Joshuwa
7 Pesi ma-Israyeli teebakasyomeka pe akaambo kazintu zyakeelede kunyonyoonwa, nkaambo Akkani mwana waKkami mwana waZabbudi mwana waZera wamusyobo waJuda, wakabweza zimwi zintu zyakeelede kunyonyoonwa. Eezi zyakapa kuti bukali bwaJehova buvutukile ma-Israyeli.
2 Joshuwa wakatuma baalumi kuzwa kuJerikko kuti bayinke ku-Ayi, iili aafwiifwi aBbeti-aveni kubuzwezuba kwaBbeteli mpawo wakababuzya kuti: “Amutante mukalange-lange nyika eeyi.” Nkinkaako, baalumi aabo bakatanta baakulanga-langa nyika ya-Ayi. 3 Nibakaboola baalumi aabo, bakabuzya Joshuwa kuti: “Takuyandikani kuti bantu boonse bayinke, baalumi bali 2 000 naakuti 3 000 balakonzya kwiizunda Ayi. Utakataazyi bantu kuti bayinke nkaambo bantu aabaya mbache.”
4 Nkinkaako, baalumi basika ku 3 000 bakayinka, pesi bakaakubachija baalumi baku-Ayi. 5 Baalumi baku-Ayi bakajaya baalumi bachi-Israyeli bali 36 mpawo bakabaandilila kuzwa aagedi lyamuunzi kuyoosika kuShebbarimu,* bakayinkilila kunembo kubajaya aamunkunu. Nkinkaako, bantu bakayoowa akumana manguzu.
6 Mpawo Joshuwa wakadelula zigogo zyakwe wavuntama kunembo lyaBbokesi lyaJehova kusika goko aamwi abaalu ba-Israyeli. Bakaliswini kulitutiila suko aamitwe yabo. 7 Joshuwa wakati: “Ikaka Mwaami Singuzuzyoonse Jehova, nkamboonzi nwaakabazubusya Jodani bantu boonse aaba? Wakali kuyanda kutubikka mumaboko aama-Amori na kuti batunyonyoone? Kaansinga wakatuleka biyo katulikkalila mutala* aaJodani! 8 Lino ndityeni biya, O Jehova, mbukunga Israyeli wafutatila* basinkondonyina? 9 MaKkenani abantu boonse bakkala munyika eeyi bazootuzinga akuzimaazya zina lyesu aanyika nibazoomvwa makani aaya, uzoochita biyeni azina lyako lilemekwa?”
10 Jehova wakasandula Joshuwa kuti: “Buka! Nkamboonzi nuvunteme? 11 Ma-Israyeli babisya. Batyola chizuminano changu nchindakabalayilila kuti bachibambe. Babweza zimwi zintu zyeelede kunyonyoonwa, bazibba akuzisisa muzintu zyabo. 12 Nkinkaako, ma-Israyeli tabakookonzya pe kulwana basinkondonyina. Bazoobafutatila akubachija, nkaambo baba chintu cheelede kunyonyoonwa. Tandikooba aandinywe lubo pe kunze kwakuti munyonyoone chintu chili aakati kanu cheelede kunyonyoonwa. 13 Nyampuka usalazye bantu ubabuzye kuti, ‘Amulisalazye akaambo kajuunza, nkaambo Jehova Leza wa-Israyeli waamba kuti: “Nima-Israyeli, aakati kanu kuli chintu cheelede kunyonyoonwa. Tamukookonzya pe kulwana basinkondonyokwe kusikila mugwisye chintu chili aakati kanu cheelede kunyonyoonwa. 14 Mweelede kusika kuseeni musyobo amusyobo mpawo musyobo Jehova ngwatazoosale, ulaswena aafwiifwi, kayili mpuli ampuli mpawo mpuli Jehova njatazoosale ilaswena aafwiifwi, ng’anda ang’anda mpawo ng’anda Jehova njatazoosale ilaswena aafwiifwi, muntu amuntu. 15 Mpawo muntu uutazoojatwe kali aachintu cheelede kunyonyoonwa uzootentwa mumulilo aamwi azintu zyakwe zyoonse, nkaambo wakatyola chizuminano chaJehova akuchita chintu chifwisya nsoni mu-Israyeli.”’”
16 Nkinkaako, Joshuwa wakafuma kuseeni mpawo wakapa kuti ma-Israyeli baswene aafwiifwi, musyobo amusyobo mpawo musyobo waJuda wakasalwa. 17 Wakapa kuti mpuli zyaJuda ziswene aafwiifwi mpawo mpuli yaZera yakasalwa. Wakapa kuti mpuli yaZera iswene aafwiifwi muntu amuntu, mpawo Zabbudi wakasalwa. 18 Kumamanino, wakapa kuti bamung’anda yaZabbudi baswene aafwiifwi muntu amuntu, mpawo Akkani mwana waKkami mwana waZabbudi mwana waZera wamusyobo waJuda, wakasalwa. 19 Mpawo Joshuwa wakati kuli Akkani: “Inche mwanaangu, lemeka Jehova Leza wa-Israyeli, ulyaambilile zibi zyako kulinguwe. Ndibuzye, wakachitaanzi. Utandisisili pe.”
20 Akkani wakasandula Joshuwa kuti: “Kwaamba choonzyo, ndime ndakabisizya Jehova Leza wa-Israyeli, eezi nzizyo nzindakachita. 21 Aazintu zibotu zyamumuunzi ngutwakanyonyoona, ndakabona chigogo chibotu loko chakuShina amashekeli* aansiliva aali 200 achigodo chimwi changolida chilema mashekeli aali 50, ndakaziyanda mpawo ndakazibweza. Lino zilisisidwe munyika mutente lyangu alubo mali ili kunsi aachigogo eecho.”
22 Chakufwambaana, Joshuwa wakatuma batumwa mpawo bakachijaanina kutente, baakujana chigogo kachisisidwe mutente lyakwe amali kunsi lyacho. 23 Nkinkaako, bakagwisya zintu eezyo mutente bazitola kuli Joshuwa akuma-Israyeli boonse mpawo bakazibikka kunembo lyaJehova. 24 Joshuwa ama-Israyeli boonse mbaakali aabo bakabweza Akkani mwana waZera ansiliva achigogo chibotu achigodo changolida abana bakwe balombe abasimbi, ng’ombe zyakwe, madonki aakwe, mbelele ampongo zyakwe, tente lyakwe azintu zyakwe zyoonse, mpawo bakabatola kuKkuti* lya-Akkori. 25 Joshuwa wakati: “Nkamboonzi nwaakatweetela mapenzi? Jehova ulakweetela mapenzi sunu.” Mpawo ma-Israyeli boonse bakamuuma aamabwe mpawo bakabatenta mumulilo. Nkinkaako, bakabawuma aamabwe boonse. 26 Bakalundika mulwi mupati wamabwe aalinguwe uuliwo kusika sunu. Mpawo bukali bwaJehova buyaka bwakayosa. Eezi nzizyo zyakapa kuti ndawu eeyo iwuzikwe kuti Kkuti* lya-Akkori* kusika sunu.