Kwiindulula Kwamu Cikolo Camulimo Wateokrasi
Kwiindulula kwakutabelesya mabbuku ikujatikizya twaambo twamuzibeela zya Cikolo Camulimo Wateokrasi kuzwa munsondo ya September 4 kusika mu December 18, 2000. Amubelesye pepa nsini lyakulembela bwiinguzi kwamweelwe wamibuzyo ngomunga mwakonzya muciindi cipedwe.
[Cizibisyo: Mukwiindulula oku, ilyalo Bbaibbele ndelikonzya kubelesyegwa mukwiingula mibuzyo iili yoonse. Imalailile aazyakubala aatobela mibuzyo ngaciindi nomulivwuntauzizya nobeni. Taali oonse malailile aajatikizya Ngazi Yamulindizi aayootondezya manamba aamapeeji amincali pe.]
Amwiingule twaambo ootu, mwaambe naa Kaliluzi naa Takaluzi:
1. Davida wakamukasya Abisai ikujaya Simeyi akaambo kakuti Davida lwakwe wakalimvwa kubaa mulandu Simeyi ngwaakamutamikizya. (2 Sam. 16:5-13) [Kubala kwa Bbaibbele Kwansondo Ansondo; amubone w99-CN 5/1 p. 32 munc. 3.]
2. Manjeezyeezya aasalala ayiisidwe kabotu tasololeli buyo kukubaa cilongwe ciyumu a Leza, pele ncintu ciyandika kapati kulufwutuko lwesu. (Heb. 10:22; 1 Pet. 1:15, 16) [w98-CG 9/1 p.4 munc. 4.]
3. Ikabunga Keendelezya takasinikizidwe kusala balumbaizigwa akabunga kabaalu kali koonse kanyenzi. [om p. 41. Munc. 1.]
4. Ibulelo bwa Jesu Bwamyaka Iili Cuulu bulakonzya kweezyanisigwaa bweendelezi bwa Solomon bwamyaka yabuvwubi iili 40. (1 Bam. 4:24, 25, 29) [Kubala kwa Bbaibbele Kwansondo Ansondo; amubone w90-CN 6/1 p. 6 munc. 5.]
5. Kuzikkwa nkwaakazikkwa kabotu-kobotu Abija mbumboni bwakuti ngowakali mukombi wa Jehova uusyomeka alikke muŋanda ya Jeroboamu. (1 Bam. 14:10, 13) [Kubala kwa Bbaibbele Kwansondo Ansondo; amubone w95-CN 4/1 p. 12 munc. 11.]
6. Basimbungano tabeelede kwiindilila kubalemeka balangizi akaambo kakuti baalu aaba inga batalika kucitila butanga bwa Leza “kamikami.” [om p. 40 munc. 1.]
7. Jehova wakapa Eliya nguzu ziinda zyabuntunsi zyakamupa kuba sicamba alimwi akumukwabilila kubuyoofwu. (1 Bam. 18:17, 18, 21, 40, 46) [Kubala kwa Bbaibbele Kwansondo Ansondo; amubone w98-CN 1/1 p. 31 munc. 2.]
8. Ikuti kakutali baalu banji mumbungano, mwaalu omwe ulakonzya kweendelezya nkamu zili mbozibede zya Ciiyo Cabbuku Cambungano. [om p. 43 munc. 3]
9. Boofu bwakajisi basimpi baba Aramu kweelanaa mbwaakakumbila Elisha bwakali boofu bwakumizeezo mbwaanga bakali kukonzya kumubona Elisha pele tiibakali kukonzya kumuziba. (2 Bam. 6:18, 19) [Kubala kwa Bbaibbele Kwansondo Ansondo; amubone si-E p. 70-1 munc. 10.]
10. Ikupegwa “ibbuku lyamulongo wa-Leza” ikwaambwa ku 2 Bami 11:12 cakali citondezyo cakuti ibupanduluzi bwakacitwaa mwami bwa Mulawo wa Leza, bwakeelede kutobelwa kakwiina kusulaikwa. [Kubala kwa Bbaibbele Kwansondo Ansondo; amubone w91-CN 2/1 p. 31 munc. 6.]
