Kuyungizya Luzibo Lwesu Mumulimu Wakukambawuka​—Kukambawukila Boofu

NKAMBOONZI NIKUYANDIKANA?: Bantu biingi bataboni tabamvwi kabaangunukide kwaambuula abantu mbibatazi. Nikuba boobo, ziyanda kubikkila maanu kuti tukonzye kubakambawukila. Jehova ubabikkila maanu bantu bataboni. (Le 19:14) Tulakonzya kutobelezya chikozyano chakwe kwiinda mukugwasya bantu bataboni kuti bayiye Bbayibbele.

MBUTUKONZYA KUZICHITA:

• Tweelede ‘kuyanduula’ bantu bataboni. (Mt 10:11) Kuli muntu nguzi na ulaabbululu uutaboni? Muchilawu chanu kuli chikolo chaboofu na naakuti busena bukkala bantu bataboni bayanda mabbuku eesu aagwasya bantu boofu?

• Tutondeezye chiyandisyo. Kuti twatondeezya kuti tulabayanda bantu bataboni ziyoopa kuti balimvwe kabaangunukide. Tulakonzya kubakambawukila kwiinda mukwaambuula atala azintu nzibayandisya

• Tubagwasye muzintu zyabukombi. Mbunga yakachita mabambe aakuti mabbuku aagwasya bantu babonena kule abataboni ajanike muzibelesyo zisiyene-siyene. Ulakonzya kubuzya kuti uyanda kuti mubelesyeenzi chiindi nimulikwiiya. Mulangizi wamulimu weelede kukumbila mukwesu uulangania mabbuku kuti awodesye mabbuku aabantu bataboni ayendelana aabantu aabo.