Kujana Bbayibbele Lyandigwasya Biyeni?

KUJANA WACHITA BIYENI?

Yeeya eezi: Mufutuli uyoobweenda munzila mansiku pesi tachikuzi pe nkwabede akaambo kakuti kwasiya loko. Mpawo wabona kuti wasweeka. Kweelede kuti wabelesya nzila iitali njiyo.

Kaansinga nduwe Mufutuli walikunoochita biyeni?

YEEYA SAANSI!

Ulakonzya kusala kuchita zintu zitobela:

1. Kubuzya kuli umwi muntu.

2. Kubelesya tochi.

3. Kwiinkilila kunembo kuyabweenda kuyeeyela kuti ulakonzya kwiijana nzila.

Zili antanganana kuti nzila yatatu tigwasyi pe.

Nzila yabili ilakonzya kukugwasya kwiinda yakusaanguna. Tochi lilakonzya kukugwasya nkaambo lilakumunikila kuti ubone nzila.

Nkinkaako, Bbayibbele lilakonzya kukugwasya!

Bbuku eeli lijanika mubantu biingi lilakonzya

• kukugwasya nuswaana mapenzi mubuumi

• kukugwasya kuti uzibe mbubede akuti ube muntu ulikabotu

• kukugwasya kuti upone buumi bulikabotu

NSANDULO ZYAMIBUZYO IIKATAAZYA MUBUUMI

Chiindi notutalika kwaambuula tulabuzya mibuzyo.

• Nkamboonzi julu nilili lyabbuluu?

• Nyenyeezi zipangidwe anyamaanzi?

Mukuya kwachiindi ngatwalibuzya mibuzyo iili atala abuumi.

• Nkamboonzi zintu zibi nizichitika?

• Nkamboonzi bantu nibafwa?

Ani kuti nsandulo kazilimo muBbayibbele kuzwa chiindi?

Bantu biingi batii Bbayibbele lizwide twaano twakubeja, ndyachiindi naakuti nkuyumu kulimvwisisisya. Pesi lyo Bbayibbele talimvwisisiki na naakuti nkuyeeya biyo kwabantu atala aBbayibbele?

Bantu bayeeya kuti Bbayibbele lyaamba kuti Leza nguwe ulikweendelezya nyika. Ino zichitika biyeni eezyo? Eeyi nyika yiindilila kubija. Izwide machise amapenzi, kuchiswa alufu, kufwaba amapenzi aalichitikila. Ino zichitika biyeni kuti Leza siluyando ajatikizigwe muzintu zyoonse eezi?

Ulayanda na kuziba nsandulo yamubuzyo ooyu? Nzilyaamba Bbayibbele atala amuntu ulikweendelezya nyika zilakonzya kukugambya.

Malayilile aalimukabbuku aaka azwa muBbayibbele. Bakamboni baJehova basyoma kuti Bbayibbele lilabagwasya mubuumi. Nkaambo ‘lyakazwa kuliLeza, lilagwasya kukuyiisya, kukulaya, kukululamika akukupandulula makani.’ (2 Timoteo 3:16, 17) Ulakonzya kugwasigwa kuti walanga-langa bbuku eeli lyakalembwa chiindi pesi lichibeleka.