Tulakonzya kuba bantu balumba alimwi akuzumanana amuuya ooyu ikuti twazinzibala kuyeeya zilongezyo nzyotujisi mpoonya akulumba Jehova akaambo kakutulongezya. Ikuba aamoyo uulumba kuyakutugwasya kulwana muuya wakutalumba alimwi akutugwasya kuliyumya mumasunko. Lugwalo lwamwaka wa 2015 lunootuyeezya kujatikizya kaambo aaka mwaka woonse.

▪ Ikaambo Ncotucitila Mulalilo wa Mwami

Cibalo eeci cilatusalazyila kaambo ncotweelede kwiibaluka lufwu lwa Jesu. Cilapandulula ncociiminina cinkwa alimwi awaini uubelesyegwa lya Ciibalusyo alimwi cilapandulula muntu mbwazyiba kuti naa uleelela kulya akunywa zitondezyo. Cibalo eeci alimwi cilagwasya umwi aumwi wesu mbwakonzya kulibambila Mulalilo wa Mwami.

▪ Mbomukonzya Kuba Acikwati Ciyumu Kumwi Kamukkomene

▪ Amulekele Jehova Kuti Ayumye Akukwabilila Cikwati Canu

Banabukwetene banji balwana buyumuyumu buyaabuvwula alimwi amasunko. Nokuba boobo, kwiinda mukugwasyigwa a Jehova, cilakonzyeka kuba aacikwati ciyumu kumwi kamukkomene. Cibalo cakusaanguna cilabandika nzila zyosanwe zyakumuuya zikonzya kugwasya mukuba aacikwati ciyumu alimwi citamani alimwi acintu cikonzya kubaswaanganya antoomwe banabukwetene mbuli bulongo bwakuyasya. Cibalo cabili cilabandika mbobakonzya kuyuma kumuuya mukusola kukwabilila cikwati cabo.

▪ Sena Cilakonzyeka Kujana Luyando Lutamani?

Ino luyando lwini-lwini akati kamwaalumi amukaintu lwaamba nzi? Sena cilakonzyeka kujana luyando lutamani? Ino lutondezyegwa buti? Amubone ncotwiiya ku Lwiimbo lwa Solomoni kujatikizya luyando lutamani.

AZIMWI IZILI MUMAGAZINI EEYI

3 Bakalyaaba Amoyo Woonse Kuyakubelekela—Ku New York

CIVWUMBYO: Mukwesu ujisi Bbaibbele mumaanza, ulakambauka mubusena bubotu kapati bwa Grindelwald, mpoonya kusyule kulibonya malundu aa Bernese Alps

SWITZERLAND

MWEELWE WABANTU

7,876,000

BASIKUMWAYA

18,646

MWEELWE WABANTU BAKAJANIKA KU CIIBALUSYO (2013)

31,980