Mulongo Wamiswaangano Yamulimo

Nsondo Iitalika mu January 13

Lwiimbo 21

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Kwiinda mukubelesya nzila zili apeeji 4, amutondezye zitondezyo zyobilo izitondezya mbuli mbomukonzya kwaabila Ngazi Yamulindizi ya February 1 alimwi a Galamukani! yamu February 8, mukubelesya nzila zyobilo zyakusaanguna. Munzila zyoonse, mamagazini aleelede kwaabilwa kaali obilo nokuba kuti yomwe buyo njiyeelede kubelesyegwa.

15 min: Ibakazumina Kakunyina Kukambaukilwa. Makani amubandi abaswiilizi. Ikulilemeka kabotu kwa Banakristo mbukambausi bubeleka kapati. Bupa kuti beenzinyina bamulukwatano batasyomi batalike kukomba Jehova. (1 Pet. 3:1, 2) Amuluule makani aajanika mu Ngazi Yamulindizi yamu January 1, 1999 apeeji 4; Ngazi Yamulindizi yamu Chichewa yamu October 1, 1995 apeeji 10 kusikila ku 11; alimwi a 1995 Yearbook apeeji 46. Amucitile limwi bubambe bwakuti bantu bobilo naa botatwe baambe bubotu bwakajanika akaambo kakutobela lulayo oolu lwamu Bbaibbele.

20 min: “Ikuzuzikizya Cikonke naa Cipangano Cesu Cakulyaaba.”a Mwamana kulanga-langa muncali 3, amubuzye-buzye mubufwaafwi umwi mupati naa mukubusi uubbapatizyidwe. Ino mbuyumuyumu nzi mbwaajana kuzwa ciindi naakabbapatizyigwa? Ino ncinzi cakamugwasya kumana buyumuyumu oobo? Ino kwaaba buumi bwakwe kuli Jehova kwamugwasya buti?

Lwiimbo 14 amupailo wakujala.

Nsondo Iitalika mu January 20

Lwiimbo 11

8 min: Zyakwaambilizya zyambungano. Lipooti yamaakkaunti.

15 min: Sena Mulalingaula Magwalo Buzubaa Buzuba? Makani amubandi abaswiilizi. Amubakulwaizye boonse kukabelesya kabotu kabbuku ka Kulingaula Magwalo Buzubaa Buzuba—2003. Amubandike makani mataanzi aali apeeji 3 kusikila ku 4. Amupe nzila mbuli mikwasyi mboikonzya kubandika lugwalo antoomwe. Ikutegwa mutondezye mbuli mbomukonzya kugwasyigwa kwiinda mukulanga-langa lugwalo abuzuba, amubandike kwiinda mukubelesya zikozyanyo zyobilo naa zyotatwe zyalugwalo alimwi amakani aabikkidwe kuti akalangwe-langwe mwezi uuboola. Amubikkilizye acitondezyo camwaalumi amukaintu wakwe ibalanga-langa lugwalo lwabuzuba oobo alimwi amakani aalusindikizya.

22 min: “Amubayiisye Mwaambo Uusalala Bantu.”b Mwamana kulanga-langa muncali 6, sikumwaya uucibwene kumutwe aatondezye mbuli mbocikonzya kutalisyigwa ciiyo ca Bbaibbele cicitilwa amulyango nali mulweendo lwakupilukila, kwiinda mukubelesya nzila zimwi izili mupepa lyamukati lya Mulimo Wesu Wabwami wamu January 2002 apeeji 4. Alimwi amulange muncali omwe mubroshuwa ya Ncayanda. Sikumwaya weelede kumanizya kwiinda mukubuzya mubuzyo mumuncali uutobela alimwi akucita bubambe bwakuti akaingule aakuswaya alimwi. Amubakulwaizye boonse ikubona naa aabo mbobaswaya balakonzya kuzumina kwiiya Bbaibbele munzila iili boobo.

Lwiimbo 23 amupailo wakujala.

