Mulongo Wamiswaangano Yamulimo

Nsondo Iitalika mu June 9

Lwiimbo 11

10 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Kwiinda mukubelesya nzila zipedwe apeeji 8, amutondezye zitondezyo zyobile izitondezya mbomunga mwaabila Ngazi Yamulindizi yamu July 1 ikubelesya nzila zyakusaanguna zyobile. Amubikkilizye alugwalo mucitondezyo cimwi acimwi.

15 min: “Imulimo Wesu wa Bunakristo Ngomulimo Mupati.”a Amubakulwaizye bakubusi kuti babone zilongezyo nzyobakonzya kujana kwiinda mukucita mulimo waciindi coonse. Amubikkilizye atwaambo tuli mucibalo cili akatwe kakuti, “Nokuli Kukazyanya Akati Kazilengwa Amanjezeezya” mu Ngazi Yamulindizi yamu Chingisi yamu November 1, 2000 mapeeji 19-20.

20 min: “Ikucileka Mulimo Wakumubili—Sena Kusololela Kumulimo Uuyungizyidwe?”b Ikuti kacikonzyeka, amubikkilizye amubandi mufwaafwi wakubuzya-buzya sikumwaya uuli mukubelesya coolwe cakuleka mulimo wakumubili ikutegwa kaba aciindi cinji mumulimo wa Jehova. Amumubuzye kucinca nkwaakacita alimwi azilongezyo nzyaajana.

Lwiimbo 6 amupailo wakujala.

Nsondo Iitalika mu June 16

Lwiimbo 21

8 min: Zyakwaambilizya zyambungano. Lipooti yamaakkaunti.

12 min: Ziyandika zyambungano.

25 min: “Amube Bankutwe ‘Mukupandulula Makani.’”c Amubelesye mibuzyo iibikkidwe. Mwamana kubandika muncali 5 alimwi a 6, amubikkilizye acitondezyo cifwaafwi citondezya bukambausi bwamukwiizya kumubelesi wamucintoolo alimwi akwaabila tulakiti ya Sena Mulayanda Kuzyiba Zinji Kujatikizya Bbaibbele? Kamutana bandika muncali 7 a 8, amulombe umwi kuti abale mincali eeyi cakupozya. Kumamanino, amubale akubandika kabbokesi kakuti “Mutabalubi Pe!”

Lwiimbo 20 amupailo wakujala.

Nsondo Iitalika mu June 23

Lwiimbo 13

10 min: Zyakwaambilizya zyambungano. Kwiinda mukubelesya nzila zipedwe apeeji 8, amutondezye zitondezyo zyobile izitondezya mbomukonzya kwaabila Ngazi Yamulindizi yamu July 1 ikubelesya nzila zyamamanino zyobile. Mucitondezyo cimwi, amutondezye sikumwaya uuli mubukambausi bwamumugwagwa.

20 min: Ino Ncinzi Cikonzya Kucitwa Kujatikizya Kutyompokelwa? Makani amubandi abaswiilizi kuzwa mu Ngazi Yamulindizi yamu October 1, 2000 mapeeji 3-4, amubikkilizye akatwe kakuti “Balulami.” Amulange-lange nzila zibeleka alimwi alulayo lwamu Magwalo. Amulibambilile limwi kakucili ciindi kuti sikumwaya omwe naa bobile ibacibwene kumutwe kuti bapandulule icibagwasya kuzumanana kukondwa mumulimo wabo.

15 min: “Ikukambauka Munyika Bukkale Mobuya Bucinca.”d Nomubandika muncali 2 a 3, amubuzye baswiilizi zintu zyakacitika ino-ino izikonzya kwaambwa ikutalisya mubandi mucilawo canu. Nomubandika muncali 4, amucite citondezyo cifwaafwi, ikubelesya nzila yomwe yaambidwe.

Lwiimbo 2 amupailo wakujala.

