Mulongo Wamiswaangano Yamulimo

Nsondo Iitalika mu September 10

Lwiimbo 23

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami.

13 min: Ziyandika zyambungano.

22 min: “Sena Mulimo Wanu Mulauzuzikizya Bweelede?”a Mwamanizya kubandikaa baswiilizi mumincali 1-3, amutondezye zitondezyo zifwaafwi zyobilo mbuli mbomukonzya kwaabila mamagazini—cakusaanguna amubelesye Ngazi Yamulindizi yamu October 1 eelyo cabili amubelesye Galamukani! yamu October 8. Mwamanizya kubandika mumuncali wa 4, amucitondezye citondezyo cisalidwe kuzwa mubbuku lya Luzibo.

Lwiimbo 13 amupailo wakujala.

Nsondo Iitalika mu September 17

Lwiimbo 18

15 min: Zyakwaambilizya zyambungano. Lipooti yamaakkaunti. “Tulajanwa mu Mulongo Wamitwe Yazibalo.” Amutondezye mbuli mbobakonzya kujana zibalo zyisiyeni-siyeni izibandika kujatikizya bubotu bwakubaa ciiyo cakuliyiisya beni alimwi akuba muntu ulilemeka kabotu.

15 min: Ino Mbuti Mbotwaabeleka Mwaka Wamana? Makani alapegwaa mulangizi wamulimo. Amwaambe zibeela zipati-pati zyalipooti yamulimo yambungano yamwaka wa 2001. Amubalumbaizye boonse kumakani aamilimo mibotu njobakazuzikizya. Amulange-lange mbuli mbungano mboyakacita kumakani akujanika kumiswaangano, kutola lubazu mumulimo wamumuunda alimwi aziiyo zya Bbaibbele, amupe mizeezo iikonzya kugwasya kutegwa muye ampela. Amubikke mbaakani yamwaka uuboola njomubona kwaamba kuti inga mwaakwiizuzikizya.

15 min: Kabbokesi Kamubuzyo. Makani. Amwiinduluke mulongo wambungano waansondo wamiswaangano yamulimo. Amupandulule mbuli mbobanga bayungizya bubotu kumubandi aabo boonse bajanika kumiswaangano. Amubakulwaizye basimbungano kujanika nkobacita kububambe oobu bwamulimo.

Lwiimbo 4 amupailo wakujala.

Nsondo Iitalika mu September 24

Lwiimbo 20

15 min: Zyakwaambilizya zyambungano. Kwiinda mukubelesya malailile aapedwe muli “Nzyomweelede Kwaamba Kujatikizya Mamagazini,” amutondezye zitondezyo zyobilo—cakusaanguna amubelesye Ngazi Yamulindizi yamu October 1, eelyo cabili amubelesye Galamukani! yamu October 8.

30 min: Amuyande Leza—Kutali Zintu Zyamunyika. (1 Joh. 2:15-17) Makani amubandi abaswiilizi wakwiinduluka pulogilamu yamuswaangano wabbazu wakacitwa mumwaka wamulimo wamana. Amubalombe basikumwaya kuti baambe twaambo tupati-pati twakayiigwa alimwi ambuli mbobakali kukonzya kutubelesya beni naa abanamukwasyi. (Zibeela mulakonzya kubapa muciindi ceelede.) Amuzitondezye naa kuzipa zibeela eezi zyapulogilamu: (1) “Luyando Lwesu Kuli Leza Lulatukulwaizya Kutola Lubazu Mumulimo Wesu.” Oolu luyando ndolutugwasya kuliyumya ciindi notulimvwa bubi akaambo kamicito mibi yalo iikonzya kutulesya kukambauka—bukandu, kulimvwa kuteelela naa kuyoowa bantu. (2) “Nomuyanda Jehova Amubusule Bubi.” (w99-CN 10/1 28-31) Kubaa cilongwe a Leza caamba kuzyisula eezyo zyasulide—kutali buyo ziya nzyotuzi kuti nzyibi pe, pele azyeezyo nzyotwiile kuyabaizya. (3) “Amube Aluyando Lweelede.” (w92-CN 7/15 27-30) Ibbuku lya 1 Ba-Korinto 13:4-8 lilatondezya kaambo katupa kuti katucikonzya kuliyumya kumicito mibi yabantu batalondekede, kulibikkila buyo maano tobeni, kuzundana akuvwiyana takuyandiki pe alimwi amuzumanane kusyomeka kumbungano ya Leza. (4) “Zintu Zyamunyika—Ino Tuzibona Buti?” Tatweelede kuyanda zintu zyamunyika, mutanikwiile kuccilila zisusi zyanyama niziba zisusi zyameso nikuba kulisumpula kwesu kwamubuumi. (5) “Ikutaba Banyika Cilatukwabilila.” Ibbuku lya 2 Ba-Korinto 6:14-17 lilatondezya mbuli nzyotusyoma, zilengwa alimwi amicito iimwi yalo iikonzya kutupa kukakwa kuli Leza. Tweelede kupakamana alimwi akuleya tukole twa Diabolosi. (6) “Lulongezyo lwa Leza Kulibaabo Bamuyanda Leza.” (w92-CN 7/1 4-7) Lulongezyo lwa Jehova lulayungizya bubotu kubuumi bwesu alimwi lulatusumpula kumuuya.—1 Tim. 6:17-19.

Lwiimbo 8 amupailo wakujala.

Nsondo Iitalika October 1

Lwiimbo 21

10 min: Zyakwaambilizya zyambungano. Amubayeezye basikumwaya kuleta malipooti aabo amu September.

15 min: Ino Mbuti Mbondikonzya Kupasa Kabotu Kucikolo? Mwaalu amukaintu wakwe naa mukutausi amukaintu wakwe balabandikaa mwanaabo uciiya. Balikatazyidwe akaambo kakuti taciti kabotu kucikolo. Balanga-langa lulayo luli mubbuku lya Achichepere Akhufunsa, cibalo18 alimwi babandika mbuli nceelede kucita mwana kutegwa asongwaale. Bazyali baambisya mbuli mbociyandika ikubaa ntalisyo mbotu kutegwa akalubelesye lwiiyo lwakwe mukusumpula mulimo uusetekene.

20 min: “Sena Ncecimulesya Kukambauka?”b Amwaambe mbociyandika kuulanga bweelede mulimo wakumubili, akubaa makanze alimwi akubikka mulimo wa Bwami mucibeela citaanzi. Amubalombe basilutwe bamikwasyi ibali mumbungano kuti baambe mbobacikonzya kulangauda baŋanda yabo zintu zyakumubili kakunyina kunyonganya zintu zyakumuuya.

Lwiimbo 11 alimwi amupailo wakujala.

Bupanduluzi buyungizidwe