Mulongo Wa Miswaangano Ya Mulimo

Malailile: Mu Mulimo Wesu wa Bwami kuyoondandamikwa mulongo wa Miswaangano ya Mulimo mvwiki aimwi mumyezi yamuswaangano wacooko. Mbungano zilakonzya kubikka bubambe bugwasya kutegwa zikajanike ku Muswaangano Wacooko wa “Atumumvwide Leza.” Ikuti kacikonzyeka amubelesye maminiti aali 15 mu Muswaangano wa Mulimo wamvwiki yamamanino kamutanaunka kumuswaangano wacooko, ikwiinduluka malailile aali mu Mulimo Wesu wa Bwami wa March 2005 amapeeji 3-5 aakonzya kubeleka nkomuzwa. Kwaakwiinda mwezi omwe naa yobile mwaakuzwa kumuswaangano amukabelesye maminiti aali 15-20 aa Muswaangano wa Mulimo (ambweni kubelesya cibeela ca ziyandika zyambungano) kwiinduluka twaambo tupati-pati twakumuswaangano ooto basikumwaya ntobajana kuti tulagwasya mumulimo wamumuunda. Icibeela eeco caalubazu ca Muswaangano wa Mulimo ciyootupa coolwe cakupandulula mbotuli mukuzibelesya nzyotwakaiya kumuswaangano alimwi ambotwagwasyigwa kuti tuzwidilile mumulimo.

Nsondo Iitalika mu July 11

Lwiimbo 11

10 min: Zyakwaambilizya zyambungano. Zyakwaambilizya zisalidwe mu Mulimo Wesu wa Bwami. Amubelesye nzila zili apeeji 4 (ikuti kazigwasya mucilawo momubelekela) kutondezya mbomunga mwaabila Ngazi Yamulindizi ya August 1. Nzila zimwi zigwasya inga zyabelesyegwa. Mucitondezyo acimwi amutondezye mbomunga mwazumanana kubandika asikutyompya mubandi waamba kuti “ndijisi bubi.”—Amubone bbuku lya Kukambitsirana mapeeji 19-20.

15 min: Ziyandika zyambungano

20 min: “Kusikila Bantu Banji Mbuli Mbotukonzya.”a Nomubandika muncali 5, amwiinduluke nzila zili mu Mulimo Wesu wa Bwami wa June 2005, apeeji 8 zikonzya kubeleka mucilawo momubelekela.

Lwiimbo 6 amupailo wakujala.

Nsondo Iitalika mu July 18

Lwiimbo 23

10 min: Zyakwaambilizya zyambungano. Amubandike mubufwaafwi mincali 6, 7 mu Ngazi Yamulindizi ya April 1, 2002 apeeji 10. Amwaambe ibubotu bwakuba abubambe bwa lyoonse bwa kubala Bbaibbele abuzuba, noliba leelyo nomulyookezya kumulimo akuciindi cimbi notutaciti milimo ya lyoonse. Amubandike zili mukabbokesi kakuti “Kulemeka Mulimo Wesu.”

15 min: “Ikweendelezya Ziiyo zya Bbaibbele Ziyaambele—Cibeela 11.”b Amubikkilizye acitondezyo ca sikweendelezya ciiyo asikumwaya mupya kabalibambila kupilukila. Bainduluka mubandi wakuswaya kwakusaanguna alimwi basala kaambo keelela nkobakonzya kubandika bapilukila. Alimwi balibambila ntalisyo nguba-uba amubuzyo ukonzya kubuzyigwa kumamanino aamubandi. Citondezyo camana eelyo nobalibambila kwiinduluka nzila njobalibambila.

20 min: Amugwasye Bamwi Kuti Balimvwisye Akulibikkila Maanu Bbaibbele. Mubandi wakubuzya akwiingula kuzwa mubbuku lya Amukombe Leza mapeeji 23-5, mincali 3-6. Amubelesye mibuzyo yakwiiya iili mubbuku. Amubikkilizye atwaambo tuli mubroshuwa ya Buku La Anthu Oonse, apeeji 32.

Lwiimbo 4 amupailo wakujala.

Nsondo Iitalika mu July 25

Lwiimbo 21

15 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa. Kwiinda mukubelesya nzila zili apeeji 4 (ikuti kazigwasya mucilawo momubelekela), amutondezye mbomunga mwamwaya Ngazi Yamulindizi ya August 1. Nzila zimwi zigwasya inga zyabelesyegwa. Mucitondezyo comwe, amutondezye mbomunga mwaabila mamagazini mukwiizya kumusika naa mubusena bumwi bwabuleya.

10 min: Amumuyiisye Kasimpe Mwanaanu. (Dt. 6:7) Makani akananwe amwaalu kuzwa mubbuku lya Luzibo mapeeji 145-8, mincali 15-21. Amwaambe njiisyo zyamu Magwalo zipa busolozi bwakuyiisya bana kumuzyali Munakristo ukwetwe ku naa ukwete muntu uutali Kamboni.

20 min: “Mulimo Ngotweelede Kubelekela Bamwi.”c Amubikkilizye atwaambo tuli mu Ngazi Yamulindizi ya July 1, 2000, apeeji 21, muncali 13.

Lwiimbo 10 amupailo wakujala.

Nsondo Iitalika mu August 1

Lwiimbo 17

15 min: Zyakwaambilizya zyambungano. Amubayeekezye basikumwaya kupa malipooti amulimo wamumuunda amu July. Amutambe baswiilizi kujula bbuku lya Cikolo Camulimo kupeeji 70, eelyo kwiinda mumubandi abaswiilizi, amubandike mincali 2-3 alimwi azili mukabbokesi kakuti “Mbokwiingulwa a Miswaangano.”

15 min: “Amugwasye Bana Banu Kuyaambele mu Mulimo.” Makani amubandi abaswiilizi. Amubikkilizye acitondezyo camuzyali amwana kababelesya nzila nguba-uba. Muzyali apandulule mubufwaafwi bubambe bwakusanga, mpoonya citondezyo cimane.

15 min: Sena Mwakasoleka Kubelesya Nzila Iikonzya Kucinca Kweelana Abukkale? Makani amubandi abaswiilizi kuzwa mu Mulimo Wesu wa Bwami wa January 2005, peeji 6. Amwiinduluke nzila zipedwe akutondezya mbuli nzila iikonzya kucinca kweelana abukkale mboikonzya kubelesyegwa mukwaabila bbuku limwayigwa mu August. Amupe citondezyo kwiinda mukubelesya nzila yomwe naa zyobile.

Lwiimbo 2 amupailo wakujala.

Bupanduluzi buyungizidwe