Nsondo Iitalika mu January 27

Lwiimbo 4

10 min: Zyakwaambilizya zyambungano. Amubayeezye basikumwaya ikupa malipooti aabo aamumulimo wamumuunda. Kwiinda mukubelesya nzila zyamamanino zyobilo izili apeeji 8, amutondezye zitondezyo zyobilo mbuli mbomukonzya kwaabila Ngazi Yamulindizi yamu February 1 alimwi a Galamukani! yamu February 8. Mucitondezyo cimwi acimwi, sikumwaya weelede kumanizya kwiinda mukupa mukamwiniŋanda uuzumina mamagazini alimwi ayooyo uutazumini ikatulakiti kakuti, Sena Mulayanda Kuzyiba Zinji Kujatikizya Bbaibbele? Amupandulule mubufwaafwi mbuli mbotukonzya kupilukila kuli baabo mbotwakasiila mamagazini ciindi notusiya katulakiti.—Amubone Mulimo Wesu Wabwami wamu November 2001, p. 4 munc. 10.

15 min: Ziyandika zyambungano.

20 min: Amubagwasye Bantu Kubaa Cilongwe a Jehova. Makani alimwi amubandi abaswiilizi. Tuyakwaabila bbuku lipya mu February. Amubandike lugwalo kuli basikubala iluli apeeji 3 alimwi akunomoona zibeela zimwi zili mubbuku eeli. Cibeela cimwi acimwi cazibeela zili zyone cikankaizya bube bumwi bwa Jehova buyandika kapati. Icibalo citondezya mbuli Jesu mbwaakatondezya bube oobu alimwi acibalo cibandika mbuli mbotukonzya kucita boobo, zilibikkilizyidwe. Kuli mapeeji aajisi zifwanikiso zyamu Bbaibbele aali 17. “Mibuzyo Yakuyeeya Cakuzinzibala” itugwasya kuyeeya zibeela zimwi zyamitwe ziyandika kapati. Amwiinduluke kabbokesi kakuti, “Nzila Zikonzya Kubelesyegwa Mukumwaya Bbuku lya Amubaa Cilongwe a Jehova” alimwi sikumwaya uucibwene kumutwe atondezye nzila yomwe iipedwe.

Lwiimbo 13 amupailo wakujala.

Nsondo Iitalika mu February 3

Lwiimbo 8

15 min: Zyakwaambilizya zyambungano. Amwiinduluke Kabbokesi Kamubuzyo. Amubakulwaizye basikumwaya kuti kababelesya S-43 foomu ciindi nobaswaanganya bantu baambaula mulaka uumbi, kweelana ambokupanduludwe mulugwalo lwakalembelwa mbungano zyoonse lwamu March 20, 2000. Kanjikanji, ifoomu eeyi ileelede kubelesyegwa kumulimo ooyu nokuba kuti muntu ooyo tatondezyi luyandisyo kumulumbe wa Bwami.

12 min: Amwiiye Lusyomo Lwabo. Amubuzye-buzye mwaalu walo wabelekela Jehova cakulibombya alimwi cakusyomeka kwamyaka minji. (Heb. 13:7) Ino kasimpe wakakaiya buti? Ino nzisinkilizyo nzi nzyaakazunda ikutegwa azumanane mukasimpe? Ino mbubambe nzi bwazintu zyakumuuya bwakamukulwaizya kutegwa ayaambele? Ino ncinzi ncaakacita ikutegwa ayelele kuba mulangizi mumbungano? (1 Tim. 3:1) Ino ncinzi cakamugwasya ikutegwa akonzye kwiilanganya kabotu mikuli yambungano alimwi amilimo yakumubili kubikkilizya amikuli yamukwasyi? (1 Tim. 5:8) Ino ulimvwa buti kucoolwe ncajisi cakugwasya bambi mumbungano?

18 min: “Imulimo Uuyandika Kulicesya.”c Nomubandika muncali 3, amubalombe baswiilizi kuti bape mizeezo mbuli mbotweelede kwiingula naa kucita ikuti naa muntu umwi mucilawo cesu uli mukutufwubaazya antela ngusibukali naa uuyandisya kukazyanya. Ciindi nomubandika muncali 4, amubikkilizye atwaambo ituli mu Insight, Volume 1 apeeji 1160 muncali 3.

Lwiimbo 3 amupailo wakujala.

Bupanduluzi buyungizidwe