Zyakwaambilizya
◼ Mabbuku aakumwaya mu September alimwi a October: Ngazi Yamulindizi alimwi a Awake! Mulakonzya kubaambila makani aakulembya mulweendo lwakupilukila. Kutalikila kumamanino aamwezi wa October, kuyoomwaigwa tulakiti lya Makani aa Bwami No. 36, “Icuulu Camyaka Cipya—Ino Mbukkale Buli Buti Mbomulangila Kumbele?” November: Tuyoozumanana kumwaya Makani aa Bwami No. 36. Mbungano ezyo ziyoomanizya cilawo cazyo kwiinda mukubasikila bantu boonse mumaandaabo akubasiila kkopi ya Makani aa Bwami No. 36 zilakonzya kumwaya broshuwa ya Ncayanda naa bbuku lya Luzibo. Ikuti bantu kabaajisi kale mabbuku aya, mulakonzya kubelesya bbuku lya Kupona Kukabe Kutamani naa Creation. December: Luzibo Lutola Kubuumi Butamani antoomwe a New World Translation.
◼ Mulawo uujatikizya kubweza zitupa wa National Registration Regulations mu Zambia waamba kuti ibana Zambia boonse ibajisi myaka yakuzyalwa iilondelela naa kwiinda ku 16 beelede kuunka ku Ofesi lya National Registration iili afwaafwi ankobakkala kuyoopegwa citupa cabusicisi. Abaabo bakacinca mazina aabo bayandika kuyoobweza citupa cipya. Boonse aabo bajatikizidwe bayandika kufwambaana kwaalanganya aumwi makani aya kabaabona kuba milawo yamfwulumende Munakristo uli oonse njayelede kutobela. Baalu boonse alimwi abazyali beelede kucibikka mumizeezo eci akubayeezya bakwesu alimwi abacizi balaa myaka yakuzyalwa iilondelela ku 16.
◼ Ibaalu bayeezyegwa kutobela malailile aapedwe mu Ngazi Yamulindizi yamu April 15, 1991 yamu Chichewa amapeeji 21-23 aajatikizya bantu bagwisidwe mumbungano naa balizandwide balo ibayanda kuti bapilusigwe.
◼ KUBBADELA CIKWELETE CA ŊANDA YA BWAMI: Mali oonse aabbadelwa kuzwa kumbungano zibelesya Ŋanda yomwe ayelede kutuminwa muzina lyambungano eeyo iilembwa kuti njiilaakkaunti yacikwelete ca Ŋanda ya Bwami asitatimenti yabo yamwezi amwezi. Mutabelesyi zina lyambungano imbi pe. Kkomitii yeendelezya Ŋanda ya Bwami inooyobolola mali mwezi amwezi kuzwa kumbungano imwi aimwi iibelesya ŋanda eeyo aakubbadela cikwelete mpoonya akwaatuma oonse mali antoomwe ku Sosaiti kubelesya Ifoomu Yakutumina Mali Aakusanga (S-20). Amulembe kabotu-kabotu kuti “Kubbadela cikwelete ca ŊB” mpoonya amulembe amweelwe wamali mumuzila uubikkidwe a S-20. Mutabikkilizyi amali aamulimo umbi a S-20 eyi kunze lyayaayo aakubbadela cikwelete.
◼ Waini wa Ciibalusyo: Imbungano zyamuminzi zilakonzya kutalika lino kooda waini. Amutume foomu ya S-20 nsini antoomwe amali. Amulembe kabotu-kabotu mumuzila nsini kuti “AA WAINI.” Mutatumi lugwalo naa S-14 pe, S-20 ilikke ilizulide. Ikuti naa mutakabikkilizyi amali, nkokuti tamukooyootuminwa waini pe. Imuulo wabbodela lya 200ml ngu K1,500.00. Ibuzuba bwamamanino kooda mu Nalupale 31, 2000. Muyootuminwa waini wanu mu Mulumi 2001.
◼ Iba Sosaiti tabatumi oda yamabbuku yasikumwaya omwe buyo. Imulangizi weendelezya weelede kubona kwaamba kuti mwezi amwezi kulaambilizigwa kumbungano kaitana tumwa oda yaamwezi yambungano ku Sosaiti kucita kuti boonse ibayanda mabbuku aabo beni baambile mukwesu uulanganya mabbuku. Kamwaayeyede mabbuku aaodwa buyo caalubazu.
◼ Kutalikilaa magazini yamu September 1, 2000, Ngazi Yamulindizi inooliko mumyaambo ya Assamese, Azerbaijani alimwi a Citumbuka yalo inoozwa ciindi comwe amwezi.
◼ Mulangizi weendelezya naa umbi buyo uutumidwe anguwe, weelede kulingula maakkaunti aambungano mu September 1 naa kufwambaana kucita boobo aciindi cimbi bwainda buzuba oobo. Mwamana kucita boobo amwaambilizye kumbungano kwabalwa lipooti yaakkaunti iitobela.
◼ Imabbuku Aaliko:
All Scripture is Inspired and Beneficial—Cibemba, Cilozi
1999 Watchtower Publications Index—Cingisi