Sala Zyakulikondelezya Zibotezya Jehova

Jehova ‘nguLeza uukkomene.’ (1 Timoteyo 1:11) Jehova uyanda kuti tubotelwe mubuumi. Leza ulabotelwa kuti twajana chiindi chakulyookezya. Muchiiyo eechi, tulabona mbutukonzya kubelesya chiindi chakulyookezya munzila iipa kuti tubotelwe alubo iibotezya Jehova.

1. Tweelede kuba choonzyo chanzi chiindi nitusala zyakulikondelezya?

Uyandisya kuchitaanzi nulikulyookezya? Bamwi ngabali aang’anda kabalikubala, kuswiilizya nyimbo, kweebela muuvi naakuti kunjila aaIntaneti. Bamwi bayandisya kuba aabeenzinyina kabalikusaana, kudubbwa naakuti kusaana mageemu. Kufumbwa nzituchita, tweelede kubaachoonzyo chakuti zyakulikondelezya nzitusala ‘zilatambulika ku Mwami.’ (Baefeso 5:10) Tweelede kuzibikkila maanu eezi nkaambo zyakulikondelezya zizwide mazubaano tazimubotezyi pe Jehova, ziswaanizya zyakulwana, bwaamu naakuti zyachidimoni. (Bala Intembauzyo 11:5.) Niinzi chikonzya kutugwasya kuti tusale zyakulikondelezya zilikabotu?

Kuti twasala beenzuma bayanda Jehova, balakonzya kutusungwaazya akupa kuti tusale zyakulikondelezya zilikabotu. Mbuli mbutwakayiya muchiiyo chayinda, “ooyo weenda abasongo ulaba musongo.” Pesi kuti twaliswaanizya aabantu bataziyandi pe zyeelelo zyaJehova, ‘tulajana mapenzi.’—Tusimpi 13:20.

2. Nkamboonzi nikuyandikana kubikkila maanu kuchiindi nchitutola muzintu zyakulikondelezya?

Nikuba kuti tulikondelezya aazintu zilikabotu, pesi tweelede kuchenjelela kuti tutamochi chiindi chiingi katulikuchita nzizyo luzutu. Kuti twachita oobo, tulabula chiindi chakuchita zintu ziyandikana. Bbayibbele litusungwaazya kuti “kamucibelesya kabotu ciindi coonse ncomujisi.”—Bala Baefeso 5:15, 16.

YIYA ZYIINGI

Bona mbukonzya kusala zyakulikondelezya zilikabotu.

3. Tantamuka zyakulikondelezya zitali kabotu

Nkamboonzi nitweelede kuchenjela chiindi nitusala zyakulikondelezya? Mweebele KAVIDIYO, mpawo musandule mibuzyo iitobela.

KAVIDIYO: Weelede Kusala Zyakulikondelezya Zilibiyeni? (4:39)

• Zyakulikondelezya zyachiindi zikozyenie biyeni azyakulikondelezya ziliwo mazubaano?

• Wakayiyaanzi Danny atala azyakulikondelezya?

Bala Baroma 12:9, mpawo musandule mubuzyo uutobela:

• Kujana vesi eeyi yakugwasya biyeni chiindi nuyanda kusala zyakulikondelezya?

Nziizili zimwi zintu Jehova nzyazonda? Bala Tusimpi 6:16, 17 a Bagalatiya 5:19-21. Nimwazwa aakubala vesi imwi ayimwi, musandule mubuzyo uutobela:

• Nziizili zintu zyaambwa mumavesi aaya zizwide mulizyakulikondelezya zyamazubaano?

Mbukonzya kusala zyakulikondelezya zilikabotu

Libuzye kuti:

• Niinzi? Ziswaanizya zintu nzyazonda na Jehova?

• Ndiilili? Zipa kuti ndikachilwe kuchita zintu ziyandikana na?

• Mbaani? Zipa kuti ndiliswaanizye aabantu batayandi Jehova na?

Tweelede kutantamuka zintu zikonzya kutunjizya mumapenzi. Eezi nzizyo zipa kuti tutantamuke kufumbwa zyakulikondelezya nzituyeeyela kuti tazili kabotu pe

4. Chibelesye kabotu chiindi

KAVIDIYO: Uchimaninsizya Kuli Chiindi? (2:45)

• Nikuba kuti mukwesu ooyu wakali kulikondelezya aazintu zilikabotu, pesi penzi lyakalaali?

Bala Bafilipi 1:10, mpawo musandule mubuzyo uutobela:

• Vesi eeyi nga ilatugwasya biyeni kuti tuzibe chiindi nchitweelede kutola mulizyakulikondelezya?

5. Sala zyakulikondelezya zilikabotu

Nikuba kuti zimwi zyakulikondelezya tazimubotezyi pe Jehova, pesi kuli zyiingi loko zimubotezya. Bala Mukambausi 8:15 a Bafilipi 4:8, mpawo musandule mubuzyo uutobela:

• Nziizili zyakulikondelezya nzuyandisya?

CHIFWIINSYO

Jehova uyanda kuti tusale akuti tulikondelezye aazintu zilikabotu.

Mibuzyo Yakwiindulula

• MaKristu beelede kutantamuka zyakulikondelezya zilibiyeni?

• Nkamboonzi nitweelede kuchenjelela chiindi nchitutola mulizyakulikondelezya?

• Nkamboonzi nuyelede kulikondelezya aazintu zibotezya Jehova?

YANDUULISISYA

Bona kuti ngwani weelede kutusalila zyakulikondelezya.

“Kuli Mabbuku, Mamuuvi Naakuti Miimbo Ngibakasya Na Bakamboni baJehova?” (Chiiyo chijanika aaIntaneti)

Bona mbukonzya kusala zyakulikondelezya zilikabotu chiindi nulikulyookezya.

“Ulikondelezya Aazintu Zigwasya Na?” (Ngaziyakulinda, October 15, 2011)

Muchiiyo chiiti, “Ndakazunda Penzi Lyakusaluula,” bona chakagwasya umwi mwaalumi kuti aachinche zintu nzyaakali kulikondelezyaazyo.

“Bbayibbele Lilakonzya Kubachincha Bantu” (Ngaziyakulinda, February 1, 2010)

Bona umwi mwanakazi mbaakasala chabusongo mulizyakulikondelezya zilaachakuchita achidimoni.

Tantamuka Zyakulikondelezya Zilaachakuchita Achidimoni (2:02)