Mulongo Wa Miswaangano Ya Mulimo

Nsondo Iitalika mu August 8

Lwimbo 11

10 min: Zyakwaambilizya zyambungano. Zyakwaambilizya zisalidwe mu Mulimo Wesu wa Bwami. Amubayeekezye basikumwaya kujatikizya mazuba aa muswaangano wabbazu alimwi apulogilamu yamuswaangano waalubazu mumwaka wamulimo wa 2006 ikuti kamwaazyi.

15 min: “Amutembaule Jehova Mumbungano Mpati.”a Akananwe a mulembi wambungano. Amwaambe muswaangano wacooko imbungano yankomuzwa nkoibalilwa. Amubandike mincali indandamikidwe mbuli mbokucitwa Ciiyo ca Ngazi Yamulindizi. Mincali ibalwe amukwesu wakaambilwa kucita oobo. Amubandike zili mukabbokesi kakuti “Ziyeekezyo zya Muswaangano Wacooko.”

20 min: “Ecino Nceciindi Cakukambauka!”b Amulibambile kakucili ciindi kutegwa mupainiya waciindi coonse omwe naa bobile baambe kucinca nkobakacita kutegwa banjile mulimo wabupainiya alimwi azilongezyo nzyobajana akaambo kakucita oobo.

Lwimbo 26 amupailo wakujala.

Nsondo Iitalika mu August 15

Lwimbo 28

10 min: Zyakwaambilizya zyambungano. Amubelesye nzila zili apeeji 8 (ikuti kazigwasya mucilawo momubelekela) kutondezya mbomunga mwaabila Ngazi Yamulindizi ya September 1. Amutondezye mwaalu a sikumwaya uuciswa kabapa bumboni kwiinda mukubelesya luwaile.

15 min: Ijwi lya Jehova Lili Abuumi. Mubandi abaswiilizi kuzwa mu Ngazi Yamulindizi ya August 1, 2005, mapeeji 28-31. Amutambe baswiilizi kupa bwiinguzi kumubuzyo aumwi. Amukankaizye mbwaagwasya makani aaya. Amubakulwaizye boonse ikwiibala kabotu-kabotu Ngazi Yamulindizi aimwi.

20 min: “Kutalisya Ziiyo zya Bbaibbele Amulyango Alimwi Akwiinda Mukubelesya Luwaile.”c Mubufwaafwi amutondezye mbocikonzya kutalisyigwa ciiyo ca Bbaibbele mukuswaya kwakusaanguna, kwiinda mukubelesya muncali omwe naa yobile mubroshuwa ya Ncayanda. Mubufwaafwi amwaambe cakuluula comwe naa zyobile zijatikizya kutalisya ziiyo kwiinda mukubelesya luwaile.

Lwimbo 23 amupailo wakujala.

Nsondo Iitalika mu August 22

Lwimbo 6

10 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa.

15 min: Ziyandika zyambungano.

20 min: “Kukambauka Bwami—Mulimo Uutaliboteli.”d Nomubandika muncali 4, amwiinduluke kubandika bubambe bwaalubazu bwakupa malipooti amumulimo wamumuunda mutubeela twamaminiti aali 15 kuli baabo batakonzyi kubeleka kapati akaambo kakucembaala naa kuciswa kapati.—Amubone Mulimo Wesu wa Bwami wamu October 2002, p. 8, munc. 6.

Lwimbo 25 amupailo wakujala.

Nsondo Iitalika mu August 29

Lwimbo 6

10 min: Zyakwaambilizya zyambungano. Amubayeekezye basikumwaya kuti bape malipooti amumulimo wamumuunda amu August. Kwiinda mukubelesya nzila zili apeeji 8 (ikuti kazigwasya mucilawo momubelekela) amutondezye mbokwaabilwa Ngazi Yamulindizi ya September 1. Mucitondezyo comwe, amutondezye ciindi nomupilukila kubantu mbomutolela mamagazini lyoonse.

15 min: “Kupa Bumboni Kakunyina Kwaambaula.”e Amutambe basikumwaya bamwi baambe mbuli kulilemeka kwabantu ba Leza mbokwakabakonda akubagwasya kuba babelesi ba Jehova.

20 min: Amubelesye Bbaibbele Mukuswaya Kwakusaanguna. Makani amubandi abaswiilizi. Amwiinduluke kubandika nzila zili mu Mulimo Wesu wa Bwami, wamu September 2004 apeeji 4, muncali 2, zijatikizya kubikkila maano ku Jwi lya Leza mukuswaya kwakusaanguna. Amutondezye nzila yomwe naa zyobile mbozikonzya kubelesyegwa mukwaabila bbuku limwaigwa mu September. Azyalo nzila zili mu Mulimo Wesu wa Bwami wamu January 2005 mupepa lyamukati zyakwaabila bbuku limwaigwa zilakonzya kubandikwa akutondezyegwa ikuti ciindi kaciciliko.

Lwimbo 4 amupailo wakujala.

Nsondo Iitalika mu September 5

Lwimbo 13

10 min: Zyakwaambilizya zyambungano.

15 min: “Ikweendelezya Ziiyo zya Bbaibbele Ziyaambele—Cibeela 12.”f Amulibambile kakucili ciindi kutegwa sikumwaya omwe naa bobile baambe cakabagwasya kuti bayaambele mukutalisya alimwi akweendelezya ziiyo zya Bbaibbele.

20 min: Kubikka Bubambe Bwakugwasya Bacembeede. Makani akananwe amwaalu kuzwa mucibalo ca Nsanja ya Olonda, ya August 15, 1993, amapeeji 28-9, akatwe kakuti “Kulinganiza Nkofunika.” Amwaambe bubambe bubikkidwe mumbungano bwakugwasya baabo ibaciswa alimwi abacembeede.

Lwimbo 19 amupailo wakujala.

Bupanduluzi buyungizidwe