Amutondeezyanie Luyando Mumpuli

Luyando lujatanisya bantu mumpuli. Kuti mumpuli kakutakwe luyando, bantu tabakonzyi pe kujatana akubelekelaamwi. Kujana mwaalumi, mwanakazi abazyali balutondeezya biyeni luyando mumpuli?

Mwaalumi ulaaluyando ubikkila maanu kuzintu nzyayanda mwanakazaakwe, maboneno aakwe ambalimvwa. (Ef 5:28, 29) Upa bamumpuli yakwe nzibayanda zyakumubili azyabukombi kuswaanizya akukkala kachitisya Kukomba Kwampuli. (1Ti 5:8) Mwanakazi ulaaluyando ulalibombya kumulumaakwe alubo weelede “kumulemeka kapati.” (Ef 5:22, 33; 1Pe 3:1-6) Bakwetene beelede kulekelelana kazizwaansi aamoyo. (Ef 4:32) Bazyali balaaluyando balamuyanda mwana umwi awumwi alubo babayiisya kuti bayande Jehova. (Dt 6:6, 7; Ef 6:4) Bazyali beelede kulibuzya kuti, Mbuubuli buyumu-yumu mbubaswaana bana bangu nibali kuchikolo? Balikulizunda biyeni penzi lyakuyungwa aabeenzinyina? Kuti boonse mumpuli batondeezyania luyando, bayoolimvwa kabakwabililidwe.

AMWEEBELE VIDIYO ITII, ZUMANANA KUTONDEEZYA LUYANDO MUMPULI, KUZWA WAAWO, MUSANDULE MIBUZYO IITOBELA:

• 

  Mwaalumi ulaaluyando umujata biyeni mwanakazaakwe?

• 

  Mwanakazi ulaaluyando utondeezya biyeni kuti ulamulemeka mulumaakwe?

• 

  Bazyali balaaluyando babayiisya biyeni bana babo atala aJwi lyaLeza?