Amwiingule mibuzyo eeyi iitobela:
11. Kweelanaa bwaamba 1 Johane 2:15-17, ncinzi bazyali banaleza ncobeelede kukulwaizya bana babo kweeleba ciindi nobabagwasya ikusala mulimo wakumubili uuli kabotu? [w98-CN 8/1 p. 5 munc. 2.]
12. Ncinzi caambwa ku 2 Samuele 18:8, nolyaamba kuti: “Lusaka ndulwakali kulya bantu banji kwiinda bantu ibakajayigwa apanga”? [Kubala kwa Bbaibbele Kwansondo Ansondo; amubone w87 3/15 p. 31 munc. 2.]
13. Mbaani sunu bakonzya kweezyanisigwa aba Rafa basimukowa wa Goliati, alimwi ncinzi ncobasoleka kucita? (2 Sam. 21:15-22) [Kubala kwa Bbaibbele Kwansondo Ansondo; amubone w89-CN 1/1 p. 20 munc. 8.]
14. Mmikuli nzi mipati yobile mweendelezi wa Ciiyo Cabbuku Cambungano njajisi? [om p. 44 minc. 1, 2]
15. Ndwiiyo nzi luyandika kapati lukonzya kuyiigwa kuzwa kucakacitikila mwaalumi wakajaigwa akaambo kakusotoka mulawo wa Sabata? (My. 15:35) [w98-CG 9/1 p. 20 munc. 2.]
16. Nkwiinda mukucita nzi motunga twaiya mwami mwanakazi waku Seba wakeenda musinzo mulamfwu kuzikumvwa “busongo . . . bwa-Solomoni”? (1 Bam. 10:1-9) [Kubala kwa Bbaibbele Kwansondo Ansondo; amubone w99-CN 7/1 p. 31 minc. 1-2.]
17. Kweelanaa 1 Bam. 17:3, 4, 7-9, 17-24, muunzila nzi zyotatwe Eliya mwaakatondezya lusyomo lwakwe muli Jehova? [Kubala kwa Bbaibbele Kwansondo Ansondo; amubone w92-CN 4/1 p. 19 munc. 5.]
18. Nkaambo nzi kukazya kwa Naboti kupa muunda wakwe wamisaansa kuli Ahabu ncokunga kwategwa kukazya kwakwe teekwakali kuyanda buyo kusyupa? (1 Bam. 21:2, 3) [Kubala kwa Bbaibbele Kwansondo Ansondo; amubone w97-CG 8/1 p. 25 munc. 18.]
19. Ino mbuti majwi aali ku 2 Bam. 6:16 mbwaabakulwaizya babelesi ba Jehova sunu? [Kubala kwa Bbaibbele Kwansondo Ansondo; amubone w98-CG 7/1 p. 17 munc. 5.]
20. Muunzila nzi sunu Banakristo bakasimpe mobeelede kubucenjelela busimoni? [w98-CN 12/1 p. 19 munc. 5.]
Amubikke bbala naa mabala aayandika kutegwa twaambo ootu tuzulile:
21. Munakristo wakasimpe tayelede kuzundwaa ․․․․․․․․ akutola lubazu muziyanza zitakkomanisyi ․․․․․․․․. (Tus. 29:25; Mt. 10:28) [w98-CN 8/1 p. 18 munc. 5.]
22. Tubunga twabaalu tukulwaizigwa kubaa miswaangano iili ․․․․․․․․ mumwaka. [om p. 42 munc. 2]
23. Baalumi basimide botatwe mbababamba Kkomitii ․․․․․․․․ Yambungano. [om p. 43 munc. 1]
24. Mbuli mbocakabede kumupati wabasikalumamba waba Aramu ․․․․․․․․, zimwi ziindi kuli zilongezyo zinji zijanwa akaambo ․․․․․․․․ kusyoonto buyo. [Kubala kwa Bbaibbele Kwansondo Ansondo; amubone w99-CG 2/1 p. 3 munc. 6-p. 4 munc. 1.]
