Miswaangano Yamulimo Ya June
Nsondo Iitalika mu June 1
Lwiimbo 26
8 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami. Makani Aateokrasi.
15 min: “Ibazulide Kukumana Milimo Mibotu Yoonse.” Kubuzya akwiingula. Mubufwaafwi amubandike zili mu Ngazi Yamulindizi ya February 15, 1989, mapeeji 22-4.
22 min: “Ikutola Lubazu Mukukamantanya Munzi Kwiinda Mukukulwaizya Lukkomano Azintu Ziyandika Kapati Mumukwasyi.” Makani akananwe amwaalu aatijatikizye mincali 1, 2 alimwi a 7-8. Amube acitondezyo comwe naa zyobile zijatikizya mincali 3-6. Amwaambisye mbociyandika kapati kusikila nkumenkume zyamfwulumende zinyenzi, babelesi bakubuleya alimwi abamayi kuti mubaambile ncotuli mukucita kugwasya kukamantanya mikwasyi nyika yoonse mbwiizulwa.
Lwiimbo 11 amupailo wakujala.
Nsondo Iitalika mu June 8
Lwiimbo 4
10 min: Zyakwaambilizya zyambungano. Lipooti yamaakkaunti.
15 min: Nobazyali Amubakwabilile Bana Benu! (Cibeela 1). Makani aazwa mu Ngazi Yamulindizi ya March 1, 1998, kuzwaa peeji 8 kusikila kupeeji 10, pele kutabikkilizyaa katwe kasyoonto kakuti “Kubandika Kubotu.” Amukankaizye ncokuyandika kulwana zilengwa ikutegwa tukwabilile bana besu. Mbangaye bana besu basimbi ibamita kabatana kwatwa? Sena bakayungwaa twaambo twakubeja kuzwa kubalongwe babo bakucikolo?
20 min: “Toonse Tulayandika Kutegwa Mulimo Uyaambele.” Kubuzya akwiingula. Amupandulule ibaalu ncobasyoma aali basikulisungula kutegwa zintu ziyandika zicitwe. Amwaambe ziyandika mumbungano, mbuli kusalazya ku Ŋanda ya Bwami alimwi akubambulula, ikugwasya baciswa abacembeede alimwi akumanizya kukambauka mucilawo. Amulombe baalu kuti baambe mbuli mbobalumba kukulyaaba nkobalyaaba basikumwaya. Amwaambisye kusoleka kwaumwi aumwi mbokuyandika kapati.
Lwiimbo 20 amupailo wakujala.
Nsondo Iitalika mu June 15
Lwiimbo 17
10 min: Zyakwaambilizya zyambungano.
20 min: “Ipulogilamu Impya Yakuyaka Maanda aa Bwami.” Kubuzya akwiingula kulanga-langa mincali 1-9. Amwiibale mincali kuti kakucili ciindi. Amubandike zifwanikiso amapeeji 3 a 4.
15 min: “Ikukambauka Kwiinda Mukulilemeka Kabotu.” Kubuzya akwiingula. Amubuzye-buzye bakubusi bamwi balaacitondezyo cibotu. Abaambe mbuli bamwi mbobakulwaizigwa kucita zibotu kwiinda mukulilemeka kwabo kwa Bunakristo. Amuluule cakuluula comwe naa zyobile kuzwa mu Ngazi Yamulindizi ya January 1, 1995, mapeeji 24-5.
Lwiimbo 5 amupailo wakujala.
Nsondo Iitalika mu June 22
Lwiimbo 16
10 min: Zyakwaambilizya zyambungano. Amwaambe kulingulwa kwamaakkaunti aambungano nokwakamanizigwa.
15 min: Mbomunga Mwatalisya Nyendo Zyamomunoosiya Mamagazini. Amwaambe ziyandika mbuli: kulemba zyoonse nzyomwasiya, kupilukila kazitanainda nsondo zyobile, amutole twaambo tupya kuzwa mumamagazini mapya kutegwa luyandisisyo luzumanane. Amwaambe kuti mamagazini alakonzya kusiigwa kuli basimukobonyoko, mbomubeleka limwi, ibauzya muzintoolo, ibaulisya mingwimba yamyootokala amasena amwi-amwi. Amubape tupepa twakulembya aabo ibazumanana kutondezya luyandisisyo. Amulombe sikumwaya omwe naa bobile kuti baluule bubotu bujanika mukubaa masena mwakusiya mamagazini.
20 min: Bapainiya Balabagwasilizya Bamwi. Makani apegwe amulangizi wamulimo, kainduluka bubambe bwakuti bapainiya bagwasye bamwi cakaanzambwene. Amupandulule mbuli imapulogilamu aakugwasya bamwi mbwaakatalika musyule. (jv 100; km 9/79 1, 3) Ibantu bapya ibainda kukaulunzuma ibakabbapatizigwa mumyaka yotatwe yainda bayandika kuyiisya. Ipulogilamu ya “Bapainiya Bagwasya Bamwi” ibelesya luzibo alwiiyo lwabapainiya baciindi coonse alimwi abaalubazu ibakainda mu Cikolo Camulimo Wabupainiya. Imbaakani njakuti mupainiya umwi aumwi agwasye basikumwaya bobile amwaka ikuyaambele mumulimo alimwi akuyandisisya kuyaambele mukutola lubazu kwiinda waawo. Aabo ibagwasigwa tabeelede kuyoowa; icikulwaizyigwa nkutondezya luyando calubomba. Ipulogilamu eyi impya ilangilwa kuti iyoogwasya myaanda yazyuulu ikuba balanda beni-beni mumulimo.
Lwiimbo 1 amupailo wakujala.
Nsondo Iitalika mu June 29
Lwiimbo 29
10 min: Zyakwaambilizya. Amubayeezye boonse kupa malipooti abo aamumuunda aamu June. Amubandike mabbuku aakumwaya mu July.
15 min: Nobazyali Amubakwabilile Bana Benu! (Cibeela 2). Makani aazwa mu Ngazi Yamulindizi ya March 1, 1998, kuzwa kukatwe kasyoonto kakuti “Kubandika Kubotu” kusikila kumamanino kwacibalo. Amukankaizye mbokuyandika kutobela busolozi bwa Jehova bwakukwabilila bana besu.
20 min: “Ipulogilamu Impya Yakuyaka Maanda aa Bwami.” Kubuzya akwiingula kujatikizya mincali 10-24. Amwiibale mincali kuti kakucili ciindi. Amubandike zifwanikiso zili amapeeji 5 alimwi a 6. Amubakulwaizye boonse kuti bagwasilizye kusanga Mali aakugwasilizya Mukuyaka Maandaa Bwami Kucitwaa Sosaiti (Society Kingdom Hall Fund).
Lwiimbo 9 amupailo wakujala