Mulongo Wamiswaangano Yamulimo
Nsondo Iitalika mu April 10
Lwiimbo 7
10 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Mutalubi makani aabuleya atiikabe mu April 16, amutwe waamba kuti “Ibantu Ncobayandika Cinunuzyo.” Amubakulwaizye boonse ikubala zibalo zya Bbaibbele mumazubaa Ciibalusyo aamu April 14-19 mbuli mbokutondezyedwe mukabbuku ka Kulingaula Magwalo Mazuba Oonse—2000. Amwiinduluke “Ziyeezyo zya Ciibalusyo” mupepa lyamukati apeeji 4.
15 min: “Sena Mulakulwaizigwaa Luyando lwa Kristo?” Majwi aantalisyo abe buyo masyoonto aatasiki kuminiti yomwe, mpoonya muzumanane amubandi wakubuzya akwiingula. Amubikkilizye atwaambo twamu Ngazi Yamulindizi yamu May 1, 1998, amapeeji 22-23, mincali 12-13. Amubakulwaizye boonse kuti bakasoleke canguzu kutamba bantu ku Ciibalusyo.
20 min: “April—Ciindi Cakulyaaba Kumana Milimo Mibotu!” Kubuzya akwiingula. Mubandi uukondelezya wazintu nzyotukanza kuyoocita mu April.
Lwiimbo 9 amupailo wakujala.
Nsondo Iitalika mu April 17
Lwiimbo 4
13 min: Zyakwaambilizya zyambungano. Lipooti yamaakkaunti. Kuceede buyo nsondo zyobilo zyamu April, aboobo amubakulwaizye boonse kutola lubazu mumulimo kautanamana mwezi. Amucite citondezyo cifwaafwi mbokumwaigwa magazini kubelesya mamagazini mapya. Amucisalazye mucitondezyo kuti bbuku lisiilwa buyo bantu bajisi luyandisisyo lwini-lwini alimwi ibatondezya kuti bayoolibala. Ikuti naa muntu walizumina bbuku naa magazini njomuli mukumwaya, mulakonzya kwaamba kuti: “Tulizi kuti muyoogwasigwa kapati mwaakwaabala makani aaya. Mulimo ooyu ulagwasilizigwa azyakusanga zyakuliyandila. Ikuti kamuyanda kusanga mali kufwumbwa ngomukonzya kusanga kumulimo wesu ooyu, tulakkomana kwaatambula.” Ibantu nobasanga, sikumwaya weelede kubikka mali ayo aasangwa mumvwulupu ibambilidwe mulimo ooyu. Mpoonya mali aayo aasangwa ayeelede kuyoobikkwa ku Ŋanda ya Bwami mukabbokesi ikeelede kabambilidwe mulimo wa Sosaiti wanyika yoonse. Akaambo kakuti inga twayandika kwiingula bantu bamwi ibayanda kuti tutole lubazu ambabo muciyanza cakusekelela Esita, amwiinduluke zilembedwe mubbuku lya Kukambitsirana amapeeji 242-3.
16 min: “Sena Mulaa Muuya Wakulyaaba?” Kubuzya akwiingula. Tweelede ikubaa bubambe bubotu bwakucita zintu ziyandika lutaanzi. Ciyanda kubelesya maanu alimwi akulyeendelezya kutegwa tukakatile mukucita zintu ziyootugwasya munzila yakumuuya. Amupandulule ncotunga twaiya kuzwa kucikozyanyo ca Jesu.—Amubone Insight, Volyumu 2, peeji 68, mincali 3-5.
16 min: Ziyandika Zyambungano.
Lwiimbo 17 amupailo wakujala.
Nsondo Iitalika mu April 24
Lwiimbo 11
10 min: Zyakwaambilizya zyambungano. Amwaambilizye mweelwe wambungano yanu wabaabo ibakajanika ku Ciibalusyo. Amubuzye baswiilizi baluule mbuli mbobakalimvwa bamwi akati kabaabo ibakajanika kwaciindi cakusaanguna.
17 min: Amubagwasye Bapya Kuti Kabajanika ku Miswaangano. Makani aazwa mubbuku lya Luzibo, amapeeji 161-3, mincali 5-8. Mwaiya buyo ambabo kwaciindi cili mbocibede, ncibotu kuti bapya batalike kusika kumiswaangano. Kusaanguna cilakonzya kutuyumina ikubaambila kuti batalike kunoojanika. Ncinzi ncimukonzya kucita kutegwa mubakulwaizye? Aabo bacitya ziiyo beelede kutwiinduluka twaambo ootu tuli mubbuku lya Luzibo abaabo mbobayiya limwi mpoonya akucita bubambe bwakubagwasya kuti batusangane mubukombi bwakasimpe.
18 min: “Sena Muli Basikwaambilizya Bwami Baciindi Coonse?” Makani alimwi amubandi abaswiilizi akananwaa mulembi. Amupandulule kaambo ncotupeda lipooti yamulimo wesu wamumuunda. (Amubone Mulimo Wesu, amapeeji 106-8.) Amwaambe mapenzi aajanika kanjikanji kuti twamuka kuleta malipooti. Amubuzye baswiilizi baambe bubambe mbobajisi bubagwasya kuti kabapa malipooti aabo cakufwambaana. Amwaambe nzila beendelezi ba Ciiyo Cabbuku Cambungano mobakonzya kugwasilizya. Kuceede buyo nsondo yomwe kuti mwezi wa April umane, aboobo amubakulwaizye boonse kutola lubazu mumulimo alimwi akuyoopa lipooti yamulimo wabo kumamanino aamwezi.
Lwiimbo 23 amupailo wakujala.
Nsondo Iitalika mu May 1
Lwiimbo 15
10 min: Zyakwaambilizya zyambungano. Amubayeezye boonse kuti balete malipooti aabo aamulimo wamumuunda aamu April. Mweendelezi wa Ciiyo Cabbuku Cambungano weelede kubona kwaamba kuti boonse bamukabunga kakwe bapa malipooti kutegwa kuzoosika mu May 6 malipooti oonse kaalembedwe kale.
20 min: “Sena Mulaabikkila Maanu Mabbuku Eesu?” Makani aakulwaizya. Amubikkilizye amuncali wa 7 uuli mulugwalo lwakazwa ku Sosaiti lwakalembwa mu October 1, 1999 kutubunga toonse twabaalu. Amwaambe kuti mulangi wamabbuku naa mweendelezi wamabbuku awalo tayelede kooda mabbuku manji kapati kuzwa ku Sosaiti kwiinda yaayo aayandika. Mucikozyanyo, mbungano ilakonzya kooda mweelwe wabbuku lya Tuliyanzene Kukumanizya Mulimo Wesu wiinda aamweelwe wabasikumwaya. Akaambo kakuti basikumwaya balilijisi kale bbuku eli, ino mweelwe munji boobu ngwanzi?
15 min: “Amubone Kuti Mwapilukila!” Mubandi abaswiilizi. Amulange-lange twaambo tukonzya kupa kuti tukakilwe kupilukila nkotwakaswaide. Amupandulule ncokuyandika kulemba makani aaluzi alimwi akusungwaalila kupilukila. Amupe muzeezo wakujana ciindi nsondo ansondo cakupilukila nkotwakaswaide. Amulange-lange zilembedwe mubbuku lya Mulimo Wesu, amapeeji 88-9. Amwaambe cakuluula cakacitika cilembedwe apeeji 45 mu Yearbook yamu 1995.—1 Kor. 3:6, 7.
Lwiimbo 13 amupailo wakujala.