25. Mbubwenya moyo wa Jonadabu mbuwakali ku Mwami Jehu, abalo ba ․․․․․․․․ sunu balazumina amoyo woonse alimwi babelekelaamwi a ․․․․․․․․, Jehu Mupati walo wiimininwaa ․․․․․․․․ anyika. (2 Bam. 10:15, 16) [Kubala kwa Bbaibbele Kwansondo Ansondo; amubone w98-CG 1/1 p. 24 minc. 5-6.]
Amusale bwiinguzi buluzi mukaambo kamwi akamwi katootu tutobela:
26. Wakali (Sataani; Jehova; Joabu) wakasungilizya Davida kukubisya kwiinda ‘mukubala bantu ba Israyeli.’ (2 Sam. 24:1) [Kubala kwa Bbaibbele Kwansondo Ansondo; amubone w92-CN 7/15 p. 7 munc. 2.]
27. Kweelanaa bwaamba 1 Bami 8:1 alimwi a Mukambausi 1:1, Solomoni wakabungika bantu kuti (bayake tempele; balwane basinkondonyina bana Israyeli; bakombe Jehova). [Kubala kwa Bbaibbele Kwansondo Ansondo; amubone si p. 112 munc. 3.]
28. Myaka iili 20 njaakatola Solomoni mukuyaka tempele alimwi aŋanda yakwe ku Jerusalemu ileezyanisigwaa myaka yakubambulula njiisyo alimwi ambunga kwalo kwakatalika mu (1919; 1923; 1931) akumana mu (1938; 1942; 1950). (1 Bam. 9:10) [Kubala kwa Bbaibbele Kwansondo Ansondo; amubone w92-CN 3/1 kabbokesi a p. 20.]
29. Ibbala lyakuti “kujulu” mbuli mbolibelesyedwe ku 2 Bami 2:11 lyaamba (busena bwakumuuya nkwakkala Leza; julu lyoonse ilibonekaa meso; talabalanga ilyuuluka bayuni alimwi lyuunga muwo). [Kubala kwa Bbaibbele Kwansondo Ansondo; amubone w97-CG 10/1 kabbokesi a p. 12.]
30. Muntu [uusyomeka; mutontozi; uulibatamika] mmulondo mubuumi bwakwe, muzilengwa alimwi amukubeleka kwakwe. Eci cilabikkilizyaa mbuli mbwalibonya lwakwe, amunzi wakwe alimwi amicito yakwe. Ulakweeleba kuwayawaya alimwi ulibambilila limwi. [om p. 34 munc. 2.]
Amweendelanye magwalo aaya atwaambo tulaansi aawa:
Int. 15:4; Heb. 13:17; 2 Sam. 15:18-22; 2 Bam. 3:11; 2 Sam. 13:14, 15
31. Bantu ba Jehova balikkomene abubambe bwakubalanganya munzila yaluyando. [om p. 43 munc. 2.]
32. Tweelede kuzumanana kusyomeka kumbunga ya Jehova alimwi akubaiminizi bayo. [Kubala kwa Bbaibbele Kwansondo Ansondo; amubone si p. 63 munc. 30]
33. Akaambo kakuti musankwa ulamutondezya luyando lwakoonana musimbi alimwi akuti ulamusinikizya kuti boonane tacaambi kuti ulamuyanda amoyo woonse. [Kubala kwa Bbaibbele Kwansondo Ansondo; amubone yy p. 140 munc. 22.]
34. Ncoolwe cipati ikubasamausya alimwi akubabelekela cakulicesya babelesi ba Jehova basyomeka ibali mumulimo uulibedelede. [Kubala kwa Bbaibbele Kwansondo Ansondo; amubone w97-CN 11/1 p. 30 munc. 8-p. 31]
35. Muntu uuyoowa Leza ulasoleka kuzuzikizya majwi aakwe akubbadela zikwelete zyajisi nokuba kuti bajanika muciimo cikatazya ncobatakali kulangila. [w98-CN 11/15 p. 27 munc. 1.]