LIPEDE KUMULIMU WAKUKAMBAWUKA | MBUKONZYA KUBOTELWA MUMULIMU WAKUKAMBAWUKA
Gwasya Bantu Mbuyiyaabo Kuti Banjile Miswaangano
Miswaangano yambungano nchipanzi chiyandikana loko chabukombi bwakasimpe. (In 22:22) Bantu banjila miswaangano balabotelwa alubo nga bajana zilongezyo. (In 65:4) Bantu mbitwiiyaabo Bbayibbele balakonzya kufwambaana kwiinkilila kunembo mubukombi kuti kabanjila miswaangano.
Kujana wabagwasya biyeni bantu mbuyiyaabo Bbayibbele kuti banjile miswaangano? Kkala kubatamba kumiswaangano. Batondeezye kavidiyo katii, Niinzi Cicitika kuN’anda yaBwami? Babuzye bubotu bwakunjila miswaangano. (lff chiiyo 10) Ulakonzya kubabuzya zintu zyakakunoneezya kumiswaangano naakuti kwaamba ziyooyiigwa kumiswaangano iitobela. Bape mabbuku ngimwiiya kumiswaangano. Alubo weelede kubagwasya kulizimwi. Muchikozyano, ulakonzya kwiinkaabo kumiswaangano. Kuti muntu nguyiyaawe wanjila miswaangano kakusaanguna, uzoobona kuti tunooli wabeleka mahhala pe.—1Ko 14:24, 25.
AMWEEBELE KAVIDIYO KATII, GWASYA BANTU MBUYIYAABO KUTI BANJILE MISWAANGANO, KUZWA WAAWO, MUSANDULE MIBUZYO IITOBELA:
Nguuli mweenya ngwaakabelesya Neeta kuti atambe Maluba kumiswaangano?
Niinzi chinga chapa kuti tubotelwe kuti muntu ngutwiiyaawe Bbayibbele wanjila miswaangano?
“Ncobeni Leza mpali akati kanu”
Niinzi nzyaakabona Maluba chiindi naakanjila miswaangano kakusaanguna?