Mulongo Wamiswaangano Yamulimo
MALAILILE: Mumyezi yamiswaangano yacooko mu Mulimo Wesu Wabwami, munoondandamikwa mbounooyendelezyegwa Muswaangano Wamulimo amvwiki. Mbungano zilakonzya kubikka bubambe buyandika kutegwa bakajanike ku Muswaangano Wacooko wa “Bamayi ba Jwi lya Leza.” Amubelesye maminiti aali 15 a Muswaangano Wamulimo wamvwiki yamamanino kamutanaunka kumuswaangano wacooko ikwiinda mukwiinduluka malailile aagaminide kuzwa mupepa lyamukati mumwezi uuno aakonzya kubeleka kubusena nkomubede. Mumwezi wa October, Muswaangano Wamulimo woonse uuyoobaa bubambe bwakwiinduluka twaambo tupati-pati twamuswaangano wacooko. Ikulibambila mubandi ooyu, toonse tulakonzya kulemba twaambo tugwasya amuswaangano, kubikkilizyaa mulongo watwaambo ntotuyanda kuyoobelesya lwesu mubuumi alimwi amumulimo wamumuunda. Mpoonya tuyooba balibambide ikupandulula mbotwaabelesya malailile aayo kuzwa lyamuswaangano wacooko. Ciyootukulwaizya kumvwa mbotwakagwasigwaa malailile mabotu akatambulwa.
Nsondo Iitalika mu July 9
Lwiimbo 29
8 min: Zyakwaambilizya zyambungano. Zisalidwe mu Mulimo Wesu Wabwami.
17 min: “Miswaangano Mipati—Nciindi Cakusekelela!” Makani akananwe amwaalu. Amupandulule ikaambo miswaangano mipati yabantu ba Jehova ncoyakali kucitilwa muciindi ca Bbaibbele alimwi ancoiyandika kapati sunu. Ziindi eezi zitupa coolwe cakubaa kuyanzana kukulwaizya alimwi akubaa cakulya cakumuuya ciyandika kapati. Amukankaizye mbociyandika kuti umwi aumwi akajanike kwamazuba oonse otatwe aamuswaangano wacooko.
20 min: “Sena Inga Mwaakubeleka Kubusena Buyandika Lugwasyo?”a Amubikkilizye azyakuluula zikulwaizya basikumwaya banyenzi nzyobajana mumasena aali kule naa mucilawo citabelekwi-belekwi.—Amubone bbuku lya Mulimo Wesu mapeeji 112-13.
Lwiimbo 21 amupailo wakujala.
Nsondo Iitalika mu July 16
Lwiimbo 27
10 min: Zyakwaambilizya zyambungano. Lipooti yamaakkaunti.
15 min: Nobakubusi—Amwiilange-Lange Milimo Yanu Yakumubili. Wisi alimwi amwanaakwe mukubusi, musankwa naa musimbi basikila mwaalu uujisi luzibo luyandika kujatikizya mulimo wakumubili. Nobakamana kulanga-langa cibeela mu Muswaangano Wamulimo nsondo zyobile zyainda, mukubusi watalika kuyeeya kapati kujatikizya kutalika mulimo wabupainiya bwaciindi coonse, pele tazyi mbwakonzya kujana zintu zyakumubili nzyayanda. Imwaalu wakankaizya mbokuyandika kapati kulanga zintu munzila yeelede. (Ngazi Yamulindizi ya Chitonga yamu September 1, 1999 apeeji 18, muncali 13) Ncamaanu kwiiya mulimo umwi kutegwa katulibambilide kulisanina. Ibanji bacita kabotu kwiinda buyo mukwiiya zintu zimwi akujana luzibo lwantalisyo muzintu zimwi lutola buyo ciindi cisyoonto amali. (Ngazi Yamulindizi ya Chitonga yamu February 1, 1996, peeji 11; Achichepere Akufunsa, peeji 178) Caantoomwe babandika mu Awake! yamu March 8, 1996 apeeji 9-11, alimwi atwaambo tumwi tugwasya kujana naa kulitalikila mulimo wakumubili weelede.
20 min: “Amuswiilile Akuliyungizizya Lwiiyo.” Imakani amubandi abaswiilizi. Amupandulule ikaambo malailile aapegwa kumiswaangano mipati ncaali cakulya cakumuuya ciyandika kapati ncotuyanda. Amwaambe kujatikizya ciindi cinji kapati alimwi anguzu ziyandika kutegwa ipulogilamu iili boobu ibe. Amulombe baswiilizi kuti baambe kujatikizya ncayelede kucita umwi aumwi kutegwa abone kuti wagwasigwa kapati lwakwe alimwi abamwi. Amukankaizye twaambo ncotweelede kuti toonse katukkede mumaseneesu ciindi cibeela cimwi acimwi catalika.
