Syomeka Muzintu Zyoonse

Bantu boonse bayanda kuti beenzinyina kabasyomeka. Jehova alakwe uyanda kuti beenzinyina kabasyomeka. Pesi kusyomeka teekuuba pe nkaambo bantu biingi tabasyomeki pe. Kusyomeka muzintu zyoonse kugwasya biyeni?

1. Nkaakali kaambo kapati kapa kuti tusyomeke?

Kuti twasyomeka kulibamwi, nga twatondeezya kuti tulamuyanda Jehova akuti tulamulemeka. Utalubi kuti Jehova ulizizi nzituyeeya anzituchita. (Bahebrayo 4:13) Ulatubona kuti twasyomeka alubo ulabotelwa. Jwi lyakwe lyaamba kuti: “Nkaambo muntu mumpelenge ncisesemyo kuli Jehova, pele balulami mbabajisi cilongwe ciyumu anguwe.”—Tusimpi 3:32.

2. Kujana twatondeezya biyeni kuti tulasyomeka?

Jehova uyanda kuti ‘twaambilane zyamasimpe kuli umwi amweenzinyina.’ (Zekariya 8:16, 17) Zyaambaanzi eezi? Chiindi nitwaambuula aabamumpuli zyesu, babelesima, bakwesu abachizi naakuti balupati-pati bamfulumende, tatweelede kubeja pe. Bantu basyomeka tababbi pe naakuti kubachitila chabumpelenge bamwi. (Bala Tusimpi 24:28 a Baefeso 4:28.) Balabbadala mitelo yoonse. (Baroma 13:5-7) Munzila eezi azimwi, tutondeezya kuti tulasyomeka “muzintu zyoonse.”—Bahebrayo 13:18.

3. Kusyomeka kugwasya biyeni?

Kuti twazibikana kuti tulasyomeka, bantu balatusyoma. Alubo zilapa kuti mumbungano bantu bamvwe kabakwabililidwe. Tulaba aamoyo uusalala uutatupi mulandu. Kuyungizya waawo, kusyomeka kulakonzya kupa kuti bamwi baze mubukombi bwakasimpe kuti bazootembawule “kuyiisya kwa Mufwutuli wesu, Leza.”—Tito 2:10.

YIYA ZYIINGI

4. Kusyomeka kupa kuti Jehova abotelwe

Bala Intembauzyo 44:21 a Malaki 3:16, mpawo musandule mibuzyo iitobela:

• Nkamboonzi nikutali busongo kuyeeya kuti tulakonzya kusisa amwi makani?

• Ubonaanga Jehova umvwa biyeni kuti twaamba choonzyo nikuba kakuli kuyumu kuchita oobo?

5. Syomeka chiindi choonse

KAVIDIYO: Niinzi Chipa Kuti Tubotelwe?—Kuba Aamoyo Uusalala (2:32)

Bala Bahebrayo 13:18, mpawo mwaambuuzyanie kuti nga tulatondeezya biyeni kuti tulasyomeka . . .

• mumpuli?

• kumulimu naakuti kuchikolo?

• mulizimwi zyiimo?

6. Kusyomeka kulatugwasya

Kumasaangunino, kusyomeka kulakonzya kubonekaanga kutunjizya mumapenzi. Pesi mukuya kwachiindi, nga zyazoozwa aantanganana kuti kusyomeka kulagwasya. Bala Intembauzyo 34:12-16, mpawo musandule mubuzyo uutobela:

• Kusyomeka kugwasya biyeni mubuumi?

1. Bakwetene kuti basyomeka kuli umwi awumwi bapa kuti lukwatano lwabo lusime

2. Babelesi basyomeka bapa kuti mabbosi aabo abasyome

3. Bantu basyomeka bapa kuti balupati-pati bamfulumende babasyome

CHIFWIINSYO

Jehova uyanda kuti beenzinyina basyomeke muzintu zyoonse nzibaamba anzibachita.

Mibuzyo Yakwiindulula

• Nziizili nzila nzitukonzya kutondeezya kuti tulasyomeka?

• Nkamboonzi nikutali busongo kuyeeya kuti tulakonzya kusisa amwi makani?

• Nkamboonzi nitweelede kusyomeka chiindi choonse?

YANDUULISISYA

Kujana bazyali babayiisya biyeni bana babo kuti basyomeke?

Wamba Masimpe (1:44)

Kuzuzikizya zisyomezyo zyesu kugwasya biyeni?

Kuzuzikizya Zisyomezyo Zyesu Kweeta Zilongezyo (9:09)

Bona kuti nkamboonzi nitweelede kubbadala mitelo nikuba kuti teeyabelesegwa munzila iilikabotu.

“Tweelede Kubbadala Mitelo Na?” (Ngaziyakulinda, September 1, 2011)

Niinzi chakagwasya umwi mwaalumi kuti achinche maponeno aakwe akuti asaangune kusyomeka?

“Ndakayiya Kuti Leza Ulaaluzyalo Akuti Ulalekelela” (Ngaziyakulinda, May 1, 2015)