Mulongo Wamiswaangano Yamulimo

Nsondo Iitalika mu October 11

Lwiimbo 20

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Amubakulwaizye boonse kubelesya mibuzyo iili apeeji 1 kulanga-langa twaambo ntobakalemba ikulibambila mubandi abaswiilizi wa Muswaangano Wacooko wa “Amweende a Leza” amuswaangano uuccilila Wamulimo. Amubelesye nzila zipedwe apeeji 8 (ikuti kakuyandika mucilawo canu) kutondezya mbomukonzya kwaabila Ngazi Yamulindizi ya November 1. Amubakulwaizye basikumwaya kubikkilizya alugwalo mucitondezyo cabo. Zitondezyo zimwi zigwasya zilakonzya kubelesyegwa.

15 min: Amukukkomanine Kugwasya Bantu. (Joh. 4:34) Kubuzya-buzya. Cilakkomanisya kubona muntu umwi kakkomene kwiiya kasimpe kazwa mu Jwi lya Leza. (w94-CN 3/1 p. 29 munc. 6-7) Amubuzye-buzye basikumwaya bobilo naa botatwe antela bapainiya ibacita kabotu mukubelesya Ibbaibbele mumulimo alimwi akutalisya kweendelezya ziiyo zya Bbaibbele. Mbuti mbobapa kuti muntu ngobajana abe aluyandisyisyo lwakwiiya? Ino ndukkomano nzi ndobajana kwiinda mukucita boobo? Abaluule naa abatondezye mbobacita nobali mumuunda.

20 min: “Mulimo Waalubazu Wakumwaya Broshuwa Mpya.”a Akananwe amulangizi wamulimo. Amucite citondezyo kunzila eezyo zipedwe. Mucitondezyo cimwi, mwiniŋanda walitondezya kuti tazyiyandi zyamu Magwalo alimwi wapegwa tulakiti muciindi cabroshuwa.

Lwiimbo 21 amupailo wakujala.

Nsondo Iitalika mu October 18

Lwiimbo 15

5 min: Zyakwaambilizya zyambungano. Mubufwaafwi amwiinduluke bubambe bwaalubazu bwakumwaya broshuwa mpya.

40 min: “Muswaangano Wacooko Utukulwaizya Kweenda a Leza.” Akananwe amwaalu. Mwamana kwaamba majwi aantalisyo aataindi kuminiti yomwe, amubandike abaswiilizi pulogilamu yakali kumuswaangano kwiinda mukubelesya mibuzyo iili mucibalo. Ikutegwa mubuzyo aumwi ubuzyigwe akwiingulwa muciindi cipedwe, imwi mibuzyo mulakonzya kuzumizya buyo muntu omwe kwiingula. Taali oonse magwalo aayelede kubalwa muciindi cipedwe; aaya abikkilwa buyo kuti cuube-ube kujana bwiinguzi. Bwiinguzi inga bwagwasya kuti kabutondezya mpindu ini iijanwa kuti twazitobela nzyotwiiya.

Lwiimbo 11 amupailo wakujala.

Nsondo Iitalika mu October 25

Lwiimbo 4

10 min: Zyakwaambilizya zyambungano. Kulanga-langa nkomwi yamali yambungano ambazu zimwi. Amutondezye citondezyo cambokwaabilwa broshuwa mpya yabeleka kabotu mucilawo canu. Ikuti ciindi kaciliko, amwaambe zyakuluula kuzwa kumulimo waalubazu.

15 min: Ziyandika zyambungano.

20 min: Amupe Bumboni bwa Kugwasyilizya Jwi lya Leza. Mubandi abaswiilizi kuzwa mubbuku lya Cikolo Camulimo apeeji 256-7. Mbuti mbotukonzya kubelesya bumboni butali bwamu Bbaibbele kugwasya bantu kuyandisya butontozi bwa Magwalo? Amubalombe baswiilizi baambe mibuzyo iitobela: Nzikozyanyo nzi zyakujulu aanyika nzyotubona nzyotukonzya kwaamba kabuli bumboni bwa Mulengi? (rs-CN pp. 75-6) Mbuti mbotukonzya kubelesya twaambo twabasikwiiya bamwi kugwasya abamwi kubona kuti Ibbaibbele mubwini ndi Jwi lya Leza? (rs-CN pp. 56-8) Nzikozyanyo nzi nzyotukonzya kubelesya kugwasya bamwi kubona ikaambo Leza ncalekelede bubi? (rs-CN p. 186) Zyakuluula nzi naa zitondezyo nzi nzyomwabelesya kugwasya bantu kuyandisya busongo bwakutobela lulayo lwamu Bbaibbele?

Lwiimbo 23 amupailo wakujala.

Nsondo Iitalika mu November 1

Lwiimbo 2

10 min: Zyakwaambilizya zyambungano. Amubayeekezye boonse kuleta malipooti aabo aamulimo wamumuunda.

20 min: Mbotukonzya Kugwasya Baabo Baambaula Mulaka Uumbi. Makani amubandi abaswiilizi kuzwa kumakani aamatalikilo aakabbuku ka Good News for People of All Nations (Makani Mabotu Kubantu Bamisyobo Yoonse). Amwaambe zibeela zyakabbuku aaka kapya. Amubandike nzila zyotatwe nzyotukonzya kubelesya kugwasya baabo baambaula mulaka uumbi ngotutamvwi. Amubikkilizye atwaambo kuzwa mu Mulimo Wesu Wabwami wa July 2003 peeji 4. Amwaambe kuti foomu ya Amuzumanane Amuntu Ooyu (S-43) yeelede kulembwa nikuba kuti muntu tatondezyi luyandisyo mumulumbe wa Bwami. Amubikkilizye acitondezyo kutondezya mbokabelesyegwa kabbuku kapya.

15 min: Zyakuluula zyakubusena ooko. Amubalombe baswiilizi kuti baambe zyakuluula nzyobakakkomanina mumulimo waalubazu wakumwaya broshuwa mpya. Amulibambile kakucili ciindi kutegwa mukatondezye zitondezyo zibotu. Ikuti mabroshuwa mumbungano kaaya buceya, amulombe kuti mabroshuwa aindilila ajolwe kubwezelwa mabbuku.

Lwiimbo 5 amupailo wakujala.

Bupanduluzi buyungizidwe