Lwiimbo 7 amupailo wakujala.
Nsondo Iitalika mu July 23
Lwiimbo 23
10 min: Zyakwaambilizya Zyambungano. Amulange-lange Kabbokesi Kamubuzyo.
15 min: “Amucite Kabotu Ikutegwa Mutembaulwe!”b Amupandulule ikaambo banji ncobatubikkila maanu kapati notujanika kumiswaangano mipati. Twaambo tubotu kuzwa kuli basikulangilila tuyungizya bukamboni ku Bwami, kakuli twaambo tubyaabi tulakonzya kutanda bantu. Amuzubulule zintu zigaminide nzyotweelede kucita kutegwa tutondezye kuti tulijisi bube bwa Bunakristo bubikkilizya kubalanganya kapati bamwi.
20 min: “Ikwiiya bbuku lya Muntu Mupati Kwiinda Iwakaponede”c Amubabusizye luyandisisyo lwaciiyo mubbuku eeli liyootalikwa munsondo iitalika mu July 30. Amubakulwaizye boonse kunoojanika lyoonse ku Ciiyo Cabbuku Cambungano.
Lwiimbo 8 amupailo wakujala.
Nsondo Iitalika mu July 30
Lwiimbo 19
10 min: Zyakwaambilizya zyambungano. Amubayeezye basikumwaya kuleta malipooti aamulimo wamumuunda aamu July.
20 min: Nobakubusi—Amupakamane Nomusala Lwiiyo Lwanu. Imwaalu abandike kubazyali bamwi alimwi abana babo bakubusi kujatikizya kuyungizya lwiiyo. Imwaalu wasololela mukubandika Ngazi Yamulindizi ya Chitonga yamu September 1, 1999 mapeeji 22-23, mincali 11-13, kukankaizya twaambo mulimo waciindi coonse ncoweelede kuba mubusena butaanzi bwazintu zyabo ziyandika kapati. (Ngazi Yamulindizi ya Chitonga yamu December 1, 1996 mapeeji 28-29, mincali 13-15) Ikakamu mponya kalanga-langa lulayo luli mu Awake! yamu March 8, 1998 mapeeji 27-28, kusindamizya ncokuyandika kutondezya bupampu nomulanga-langa bubotu abubi bulangilwa kuletwaa lwiiyo luyungizidwe alimwi akuba buyo aloolo luyandika kutegwa muntu kakonzya kulilanganya mwini kumwi kabeleka cabusungu mumulimo wamumuunda. Boonse bazumina kuti beelede kusololelwaa lulayo lwa Jesu lwakubikka zintu zya Bwami mubusena butaanzi.—Mt. 6:33.
15 min: Ziyandika zyambungano.
Lwiimbo 9 amupailo wakujala.
Nsondo Iitalika August 6
Lwiimbo 14
15 min: Zyakwaambilizya zyambungano. Amulombe baswiilizi baambe zyakuluula zyamubukambausi bwamukwiizya nobakali kuya kumuswaangano wacooko, nobakali kweendeenda munyendo zyakulikondelezya naa kuswaya banamukwasyi batali Bakamboni.
10 min: “Ipulogilamu Mpya ya Muswaangano Wabbazu.” Makani. Amwaambilizye deeti yamuswaangano wabbazu uutobela. Boonse beelede kusolekesya kapati kutamba baabo mbobayiya limwi Bbaibbele. Amubakulwaizye basikumwaya kuyeeyesya kujatikizya kutondezya kulyaaba kwabo kuli Jehova lyamuswaangano wabbazu uutobela. Amubayumye-yumye boonse kujanika kuzibeela zyoonse zyobile buzubaa buzuba.
20 min: “Mutabi Nomweenkeenka!”d Ikuti kakucili ciindi, amwaambe zyakuluula zili mu Ngazi Yamulindizi ya Chitonga yamu January 1, 2000, apeeji 17.
Lwiimbo 4 amupailo wakujala.
Bupanduluzi buyungizidwe
a Majwi aantalisyo atasiki kuminiti yomwe, mpoonya amuzumanane amubandi wakubuzya akwiingula.
b Majwi aantalisyo atasiki kuminiti yomwe, mpoonya amuzumanane amubandi wakubuzya akwiingula.
c Majwi aantalisyo atasiki kuminiti yomwe, mpoonya amuzumanane amubandi wakubuzya akwiingula.
d Majwi aantalisyo atasiki kuminiti yomwe, mpoonya amuzumanane amubandi wakubuzya akwiingula.