Leza Usyomezya Kuti Nyika Tayizoonyonyoonwi Pe

Aaya majwi akaambwa aakabunga kabasikuyanduulisisya chiindi nibakali kwaambuula atala abwiime bwakunze. Kuti kusyoma muMulengi ooyo uuli aandaba abantu, majwi aaya akaambwa alakonzya kukuyeezya nzila zyiingi Leza mbaakalenga nyika munzila yakuti ilibambulule ayilikke.

Nikuba oobo, bantu bakayinyonyoona loko nyika zyakuti tayikonzyi pe kulibambulula ayilikke chakumaninina. Nkamboonzi nituli aachoonzyo chakuti Leza uzooyibambulula?

Bona magwalo aali mukabbokesi aatupa choonzyo chakuti nyika tayizoonyonyooki pe.

• Nyika yakalengwa aaLeza. “Kumatalikilo, Leza wakalenga julu anyika.”​—Matalikilo 1:1

• Leza ngumuna nyika. “Nyika njiya Jehovaa azintu zyoonse izili mulinjiyo.”​—Intembauzyo 24:1

• Leza wakalenga nyika munzila yakuti itanyonyooki pe. “Wakkazikizya nyika antalisyo zyanjiyo ziyumu; kunyina noiyoogwisyigwa abusena bwanjiyo lyoonse alyoonse, mane kukabe kutamani.”​—Intembauzyo 104:5

• Leza wakasyomezya kuti zintu zipona zinooliwo kusikila kukabe kutamani. “Leza mwini-mwini, Ooyo wakabumba nyika, . . . watakailenga buyo kakunyina kaambo pele iwakaibumba kutegwa kaikkalwa bantu.”​—Isaya 45:18

• Leza wakasyomezya kuti bantu banookkala aanyika kukabe kutamani. “Balulami bayookona nyika, alimwi bayookkala alinjiyo lyoonse mane kukabe kutamani.”​—Intembauzyo 37:29

Leza wakalenga nyika kuchitila kuti bantu bakkale aalinjiyo kababotelwa kabatayinyonyooni pe. Bbayibbili lyaamba kuti Jehova Leza uzoonyonyoona aabo banyonyoona nyika nichazookkwana chiindi chakwe.​—Chiyubunuzyo 11:18

Bbayibbili lisyomezya kuti Leza uzoochincha nyika kuti izoobe paradayizi mbotu “akukkutya cilenge coonse cipona kwiinda mukucipa ncociyanda.”​—Intembauzyo 145:16