CHIIYO 6

Kwaapandulula Kabotu Magwalo

Johane 10:33-36

CHIFWIINSYO: Toyelede kubala lugwalo luzutu mpawo uye kukaambo katobela. Baachoonzyo chakuti baswiilizi balumvwisisisya lugwalo ndwaabala akaambo nkulikupandulula.

MBUKONZYA KUZICHITA:

Tondeezya makani aayandikana. Nwaamana kubala lugwalo, amba makani aatondeezya kaambo kapati. Ulakonzya kuchita oobo kwiinda mukwiindulula majwi aali mulugwalo naakuti kubuzya mubuzyo uupa kuti baswiilizi bakabone kaambo kayandikana.

Kuti wabelesya amwi mabala aasiyene amajwi aali mulugwalo, weelede kubona kuti baswiilizi balakabona kaambo kayandikana keendelana alugwalo ndwaabala.
Simya kaambo. Kuti waamba amwi makani aapandulula lugwalo, weelede kulupandulula kuti lweendelana biyeni amakani aayo.

Nupandulula lugwalo, kkala kujulide Bbayibbele. Kuchita oobo kugwasya baswiilizi kuti babone mbuzyeendelana nzulikwaamba anzwaabala.
Wamba makani aamvwisisika. Utaambi makani aateendelani akaambo nkulikupandulula. Kuziba makani ngibazi baswiilizi atala akaambo, kulakugwasya kubona twaambo ntweelede kubelesya kuti kaambo nkulikupandulula kamvwisisike.