Nibazyali, Amuyiisye Bana Banu

Mazubaano, bantu biingi baabubona kuti zintu zibotu nzibi mpawo zibi baabuzibona kazili zibotu. (Is 5:20) Zilawusisya kuti bamwi baabuchita zintu zizondwa aaJehova ziswaanizya kutalijata kabotu kwabantu bakozyenie zizo. Bana balakonzya kweenwa aabeenzinyina kuti batobelezye michito eeyi iitali kabotu. Kujana mwabagwasya biyeni bana banu kuti bazookonzye kutantamuka penzi eeli?

Mweelede kuyiisya bana banu zyeelelo zyaJehova. (Le 18:3) Mweelede kuyiisya mwana umwi awumwi nzilyaamba Bbayibbele atala amakani aakoonana kweendelana aminyaka njalaayo. (Dt 6:7) Mulakonzya kulibuzya kuti: ‘Kuli nindakali ndabayiisya na bana bangu atala ankani zyaluyando, mbukuyandikana kuzwaata kabotu akuti batabuzyi bamwi zintu zyoonse nzibachita? Bana bangu balizi na kuti beelede kuchitaanzi kuti umwi muntu wayanda kubatondeezya ponogilafu naakuti kubasungilizya kuti bachite zintu nzyazonda Jehova?’ Kubayiisya nzilyaamba Bbayibbele kulakonzya kugwasya bana banu kuti batantamuke mapenzi. (Tu 27:12; Mu 7:12) Kuyiisya bana banu kutondeezya kuti mulaluyanda lukono ndumwakapegwa aaJehova.—In 127:3.

AMWEEBELE KAVIDIYO KATII, AMUGWASYE MPULI YANU KUTI ILISIMYE—AMUKWABILILE BANA BANU “KUZINTU ZIBI,” KUZWA WAAWO, MUSANDULE MIBUZYO IITOBELA:

• 

  Nkamboonzi bamwi bazyali nibatayiisyi bana babo atala amakani aazyakoonana?

• 

  Nkamboonzi bazyali nibeelede kuyiisya bana babo ‘lwiiyo lwa Jehova’?—Ef 6:4

• 

  Nziizili zibelesyo nzitwakapegwa aambunga yaJehova zikonzya kugwasya bazyali kuti bayiisye bana babo atala amakani aazyakoonana?—w19.05 12, bbokesi

• Nkamboonzi nikuyandikana kuti mujane chiindi chakwaambuula abana banu kakutanaba penzi?