Nsondo Iitalika mu June 30

Lwiimbo 4

10 min: Zyakwaambilizya zyambungano. Amubayeezye basikumwaya kuti bape malipooti aabo amumulimo wamumuunda aamu June. Amulange-lange mabbuku aayoomwaigwa mu July a August. Amwaambe mabroshuwa obile ngomucijisi mumbungano. Amucite citondezyo cakalibambilwa kabotu ikutondezya mbomukonzya kwaabila mabroshuwa aaya mumulimo. Ikujatikizya nzila zikonzya kubelesyegwa, amubone Mulimo Wesu Wabwami wamu July 1998 apeeji 8. Inzila zimbi ziyungizidwe zilakonzya kujanwa mu Watch Tower Publications Index amutwe wakuti “Presentations” (Nzila) alimwi akatwe kali akati kakuti “List by Publication” (Mulongo wamabbuku).

15 min: “Ibalemene—Pele Ibazyala Micelo.”e Amubikkilizye atwaambo mbobakonzya kugwasya bamwi kuzwa mu Awake! yamu September 8, 1999 mapeeji 29-30, akatwe kasyoonto kakuti, “Ino Ncinzi Cikonzya Kucitwa? (What Can Be Done?)”

20 min: Amulibelesye Kabotu Jwi lya Leza Ikukambauka Bwami. Mubandi abaswiilizi weelede kweendelezyegwa amulangizi wamulimo. Imuntu aumwi ngotuswaanganya mumulimo wesu, tulasolekesya kumwaambila kaambo kakulwaizya kuzwa mu Magwalo ka Bwami. Pele, kuli zimwi nzyotweelede kucita ikutali buyo kubala magwalo mu Bbaibbele. Tweelede kupandulula, kupa citondezyo alimwi akutondezya mbwaakonzya kubelesyegwa. Amutondezye mbocikonzya kucitwa eeci, ikubelesya magwalo amwi aatazubuludwe kazili zitondezyo mubbuku lya Kukambitsirana apeeji 65, akatwe kasyoonto kasendekedwe kakuti “Olamulira aumunthu sakupereka zimene mtundu wa anthu ukufuna mofulumira.” Wamana buyo mubandi, amulombe sikumwaya uulibambilide kabotu kuti atondezye mbolukonzya kubelesyegwa kabotu lugwalo lomwe mulweendo lwakupilukila, ape bupanduluzi bufwaafwi bugaminide, cikozyanyo citakatazyi kumvwa, alimwi akwaamba mubufwaafwi mbolukonzya kubelesyegwa lugwalo ikutondezya mwiniŋanda mbwayoogwasyigwa abulelo bwa Bwami. Citondezyo ceelede kutalika asikumwaya kali mukubala lugwalo. Camana citondezyo, amulange-lange lugwalo mbolwabalwa, kupandululwa alimwi acaambwa kujatikizya mbolukonzya kubelesyegwa. Amubakulwaizye boonse kuyaambele kulibelesya kabotu Jwi lya Leza.

Lwiimbo 10 amupailo wakujala.

Nsondo Iitalika mu July 7

Lwiimbo 26

5 min: Zyakwaambilizya zyambungano.

15 min: Zyakuluula zyakacitika kubusena bwenu. Amuluule naa kucita zitondezyo kutondezya zyakacitika basikumwaya mumbungano nzyobakajana nobakali (1) kupa bumboni kubantu bamisyobo iindene-indene naa bantu bakanana myaambo iimbi naa (2) nobakali kupa bumboni muzibeela zimwi zyabukambausi kutali kuŋanda aŋanda alimwi amumulimo wamumugwagwa. Amubakulwaizye boonse kukabelesya kabotu kabbuku kakuti, Good News for All Nations alimwi afoomu yakuti Amuzumanane a Muntu Ooyu (S-43) nobajana muntu uukanana mwaambo uumbi.—Amubone Zyakwaambilizya.

25 min: “Ikuzyibya Izina lya Leza.”f Amubelesye mibuzyo iibikkidwe. Nomulanga-langa muncali 4, amubikkilizye atwaambo tuli mukabbokesi kakuti “Ikuzyibya Izina lya Leza (Making Known the Name of God)” kali apeeji 124 mubbuku lya Proclaimers. Amulombe sikumwaya uucibwene kuti acite citondezyo mulweendo lwakupilukila. Kwiinda mukubelesya magwalo obile naa otatwe mubbuku lya Kukambitsirana mapeeji 420 a 421, amutondezye ikaambo ncociyandika kapati kulizyiba alimwi akulibelesya zina lya Leza limugeme.

Lwiimbo 9 amupailo wakujala.

Bupanduluzi buyungizidwe