Belesya Magwalo Aayungizidwe

Magwalo aayungizidwe aali muBbaibbele lya Busanduluzi Bwanyika Mpya lyaChitonga (Zambia) atondeezya kuti mavesi aasiyene-siyene aamuBbayibbili aleendelana kwiinda mukutondeezya aamwi magwalo aambuula atala ankani njiyeeyo aali aamakani miingi. Magwalo aayungizidwe ajanika mukabbii kaniini kanga kali kunembo aabbala. MumaBbayibbili aapulintidwe, yanduula kabbii kumbali kakozyenie aakabbii kali kunembo aabbala muvesi kuti ujane magwalo aayungizidwe. Aajw.org naakuti muJW Library^® app, tyanka kabbii kuti ubone magwalo aayungizidwe.

Magwalo aayungizidwe alakonzya kukutola kuzintu zitobela azimwi:

Makani aayendelana: Kabbii kalakutondeezya mavesi aali aankani zikozyenie aali mumagwalo aasiyene-siyene. Muchikozyano, langa 2 Samiyele 24:1 a 1 Makani 21:1.

Mpaakabwezegwa majwi: Magwalo aayungizidwe atondeezya majwi mpaakabwezegwa. Muchikozyano, langa Mateyo 4:4 a Detoronomi 8:3.

Bupolofita bwakazuzikizigwa: Magwalo aayungizidwe atondeezya bupolofita ambubwakazuzikizigwa. Muchikozyano, langa Mateyo 21:5 a Zekkariya 9:9.