Masunko Taakkalili Pe Alayinda

Masunko alakonzya kutumana manguzu kapati kuti akkala kwachiindi chilamfu. Davida wakalizi kuti penzi ndyaakalaalyo atala aMwaami Sawulu lyakali kuzoomana akuti wakali kuzooba mwaami mbuli mbaakasyomezezye Jehova. (1Sa 16:13) Lusyomo ndwaakalaalo Davida lwakapa kuti abe aamoyo mulamfu akuti alindile Jehova.

Chiindi nituli mupenzi tulakonzya kubelesya bupampu, luzibo naakuti kuyeeya mbutukonzya kuchincha chiimo eecho. (1Sa 21:12-14; Tu 1:4) Pesi mapenzi amwi alakonzya kuzumanana nikuba kuti tweezya amanguzu eesu woonse kubelesya malayilile aamuBbayibbele kuti twaamaninsye. Muzyiimo zili boobu, tweelede kubaamoyo mulamfu akulindila Jehova. Lino-lino uyoomaninsya mapenzi eesu woonse alubo “uyoosindula misozi yoonse” kumeso eesu. (Ciy 21:4) Nikuba kuti penzi lyesu lyamana akaambo kakuti Jehova wanjilila naakuti atumwi twaambo, pesi kuli chintu nchituzi chakuti: Masunko taakkalili pe alayinda. Kuziba makani aaya kulatuumbulizya.

AMWEEBELE VIDIYO ITII, BANTU BAJISINI MUNYIKA IITAJISINI, KUZWA WAAWO, MUSANDULE MIBUZYO IITOBELA:

• Mbuubuli buyumu-yumu mbubakaswaana bamwi maKristu bakuUnited States nkwiili kumusanza?

• Bakalutondeezya biyeni luyando amoyo mulamfu?

• Bakatondeezya biyeni kuti babikkila maanu ‘zintu ziyandika kapati’?​—Flp 1:10