BUUMI BWAMAKKRISTU
Beembezi Babeleka Mulimu Mubotu Kuti Bagwasye Bakombi baJehova
Bantu biingi tababasyomi pe bantu bali mubweendelezi. Tulazimvwisisisya kuti nkamboonzi nibachita oobo. Kuzwa chiindi, beendelezi babelesya nguzu zyabo munzila iitali kabotu alubo babikkila maanu kuzintu nzibayanda kupela. (Mik 7:3) Zilabotezya kuti baalu bamumbungano babelesya nguzu nzibapedwe kuti bagwasye bakombi baJehova.—Es 10:3; Mt 20:25, 26.
Kusiyana abeendelezi bali munyika, baalu bachita milimu yabo akaambo kakuti bayanda Jehova abantu. (Joh 21:16; 1Pe 5:1-3) Kabazulwidwa aaJesu, beembezi aaba bagwasya sikupupulula umwi awumwi kuti abone kuti ulayandikana aakati kampuli yabakombi baJehova akuti aswene aafwiifwi aJehova. Balafwambaana kusungwaazya mbelele zyaJehova akugwasilizya chiindi nikuyandikana busilisi chakufwambaana naakuti nikwabuka mapenzi aalichitikila. Kuti kuyanda lugwasyo, ambuula aamwaalu wamumbungano yanu.—Jak 5:14.
AMWEEBELE KAVIDIYO KATII, BEEMBEZI BALANGANIA BUTANGA, KUZWA WAAWO, MUSANDULE MIBUZYO IITOBELA:
Mariana wakagwasigwa biyeni alugwasyo ndwaakajana kuzwa kubaalu?
Elias wakagwasigwa biyeni alugwasyo ndwaakajana kuzwa kubaalu?
Nwaamana kweebela kavidiyo aaka, zyapa kuti uubone biyeni mulimu uuchitwa aabaalu?