Nehemiya

10 Bantu bakachisimya kwiinda mukubikka zidindo zyabo aalinchicho mbaba:

9 MaLevi mbaba: Jeshuwa mwana wa-Azaniya, Bbinuyi uuzwa kubana baHenadadi, Kkadimiyeli, 10 Shebbaniya, Hodiya, Kkelita, Pelaya, Hanani, 11 Mikka, Rehobbu, Hashabbiya, 12 Zakkuri, Sherebbiya, Shebbaniya, 13 Hodiya, Bbani, aBbeninu.

14 Basilutwe babantu mbaba: Paroshi, Pahati-mowabbu, Elamu, Zatu, Bbani, 15 Bbuni, Azigadi, Bbebbayi, 16 Adonija, Bbigivayi, Adini, 17 Ata, Hezekkiya, Azuri, 18 Hodiya, Hashumu, Bbezayi, 19 Harifu, Anatoti, Nebbayi, 20 Magipiyashi, Meshulamu, Heziri, 21 Meshezabbeli, Zadokki, Jaduwa, 22 Pelatiya, Hanani, Anaya, 23 Hosheya, Hananiya, Hashabbu, 24 Halohesha, Piliha, Shobbekki, 25 Rehumu, Hashabbina, Maaseya, 26 Ahija, Hanani, Anani, 27 Malukki, Harimu, aBbaana.

28 Bantu boonse—bapayizi, maLevi, balindi bamageedi, bayimbi, babelesi baatempele,* abantu boonse bakalipambula kubantu bamunyika eezyo kuti batobele Mulawu waLeza wakasimpe aamwi abanakazi babo, bana balombe abasimbi, aboonse bakali aaluzibo akukonzya kumvwisisisya*— 29 bakaliswaanizya ababbululu babo, abantu babo bali aampuwo alubo bakasyomezya kuti banooyenda muMulawu waLeza wakasimpe. Bakabuzya Leza kuti abasubule kuti baleka kuswiilila. Bakazumina kweenda muMulawu Leza wakasimpe ooyo ngwaakapa kwiinda mumubelesi wakwe Mozesi, akuti bayitobelesesye milawu yoonse yaJehova Mwaami wesu, mbeta zyakwe amalayilile aakwe. 30 Tatukookwatya bana besu basimbi kubantu bamunyika eeyi, nikuba kubweza bana babo basimbi kuti bakwatwe aabana besu balombe.

31 Kuti bantu bamunyika beeta zintu zyabo zyakuuzya, amisyobo yoonse yazilyo kuti bazoowuzye mubuzuba bwaSabata, tatuzoowuli chintu pe kulimbabo mubuzuba bwaSabata naakuti mubuzuba busalala. Tatuzoolimi pe mumunyaka wamusanu ayibili alubo tuzoozima zikwelete zyoonse zitanabbadalwa.

32 Alubo twakalibikkila mulawu wakuti umwi awumwi wesu agwisye chipanzi chimwi chazipanzi zitatu zyashekeli* munyaka amunyaka, kuchitila kuti zibelesegwe kumulimu wang’anda* yaLeza wesu 33 kuti zibelesegwe kuzinkwa zyiilikene,* kuchipo chazilyo chikkala kachipegwa, kuchipo chitentwa chikkala kachitentwa chaSabata imwi ayimwi anwaakkala mweezi, kumapobwe aabikkidwe, kuzintu zisalala, kuchipayizyo chazibi kuti kumaninsigwe milandu ya-Israyeli akumilimu yoonse yang’anda yaLeza wesu.

34 Twakawuma chisale* kuti tubone kuti ndiilili mpuli imwi ayimwi yabapayizi, yamaLevi abantu boonse nibeelede kweeta nkuni kung’anda yaLeza wesu aaziindi zibikkidwe munyaka amunyaka. Nkuni eezi zyakali zyakusikka aachipayililo chaJehova Leza wesu kweendelana azilembedwe muMulawu. 35 Munyaka amunyaka, tunooyeta zilyo zisaanguna kubizwa zyamunyika yesu amichelo iisaanguna kubizwa yaminsamu yamisyobo yoonse kung’anda yaJehova, 36 kuswaanizya abana besu balombe bakusaanguna kuzyalwa abana bakusaanguna bazivuubwa zyesu—kweendelana azilembedwe muMulawu—abana bakusaanguna bang’ombe zyesu abampongo ambelele zyesu. Tuzoobeeta kung’anda yaLeza wesu, kubapayizi babeleka kung’anda yaLeza wesu. 37 Alubo tuleeta busu bwesu bwakusaanguna buli aamaseke bwadibule,* zipo zyesu, michelo yaminsamu yamisyobo yoonse, wayini mpya, amafuta. Tweelede kuzyeeta kubapayizi kumaanda aakubambila zintu* ang’anda yaLeza wesu, aamwi achakkumi chamunyika yesu chipegwa maLevi, nkaambo maLevi mbabo babweza zyakkumi mumyuunzi yesu yoonse mulimwa.

38 Mupayizi, mwana wa-Aroni weelede kuba aamwi amaLevi chiindi maLevi nibanoobweza chakkumi; maLevi beelede kupa chakkumi kuzwa kuli chakkumi eecho kung’anda yaLeza wesu, kumaanda* aang’anda yakubambila zintu. 39 Ma-Israyeli abana bamaLevi beelede kweeta zintu zyazilyo, wayini mpya, amafuta kumaanda aakubambila zintu* alubo nkuko kuli zibelesyo zyamundawu iisalala kuswaanizya abapayizi babelekela nkuko, balindi bamageedi, abayimbi. Tatukooyilekelezya pe ng’anda yaLeza wesu.