BUUMI BWAMAKKRISTU
Ulilibambilide Na Kuti Kwaba Kubulika Kwazintu Ziyandikana Munyika?
Tatugambi pe kuti zintu kazitali kweenda kabotu munyika. Nkamboonzi nitutagambi? Nkaambo tulikupona kumamanino aamazuba aakumamanino alubo Bbayibbili lituchenjezya kuti tutabikki bulangilizi bwesu “kubunoti bunyonyooka.” (1Ti 6:17; 2Ti 3:1) Zyakachitika kuMwaami Jehosafati zituyiisyaanzi atala akulibambila nkutweelede kuchita nikwabulika zintu ziyandikana munyika?
Jehosafati wakasyoma Jehova, chiindi basinkondonyina nibakamukonga. (2Mk 20:9-12) Wakabweza ntaamu ziyandikana kuti alibambile kwiinda mukusimya myuunzi akubikka nkamu zyamasoja mumuunzi. (2Mk 17:1, 2, 12, 13) Mbuli Jehosafati, tweelede kusyoma Jehova akubweza ntaamu ziyandikana kuchitila kuti tukonzye kulwana buyumu-yumu mbutuswaana.
AMWEEBELE KAVIDIYO KATII ULILIBAMBILIDE NA KUTI KWACHITIKA MAPENZI AALICHITIKILA? KUZWA WAAWO, MUSANDULE MIBUZYO IITOBELA:
Kujana twalibambila biyeni kuti kwaba penzi lilichitikila?
Kujana twalibambila biyeni kuti tugwasye bamwi?