikizigwa. (Jos 23:14) Alubo, kuyoomusungwaazya kuti mutaleki kuchita zilikabotu nkaambo mulamuyanda Leza. (Int 97:10) Kujana mwatalikila aali? Atulange-lange twaambo tutobela.

• Ndeelede kubala atala anzi? Bubambe bulikabotu bwakubala buswaanizya kulibambila miswaangano yambungano. Kubala Bbayibbele kuchitwa mviki amviki kuyoomugwasya kuti mube achiindi chakuyanduulisisya makani ngimutamvwisisisyi kabotu. Alubo bamwi basala kwiiya zyiingi atala abusinsimi buli muBbayibbele, michelo yakumuuya iisiyene-siyene, nyendo zyabumishinali zyamwaapostolo Pawulu naa zintu zyakalengwa aJehova. Ikuti mwaba awumwi mubuzyo, mulakonzya kuulemba aansi mpawo muzoowuyanduulisisye mwaazoobala muchiindi chitobela.

• Kujana ndaajana kuli makani miingi? Kuti mujane zyiingi, amweebele kavidiyo kati Zibelesyo Zyakuyanduulisisya Lubono Luli muJwi lyaLeza. Mulakonzya kweezya kuyanduula zisi zyakali kweelendelezya nyika yoonse zyiimininwa abanyama bali mubbuku lyaDaniyele chaandano 7.

• Ndeelede kubala kwachiindi chilamfu biyeni? Kubala mabbuku aambunga kupa kuti tusime mubukombi. Kumasaangunino, mulakonzya kutatola chiindi chilamfu, pesi ikuti kamukonzya, munooyabuyungizya. Kubala Jwi lyaLeza kuli mbuli kuyanduula lubono lusisidwe; nkaambo mwanooyabulujana, ziyoopa kuti musungwaate kuluyanduula! (Tus 2:3-6) Kuyandisya kubala Jwi lyaLeza, kuyoopa kuti muzumanane kubala Bbayibbele mubuumi bwanu boonse.—1Pet 2:2.

BANYAMA BAAMBWA MULI DANIELE CHANDAANO 7 BAYIMININAANZI?

• 

  Dan 7:4

• 

  Dan 7:5

• 

  Dan 7:6

• 

  Dan 7:7

MUBUZYO:

Lugwalo lwaDaniele 7:8, 24 lwakazuzikizigwa biyeni?

KUBALA KWAMUCHIINDI CHITOBELA:

Banyama baambwa muli Ciyubunuzyo chaandano 13 bayimininaanzi?