Mulongo Wamiswaangano Yamulimo
Nsondo Iitalika mu March 11
Lwiimbo 23
13 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Kwiinda mukubelesya twaambo tujanwa apeeji 8, amutondezye zitondezyo zyobilo zifwiifwi mbuli mbomukonzya kwaabila Ngazi Yamulindizi yamu April 1 alimwi a Galamukani! yamu April 8. Icitondezyo cimwi acimwi, amutondezye nzila ziindenyi-iindenyi mbuli mbomukonzya kuzumanana kubandika asikutyompya mubandi waamba kuti “Tandiyandi pe.”—Amubone bbuku lya Kukambitsirana apeeji 16.
12 min: Atuzumanane Kuba Banakristo Batatoli Lubazu Muziyanza Zyanyika. Makani aambwe amwaalu uunga waakanana kabotu. Kulisumpula kuli muzikolo zyoonse, mumasena aabelekelwa alimwi akuli basimukoboma. Ibanji bacita boobo akaambo kakuti nenzila iikonzya kubagwasya kutalibilika alimwi akuusa kuntenda zicitika munyika. Nokuba kuti andiswe tulimvwa bubi kweelana anzyotubona munyika, tulakabona kaambo kapati kajatikizya bweendelezi bwa Jehova bwakoonse-koonse, aboobo balaumbulizyigwa amulumbe wa Bwami. Notubelesya bupampu kupanduluda bantu bamwi kaambo katupa kutatola lubazu mumilimo yacisi cesu iitali kabotu, tweelede kubaumbulizya alimwi akubatondezya bulangizi mbotujisi bujanwa mu Jwi lya Leza. Broshuwa yakuti Bakamboni ba Jehova Kumakani Aalwiiyo apeeji 20-4 akatwe kakuti, “Kucita Sulutu Kundembela” naa kupa bulemu ku Ndembela ilapandulula ncotutatoleli lubazu muzilengwa zyacisi. Amubandike twaambo tupati-pati akubakulwaizya bazyali kwainduluka kabotu-kabotu makani aaya abana babo. Amuluule makani aajanwa mubroshuwa apeeji 20 alimwi apeeji 31 mu Galamukani! yamu January 8, 1996. Amwaambisye mbociyandika kulyaaba cakumaniina kuli Jehova, kumwi katupa bulemu kumami aacisi.
20 min: ‘Amube Bavwubi Mukucita Milimo Mibotu.’a Akananwe amulangizi wamulimo. Amubakulwaizye boonse kutola lubazu mumulimo kutegwa bantu bakajanike ku Ciibalusyo mu March 28. Amubatambe basikumwaya kuti baambe mbuli mbobakacikonzya kutamba bamukowa wabo, basimukobonyina, mbociiya limwi Bbaibbele alimwi abamwi buyo bakatondezya luyando akuti bacikonzye kujanika ku Ciibalusyo mwaka wamana alimwi abubotu mbobakajana. Amubakulwaizye boonse bakonzya kubeleka bupainiya bwakugwasyilizya mu April akuti babweze mafoomu wamana buyo muswaangano.
Lwiimbo 10 amupailo wakujala.
Nsondo Iitalika mu March 18
Lwiimbo 17
10 min: Zyakwaambilizya zyambungano. Lipooti yaakkaunti. Amuzyibandike “Ziyeezyo zya Ciibalusyo.” Amubakulwaizye boonse ikuccilila mulongo wakubala Bbaibbele wa Ciibalusyo mumazuba amu March 23-28, mbuli mbokutondezyedwe mukabbuku ka Kulingaula Magwalo Buzuba Abuzuba—2002.
15 min: “Bakamantenyi a Jehova Alimwi a Mwanaakwe Cakukondwa.” Makani aazwa mu Bbaibbele aakulwaizya akananwe amwaalu. Umwi aumwi amumukulwaizye kuti abeleke canguzu kutalikila sunu kusikila mu March 28 kutamba bantu banji kutegwa bakajanike antoomwe andiswe ku Ciibalusyo.
