Miswaangano Yamulimo ya October
Nsondo Iitalika mu October 7
Lwiimbo 11
10 min: Zyakwaambilizya Zyambungano. Zyakwaambilizya Zisalidwe kuzwa mu Mulimo Wesu wa Bwami. Amubandike lipooti yamulimo ya July ya cisi alimwi aya mbungano yanu.
15 min: Kabbokesi Kamubuzyo. Mulangizi wa Mulimo naa mwaalu umbi uusimide abandike makani abaswiilizi.
20 min: “Amulibambile Nzila Yanu Njomunga Mwabelesya Kumwaya Mamagazini.” (Maparagrafu 1-7) Amubuzye mibuzyo yamaparagrafu 1-4, mpoona akube zitondezyo zifwaafwi zyobile naa zyotatwe izitondezya mbwaamwaigwa mamagazini mapya, ikubelesya nzila zipedwe mumaparagrafu 5-7. Amubikkilizye amakani aamu Ngazi Yamulindizi yamu Chichewa ya March 1, 1987, apeeji 24, maparagrafu 8-9.
Lwiimbo 29 amupailo wakujala.
Nsondo Iitalika mu October 14
Lwiimbo 8
10 min: Zyakwaambilizya Zyambungano. Lipooti yamaakkaunti.
15 min: “Ikumwaya Mulumbe Mubotu Wacintu Ciinda Kubota.” Kubuzya akwiingula. Amwaambe zibalo zimwi izigwasya kapati izyajanika mu Ngazi Yamulindizi—Amubone Ngazi Yamulindizi yamu Chichewa ya March 1, 1987, apeeji 20.
20 min: “Amulibambile Nzila Yanu Njomunga Mwabelesya Kumwaya Mamagazini.” (Maparagrafu 8-11) Kubuzya akwiingula. Alimwi amukanane nzila zyone zipedwe mu Ngazi Yamulindizi yamu Chichewa ya January 1, 1994, amapeeji 24-5, maparagrafu 18-21. Amubelesye mamagazini aamu October kutondezya mbwanga muntu walibambila nzila yakumwaya mamagazini: (1) Amusale cibalo cilangilwa koongelezya bantu mucilawo canu, (2) amuyandaule kaambo kakondelezya nkomunga mwabelesya, (3) amuyeeye mubuzyo uunga wabelesegwa kusololela kukaambo ako, (4) amusale Lugwalo ndomunga mwabala kuti mwalipedwe ciindi, alimwi (5) amulibambile majwi ngomuyakutalisya alimwi ancomuyakwaamba icijatikizya mamagazini kutegwa mukakulwaizye ulaaŋanda kwiitambula. Amusale basikumwaya bobile naa botatwe ibasimide, aumwi wambabo bape citondezyo cambokumwaigwa magazini. Amubikkilizye amukubusi uutipe citondezyo cuuba-uba cakusomba magazini.
Lwiimbo 10 amupailo wakujala.
Nsondo Iitalika mu October 21
Lwiimbo 22
15 min: Zyakwaambilizya Zyambungano. Amupandulule mbokutalikwa nzila yakusiya mamagazini: (1) Amulembe magazini yomwe-yomwe njomwakasiya alimwi acibalo ncomwakabelesya, (2) amubalombe kuti bamuzumizye kupilukila kuleta aambi mamagazini aatobela, alimwi (3) amubikke ciindi cini-cini ncomuyakupilukila akati kamulongo wamilimo yanu yansondo ansondo. Amumulombe kuti alembye alimwi kupilukila komwe-komwe nkomucita munzila yanu yakusiya mamagazini mutalubi kukulipoota antoomwe anyendo zyanu zyakupilukila.
15 min: “Amucibeleke Kabotu Cilawo Canu.” Amucibandike cibalo eci alimwi abubambe bwacitwa ambungano ibwakubeleka mumasena aamakwebo. Amubalombe baswiilizi baluule zintu zyakabacitikila nobakali kubeleka mutuntoolo ituli mucilawo cabo.
15 min: Ziyandika mumbungano. Naa kupegwe makani amwaalu aajatikizya cibalo cakuti “Kamulubambide Lusyomo Lwenu Kusikila Kumamanino,” kuzwa mu May 1, 1996, Ngazi Yamulindizi, apeeji 21-4.
Lwiimbo 9 amupailo wakujala.
Nsondo Iitalika mu October 28
Lwiimbo 25
10 min: Zyakwaambilizya Zyambungano. Mbwaanga kuli buzuba bwakulyookezya bwanyika buboola mu December ibunga ambweni bwazumizya kulyookezya kumilimo yakumubili naa yacikolo, amubakulwaizye boonse bayeeye zyakulilembya bupainiya bwakugwasilizya. Amubakulwaizye kupa malipooti abo aamulimo aamu October kumamanino aansondo ino.
20 min: “Mamagazini Amabbuku Mbwayelede Kulangwa Mumbungano.” Kubuzya akwiingula. Amubale maparagrafu oonse.
15 min: Amulange Mabbuku Aakumwaya mu November. Ibbuku lya Luzibo liyakumwaigwa alimwi kuyakuyandika kucita nyendo zyakupilukila moonse mwakasiigwa mabbuku kutegwa kutalikwe ziiyo zya Bbaibbele. Basikumwaya bobile naa botatwe ibasimide babandike bbuku ncoliyandika alimwi ambolinga lyabelesegwa. Makani aamubbuku eli alajatikizya buumi bwa bantu babukkale bwamisyobo yoonse. Lilabandika makani aa Bbaibbele oonse aantalisyo alimwi anjiisyo ibapya nzyobayandika kuteelela kabatana kubbapatizigwa. Kuti ciiyo cesu twaceenzya kabotu-kabotu muciindi ceelede, sikwiiya ulakonzya kufwambaana kuya ambele. Amubandike alimwi mutondezye mbocinga catalikwa ciiyo kwiinda mukubelesya nzila yakwiindilila akusomba ciiyo ca Bbaibbele: Amulange cifwanikiso alimwi amajwi aacisindikizya apeeji 4-5; amupandulule mbotwiiya; cakufwiinsya-fwiinsya amubandike maparagrafu osanwe aakusaanguna mucibalo 1; amulombe kupilukila aakale kutegwa mukazumanane amubandi wiingula mubuzyo wakuti, Sena Buumi Butamani Nciloto Buyo? Amusinizye kwaamba lukkomano luboola akweendelezya ciiyo ca Bbaibbele caaŋanda.
Lwiimbo 18 amupailo wakujala.