Miswaangano Yamulimo mu November
Nsondo Iitalika mu November 2
Lwiimbo 13
10 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami. Amubandike aalipooti yamulimo wamumuunda yambungano ayacisi yamu July.
15 min: “Boonse Beelede ‘Kwaazumina Makani Camoyo Woonse’!” Kubuzya akwiingula. Amubikkilizye anzila zimbi zili mupepa lyamukati lya Mulimo Wesu Wabwami wamu June 1996, muncali 21.
20 min: “Ndilombozya Kutalisya Ciiyo ca Bbaibbele!” Mubandi abaswiilizi uuticitwe amulangizi wamulimo. Amupandulule kubelekelaamwi oku kwakucita nyendo zyakupilukila mbokuyooyendelezyegwa mumbungano. Mbuli mbokukonzyeka, basikumwaya ibazyibide balakonzya kubelekaa bapya. Amubandike mizeezo iili mupepa lyamukati lya Mulimo Wesu Wabwami wamu August 1998, mincali 12-15. Sikumwaya weelela acite citondezyo cibandika zyaciiyo mulweendo lwakupilukila. Amubakulwaizye boonse ikusoleka kutalisya ciiyo cipya.
Lwiimbo 23 amupailo wakujala.
Nsondo Iitalika mu November 9
Lwiimbo 17
13 min: Zyakwaambilizya zyambungano. Lipooti yamaakkaunti. Kabbokesi Kamubuzyo.
15 min: Ziyandika zyambungano..
17 min: “Amukulwaizyanye Kwiinda Mukwiingula Aamiswaangano.” Kubuzya akwiingula. Amupandulule ikwiingula mbokutugwasya kuyaambele munzila yakumuuya. (Amubone Bukhu Lolangiza la Sukulu, ciiyo 38, muncali 4.) Amulombe bamwi baambe mbobakalizunda penzi lyakuwayawaya kwiingula alimwi ambobalongezyegwa kwiinda mukutola lubazu ciindi camiswaangano.
Lwiimbo 7 amupailo wakujala.
Nsondo Iitalika mu November 16
Lwiimbo 29
8 min: Zyakwaambilizya zyambungano. Amwaambe bubambe bwaalubazu bwamulimo wamumuunda kumamanino aansondo.
20 min: “Balangizi Basololela—Imulangizi wa Cikolo Camulimo Wateokrasi.” Makani apegwe amulangizi wacikolo. Amubandike mincali 6-12 aamapeeji 10-11 mubbuku lya Bukhu Lolangiza la Sukulu.
15 min: “Amuzwidilile Mumulimo Wanu.” Mubandi wakubuzya akwiingula mupepa lyamukati, mincali 1-7. Amubikkile maanu kapati aatwaambo itubeleka mucilawo canu.
Lwiimbo 6 amupailo wakujala.
Nsondo Iitalika mu November 23
Lwiimbo 16
8 min: Zyakwaambilizya zyambungano. Amwaambe zyakuluula izisimbidwe kupeeji lyamamanino mu Awake! yamu August 8, 1998 izijatikizya mbolyakabanjila bantu ibbuku lya Munthu Wamukulu. Basikumwaya boonse beelede kubikkila maanu ikumwaya bbuku eli aciindi ceelede.
17 min: “Amuzwidilile Mumulimo Wanu.” Mubandi wakubuzya akwiingula wamincali 8-21 mupepa lyamukati. Amubikkile maanu aatwaambo ikapati itujatikizya cilawo canu.
20 min: Inzila Zyakuyungizya Kubala Bbaibbele Kwenu. Makani aazwa mu Ngazi Yamulindizi yamu May 1, 1995 mapeeji 16-17. Amutondezye lugwasyo munzila yakumuuya ilujanwa mukubala Bbaibbele abuzuba. Amubandike nzila izipedwe alimwi amubandike mbozinga zyabelesyegwa. Amujane basikumwaya bobile naa botatwe ibatiluule mbobali mukugwasigwa kwiinda mukubala Jwi lya Leza ciindi coonse.
Lwiimbo 5 amupailo wakujala.
Nsondo Iitalika mu November 30
Lwiimbo 9
15 min: Zyakwaambilizya zyambungano. Amubayeezye boonse ikutola malipooti aabo aamulimo wamumuunda. Amubakulwaizye boonse aabo ibatakazwidilila kutalisya ciiyo mu November kuti bazumanane akusoleka kwabo amu December. Amujane sikumwaya uuyelela atondezye lweendo lwakupilukila kwiinda mukubelesya kabbokesi aapeeji 19 mubbuku lya Luzibo; sikumwaya apandulule bbuku elyo mbolinga lyabelesyegwa mukumvwisya njiisyo zya Bbaibbele mpoonya watalisya ciiyo.
15 min: Amwiibelesye Kabotu Kalenda ya Bakamboni ba Jehova yamu 1999. Makani. Amubandike twaambo twakalenda tugwasya: (1) zifwanikiso zyeebeka izipandulula zintu zyakacitika zipati zyamuciindi ca Bbaibbele anjiisyo, (2) mulongo wansondo ansondo wakubala Bbaibbele wamu Cikolo Camulimo Wateokrasi, (3) mulongo wamwaka wakubala Bbaibbele munsondo ya Ciibalusyo, (4) cizyibyo nokuyoocitwa kulemba kwakwiinduluka alimwi (5) aziyeezyo zyaciindi cakutola lubazu lyoonse mumulimo wakumwaya mamagazini. Amubandike nzila zyakubelesya cibaka cipedwe aakalenda ikulembela mulongo wazyakucita mumulimo wamumuunda, ikulembela malipooti aamumulimo wamumuunda alimwi amazuba ngomupangene kubelekaa bamwi, ikundandamika zyakucita zyamumiswaangano nzyomujisi, ikulemba ziyeezyo zyakuswaya kwamulangizi wabbazu alimwi amiswaangano mipati iicili kumbele. Ikubikka kalenda yanu mubusena bulibonya muŋanda naa kuncito, kulakonzya kujanya zyoolwe zyakutalisya mibandi yamu Magwalo. Amupe cakuluula cili apeeji 8 mu 1988 Yearbook.
15 min: Ikugwasigwa Abroshuwa Impya ya, Ncinzi Cicitika Kulindiswe Twafwa? Amubandike twaambo tupati twazyeezyo zili mukati. Eyi broshuwa ilaabandika matalikilo aanjiisyo yakutafwika kwabuumi alimwi ilabandika muzeezo oyo mbowaba ngomusemu muzikombelo zinji nyika yoonse mbwiizulwa. Ilapandulula munzila iikulwaizya ncolyaamba Bbaibbele kujatikizya buumi, ncotufwida, ciimo cabafwide, ibulangizi buliko lwainda lufwu alimwi akaambo ncotweelede kuzyiba kasimpe kujatikizya makani aaya. Toonse tweelede kwiibala broshuwa eyi. Amubandike zifwanikiso zimwi akati kazili 40 alimwi amakani aazubulwidwe kumatalikilo aacibeela cimwi acimwi, zyalo zinga zyabelesegwa kubusya luyandisisyo lwabantu. Amutondezye cibeela camamanino mbocinga cabelesyegwa nomukulwaizya ciiyo ca Bbaibbele caaŋanda. Amulombe basikumwaya baambe mbobayeeya kuyooibelesya ibroshuwa impya mumulimo.
Lwiimbo 21 amupailo wakujala.