Lemeka Chipo Chabuumi

Mubuumi kuli zintu zyiingi zitubotezya. Nikuba chiindi nituli mumapenzi, tulakonzya kubotelwa. Kujana twatondeezya biyeni kuti tulabulemeka buumi? Nkaakali kaambo kapati kapa kuti tulemeke buumi?

1. Nkamboonzi nitweelede kulemeka buumi?

Tweelede kubulemeka buumi nkaambo nchipo chizwa kuli Ndeende ulaaluyando, Jehova. Jehova nguwe “kasensa kabuumi,” nkaambo nguwe wakalenga zintu zyoonse. (Intembauzyo 36:9) Leza “walo mwini nguupa bantu boonse buumi, muya alimwi azintu zyoonse.” (Milimo 17:25, 28) Jehova utupa zintu ziyandikana kuti tupone. Alubo utupa zintu zipa kuti tubotelwe mubuumi.—Bala Milimo 14:17.

2. Kujana twatondeezya biyeni kuti tulabulemeka buumi?

Jehova wakalaandaba anduwe kuzwa chiindi nwaakaba mwida lyabaamaako. Umwi mulembi waBbayibbele uutegwa Davida wakalemba kuti: “Meso aako akandibona nindakacili nsalalila.” (Intembauzyo 139:16) Jehova ububona kabuyandikana loko buumi bwako. (Bala Matayo 10:29-31.) Zimuchisa loko kuti wabona umwi muntu kayanda kujeya umwi muntu naakuti kayanda kulijeya.a (Kulonga 20:13) Alubo zilamuchisa Jehova kuti twachita zintu zikonzya kutunjizya mumapenzi naakuti kunjizya bamwi mumapenzi. Kuti twalemeka buumi bwesu abwabamwi, nga twatondeezya kuti tulachilumba chipo chabuumi.

YIYA ZYIINGI

3. Lilanganie kabotu

MaKristu bakalipeda kuli Jehova kuti bamukombe kwabuumi bwabo boonse. Kuli mbuli kuti bapa mibili yabo kayili zipayizyo kuli Leza. Bala Baroma 12:1, 2, mpawo musandule mibuzyo iitobela:

• Niinzi zyeelede kupa kuti ulilanganie kabotu?

• Kujana wazichita biyeni eezi?

4. Likwabilile kuzintu zikonzya kukuchisa naakuti kukujeya

Bbayibbele litusungwaazya kuti tutantamuke zintu zikonzya kutunjizya mumapenzi. Mweebele VIDIYO kuti ubone zimwi zintu nzweelede kuchita kuti ulikwabilile.

VIDIYO: Likwabilile (8:34)

Bala Tusimpi 22:3, mpawo mubone kuti kujana twalikwabilila biyeni . . .

• kung’anda

• kumulimu

• nitulikusaana

• nitulikudilayiva naakuti nitugadide moota.

5. Lemeka buumi bwamwana uutanazyalwa

Davida wakaamba maboneno ngalaawo Jehova atala abuumi ambakomena mwana mwida. Bala Intembauzyo 139:13-17, mpawo musandule mubuzyo uutobela:

• Mumeso aaJehova, muntu usaanguna lili kuyandikana, nchiindi naaba na mwida naakuti naazyalwa?

Milawu Jehova njaakapede maIsrayeli yakali kukwabilila banakazi abana babo bakachili mwida. Bala Kulonga 21:22, 23, mpawo musandule mibuzyo iitobela:

• Jehova wakali kumubona biyeni muntu wakali kujaya mwana uuchili mwida katachitide aachaali?

• Jehova wakali kumvwa biyeni kuti umwi wajaya mwana uuli mwida achaali?b

• Alikabotu na maboneno ngalaawo Leza?

Mweebele KAVIDIYO.

KAVIDIYO: Lemeka Buumi Mbuli Mbabulemeka Leza (5:00)

Nikuba mwanakazi uuzi kuti buumi bulayandikana, chimwi chiindi ulakonzya kubonaanga kugwisya da nkuko kukonzya kumaninsya penzi. Bala Isaya 41:10, mpawo musandule mibuzyo iitobela:

• Nkuukuli nkwayelede kuyanduula lugwasyo mwanakazi kuti waswaanana aapenzi lyakusungilizigwa kuti agwisye da? Nkamboonzi?

CHIFWIINSYO

Bbayibbele lituyiisya kuti tuyande, tulemeke akukwabilila chipo chabuumi nchitwakapegwa aaJehova. Eezi ziswaanizya buumi bwesu abwabamwi.

Mibuzyo Yakwiindulula

• Nkamboonzi buumi bwabantu nibuyandikana kuli Jehova?

• Jehova umvwa biyeni kuti umwi muntu walijeya naakuti wajeya mweenzinyina?

• Niinzi chipa kuti uchilumbe chipo chabuumi?

YANDUULISISYA

Kujana twamulumba biyeni Jehova akaambo kachipo chabuumi?

Lwiimbo 141—Buumi Ncipego (2:41)

Bona nsandulo yamubuzyo utii, Leza ulamulekelela na muntu wakagwisya da?

“Bbayibbele Lityeni Atala Akugwisya Da?” (Chiiyo chijanika aaIntaneti)

Bona kuziba maboneno ngalaawo Leza atala abuumi mbukukonzya kukugwasya chiindi nusala zyakulikondelezya.

“Weelede Kulikondelezya Aazintu Zikonzya Kukunjizya Mumapenzi Na?” (Amubuke!, October 8, 2000)

Kuti muntu kalaamizeezo yakuyanda kulijaya, bona Bbayibbele mbulikonzya kumugwasya.

“Kujana Bbayibbele Lyandigwasya Na Kuti Kandiyanda Kulijaya?” (Chiiyo chijanika aaIntaneti)