20 min: “Amuzumanane Kuba Alukkomano Mubukambausi.”b Ciindi nomubandika muncali wa 5, amubuzye nzila iibeleka kabotu mbuli mbotukonzya kubeleka canguzu mucilawo cesu cambungano. Amutondezye cikozyanyo comwe naa zyobilo mbotukonzya kusikila muntu cabusongo akucita bumboni mukaindi kaniini. Amubakulwaizye boonse kuti kabajana ziindi zyakupa bumboni nsondo iino.
Lwiimbo 6 amupailo wakujala.
Nsondo Iitalika mu March 25
Lwiimbo 7
14 min: Zyakwaambilizya zyambungano. Amwaambe kuti nkocicili ciindi cakulembela mulimo wabupainiya bwakugwasyilizya mu April. Kwiinda mukubelesya twaambo tubeleka tuli aapeeji 8, mwaalu aatondezye citondezyo mbuli mbomukonzya kwaabila Ngazi Yamulindizi yamu April, cabili cicitwe amukubusi atondezye mbuli mbokwaabilwa Galamukani! yamu April 8. Camana citondezyo cimwi acimwi amwaambe bubotu bwacitondezyo eeco.
15 min: Ziyandika zyambungano.
16 min: Amubelesye Bbuku lya Kukambitsirana Ikubakulwaizya. Mubandi abaswiilizi. Muntu amuntu uyandika kukulwaizyigwa ciindi aciindi. Aboobo toonse tweelede kuti “[tu]baumbulizye” bantu, ikubikkilizya abatyompedwe mbotuyaanya mumulimo. (1 Tes. 5:14) Kwiinda mukubelesya bbuku lya Kukambitsirana, amubatambe baswiilizi baambe makani aakulwaizya azwa mu Magwalo ngobakonzya kubandika amuntu uuli mukucitikilwa masukusyo aali kupeeji 79-82. Amwaambe kuti umwi aumwi asole kukulwaizya muntu nokwayandika.—Gal. 6:10.
Lwiimbo 11 amupailo wakujala.
Nsondo Iitalika mu April 1
Lwiimbo 15
7 min: Zyakwaambilizya zyambungano. Amubayeekezye boonse kuleta malipooti aabo aamulimo wamumuunda aamwezi wa March.
18 min: “Zipego Kubantu Cakulisungula Zileembela Butanga bwa Leza.” Makani aazwa mupepa lyamukati aambwe amwaalu. Amubandike magwalo aatondezyedwe mucibalo. Amutondezye mbuli mbocigwasya kucita bweembezi kubantu batacisungweede akugwasya baciswa-ciswa kuti kabacita mbuli mbobakonzya. Mweembezi siluyando ulalumba kusoleka kuli koonse nkobacita camoyo omwe kwiinda mukubeleka canguzu mumulimo wa Jehova.
20 min: Ino Mbuti Yearbook mboimugwasya? Makani amubandi abaswiilizi. Cakutaanguna, amunomoone makani aantalisyo aali mu “Lugwalo Luzwa Kukabunga Keendelezya.” Mwamana, amubabuzye baswiilizi kuti baluule zyakuluula zyamu Yearbook eezyo nzyobabona kuti zilaluyumya lusyomo. Amubayumye-yumye kuti boonse balimaniinzye kulibala bbuku eeli lya Yearbook akulibelesya kuli basikwiiya Bbaibbele kutegwa bazyibe mboibede mbunga ya Jehova.
Lwiimbo 2 amupailo wakujala.
Bupanduluzi buyungizidwe
a Majwi aantalisyo aatasiki kuminiti yomwe, mpoonya amuzumanane amubandi wakubuzya akwiingula.
b Majwi aantalisyo aatasiki kuminiti yomwe, mpoonya amuzumanane amubandi wakubuzya akwiingula.