Ulilibambilide Na Kuti Kwabuka Nkondo Kubusena Nkukkala?

Mbukunga mamanino asweena afwiifwi, tulangilila kuti nkondo ziyoovula alubo bantu biingi bayoobukila mfulumende. (Ciy 6:4) Nga tulalibambila biyeni mapenzi katanasika?

• Libambile muzintu zyabukombi: Sala malayilile azikozyano zili muBbayibbele ziyookugwasya kuti usimye lusyomo lwako muli Jehova akumbunga yakwe alubo ziyookugwasya kuti utatoli lubazu. (Tu 12:5; jr 125-126 ¶23-24) Eechino nchichiindi chakusimya bweenzuma abakombima mumbungano.—1Pe 4:7, 8

• Libambile muzintu zyakumubili: Amuzibe mpumukonzya kukkala kamukwabililidwe kuti mwasala kuti tamukoozwa pe ang’anda alubo amubambe zintu ziyandikana. Amuzibe nzimweelede kuzoochita kuti mwazoosala kuzwa aang’anda. Amulange-lange zintu zili mukabbeeke naakuti muchikwama chakuchija aacho kuswaanizya azintu zyakulikwabilila aazyo amali. Ziba mbukonzya kuzoowambuzyania abaalu naakuti mbubakonzya kuzoowambuzyania anduwe.​—Is 32:2; g17.5 3-7

Nikuli kuchitika nkondo, kkala kuchita zintu zyamubukombi. (Flp 1:10) Kuti kazikonzeka, uteendeendi pe kunze kwakuti kulikuchijila kuli bumwi busena. (Mt 10:16) Kuti katuli aazyakulya azimwi, atupe bamwi.​—Ro 12:13

AMWEEBELE KAVIDIYO KATII, ULILIBAMBILIDE NA KUTI KWACHITIKA MAPENZI? KUZWA WAAWO, MUSANDULE MIBUZYO IITOBELA:

• Jehova utugwasya biyeni muchiindi chamapenzi?

• Niinzi nzitukonzya kuchita kuti tulibambile?

• Nga tulabagwasya biyeni bantu banga bachitikilwa aamapenzi?