Miswaangano Yamulimo Ya August
MALAILILE: Mu Mulimo Wesu Wabwami wamwezi uno kunooli mulongo wa Miswaangano Yamulimo yeelede kucitwa nsondo yomwe-yomwe. Imbungano zilakonzya zyacinca bweende bwazintu naa pulogilamu munzila inga yazumizya kujanika ku Muswaangano Wacooko wa “Lusyomo mu Jwi lya Leza” alimwi akulanga makani aakabandikwa kumuswaangano kwamaminiti aali 30 mu Muswaangano Wamulimo nsondo itobela. Kweelede kukasalwe bakwesu bobile naa botatwe ibasimide bayakupegwa mukuli wakubandika twaambo tupati twakabandikwa kumuswaangano wacooko. Oobu bubambe bwakubandika makani aakumuswaangano buyoogwasya basimbungano kwiibaluka twaambo tupati tunga twamugwasya umwi aumwi alimwi atwakubelesya mumulimo wamumuunda. Baswiilizi beelede kukulwaizya kwiingula akupandulula makani aabo mubufwaafwi.
Nsondo Iitalika mu August 4
Lwiimbo 13
7 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Amubandike lipooti yamulimo ya April yacisi alimwi ayambungano. Amukozyanisye alipooti yamu January iyakajisi mweelwe wabasikumwaya uutandila ku 90,000. Amukulwaizye kufwambaana kuleta malipooti.
13 min: “Miswaangano Ibusya Luyando Lwakucita Milimo Mibotu.”
Kubuzya akwiingula. Amutondezye mbocigwasya kubandika munzila iikulwaizya ciindi miswaangano noitana talika alimwi aciindi noyamana.—Amubone Bukhu Lolangiza la Sukulu, apeeji 83, mincali 17-18.
25 min: “Amusyome Jehova Uupa Kuti Zintu Zimene.”
Makani alimwi azitondezyo. Amwaambisye kuti zilayandika nyendo zyakupilukila kubantu nkotwakasiya mabroshuwa. Akucitwe zitondezyo zibotu zyobile izitondezya mbokutalikwa ziiyo. Amubelesye mizeezo iipedwe mupepa lyamukati lya Mulimo Wesu Wabwami wa May 1997, mumincali 7-11.
Lwiimbo 21 amupailo wakujala.
Nsondo Iitalika mu August 11
Lwiimbo 22
10 min: Zyakwaambilizya zyambungano. Makani aakkaunti.
15 min: “Ibantu Bakomena Balakambauka Cakutaleka.” Kubuzya akwiingula. Amubikkilizye amakani aabacembele bamwi ibakacita bupainiya bwakugwasilizya kuzwa mu Ngazi Yamulindizi yamu Cichewa ya July 1, 1988, apeeji 13.
25 min: “Lyoonse Kuli Zyakucita Zinji.” Kubuzya akwiingula. Akucitwe zitondezyo zyobile iziticitwe abantu bobile bajisi bubi, mbuli mwaalu, mukaintu uubeleka aŋanda, naa mupainiya. Amubabuzye bapandulule mbobacikonzya kucita zyoonse ziyandika pele kabakkomana. Kumamanino, amukulwaizye basikumwaya boonse kuumanizya kabotu mwaka uno wamulimo kwiinda mukuya mumulimo wakukambauka mwezi kautana mana alimwi akufwambaana kuleta malipooti aabo aamulimo.
Lwiimbo 4 amupailo wakujala.
Nsondo Iitalika mu August 18
Lwiimbo 8
10 min: Zyakwaambilizya zyambungano. Amubandike “Pulogilamu Mpya ya Muswaangano Waalubazu Wabuzuba Bomwe.”
10 min: Ziyandika mumbungano.
25 min: Ikucita Nyendo Zyakupilukila kubelesya Ibroshuwa ya Ciindi Muntu Ngomuyanda Nafwa. Amutondezye mbokubuzigwa mubuzyo alimwi mwaambe mbounga waingulwa mubuzyo kwiinda mukubelesya broshuwa. Mucikozyanyo, ibroshuwa ilaingula mibuzyo eeyi iitobela: Sena kuli bulangizi bwabafwu? (Mapeeji 5-6) Sena ncibi kuba mubuumba? (Mapeeji 8-9) Mbuti muntu mbwanga wakonzya kuyumuna mukuli wapenzi lyakuba mubuumba? (Peeji 18) Mbuti bamwi mbobanga bagwasya? (Mapeeji 20-3) Mbuti bana mbobanga bagwasigwa kuteelela lufwu mbolubede? (Peeji 25) Ino Bbaibbele lipa luumbulizyo nzi? (Peeji 27) Mpoonya amubandike mubufwaafwi abasikumwaya bobile ibasimide, baambe mbobaibelesya broshuwa eyi munyendo zyakupilukila kwiingula mibuzyo iibuzigwa kanjikanji kujatikizya lufwu. Amucite citondezyo cambuli mboinga yabelesegwa broshuwa ciindi nomupilukila.
Lwiimbo 11 amupailo wakujala.
Nsondo Iitalika mu August 25
Lwiimbo 5
10 min: Zyakwaambilizya zyambungano. Amubayeezye boonse kuleta malipooti aabo aamulimo wamumuunda.
15 min: Makani aabandikwa amwaalu kujatikizya “Kugwisigwa—Mbokweelede Kulangwa” kuzwa mu Ngazi Yamulindizi yamu Cichewa ya March 15, 1982, mapeeji 19-25. Amubikkilizye twaambo twamukabbokesi apeeji 25.
20 min: “Ilugwasyo Muciindi Ncotubula.” Kubuzya akwiingula. Amwaambe twaambo tupati tugwasya mumabbuku aya. Amukulwaizye basikumwaya ikubaa mabbuku aa Lukkomano Mumukwasyi aakumwaya mu September.
Lwiimbo 26 amupailo wakujala.