Mulongo Wa Miswaangano Ya Mulimo

Nsondo Iitalika mu January 9

Lwiimbo 10

10 min: Zyakwaambilizya zyambungano. Kubelesya nzila zili apeeji 8 naa nzila zimwi zigwasya mucilawo cenu, amutondezye mboikonzya kwaabilwa Ngazi Yamulindizi ya February 1 alimwi a Awake! ya January ooko nkobaitambula. Mucitondezyo cimwi, amutondezye sikumwaya uukambaukila mucilawo camakwebo.

15 min: “Ibbuku lya Bbaibbele Ncoliyiisya—Cibelesyo Cesu Cipati Cigwasya Mukuyiisya Bbaibbele.”a Amubakulwaizye kutalisya ziiyo zya Bbaibbele mubbuku lipya.

20 min: “Mbotukonzya Kutalisya Ziiyo mu Bbuku lya Bbaibbele Ncoliyiisya.” Mubandi abaswiilizi kubikkilizya azitondezyo ziyeeme apeeji 3 lyapepa lyamukati. Tulakonzya kutalika kulibelesya bbuku lya Bbaibbele Ncoliyiisya kutalisya akweendelezya ziiyo zya Bbaibbele kuli baabo batondezya luyandisisyo. Amubikke bubambe bwazitondezyo zyotatwe zyalibambilwa kabotu kutondezya mbotukonzya kubelesya (1) mapeeji 4-5, (2) peeji 6, alimwi (3) muncali wakusaanguna uuli apeeji 7 kutalisya ciiyo ca Bbaibbele notupilukila. Amwaambe tubeela tupati-pati twacitondezyo acimwi kacitanatalika, alimwi amutwiinduluke camana citondezyo. Kulangwa-langwa kwamincali mubbuku lya Bbaibbele Ncoliyiisya kulakonzya kumfwiinsigwa kuti kakuyandika. Citondezyo acimwi ceelede kumana sikumwaya amana kubamba bubambe bwakuyoopilukila.

Lwiimbo 125 amupailo wakujala.

Nsondo Iitalika mu January 16

Lwiimbo 178

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami. Ooko ikuli zibelesyo, amubakulwaizye boonse kweebela vidiyo iijisi mutwe wakuti Transfusion-Alternative Health Care—Meeting Patient Needs and Rights mukulibambila Muswaangano wa Mulimo, munsondo iitalika mu January 30. Antela, mikwasyi ilakonzya kulanga-langa cibeela cakuti “Zoloŵa M’malo mwa Kuthiriridwa Mwazi Zabwino” kuzwa mubroshuwa yakuti Kodi Mwazi Ungapulumutse Motani Moyo Wanu? mapeeji 13-15.

15 min: Bakamantene Mukucita Kuyanda kwa Jehova. Makani amubandi abaswiilizi kuzwa apeeji 4-7 mubbuku lya Bakamantene Mukucita Kuyanda kwa Jehova. Mwamana kwaamba majwi aantalisyo aatasiki kumaminiti otatwe kuzwa apeeji 4, amubandike abaswiilizi makani aali apeeji 5 kuyoosikila kukatwe kamakani kali apeeji 7. Zibeela azimwi zyabbuku lya Bakamantene ziyakulangwa-langwa lya Miswaangano ya Mulimo iili kumbele.

20 min: “Bakubusi Bamunika Mbuli Mimuni.”b Amutambe bakubusi kuti baambe mbuli mbobacikonzya kukambauka nobali kucikolo. Kaambo komwe naa tobile tulakonzya kulibambilwa kakucili ciindi.

Lwiimbo 107 amupailo wakujala.

Nsondo Iitalika mu January 23

Lwiimbo 60

10 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa. Kubelesya nzila zili apeeji 8 naa nzila zimwi zigwasya mucilawo cenu, amutondezye mboikonzya kwaabilwa Ngazi Yamulindizi ya February 1 alimwi a Awake! ya February. Mukubusi abelesye imwi yanzila.

15 min: Ziyandika zyambungano.

20 min: “Amubabikkile Maanu Ibamwi—Kwiinda Mukubuzya Mibuzyo Akuswiilila.”c Nomubandika muncali 2, amubabuzye baswiilizi kuti ino mibuzyo nzi njobajana kuti ilagwasya kapati kutalisya mibandi. Amutondezye mbomukonzya kukulwaizya muntu kwaamba mbwayeeya kwiinda mukubelesya mibuzyo yabupampu alimwi akuswiililisya.

Lwiimbo 205 amupailo wakujala.

Nsondo Iitalika mu January 30

Lwiimbo 197

5 min: Zyakwaambilizya zyambungano. Amubayeezye basikumwaya kuti bape malipooti aamumulimo wamumuunda aamu January. Amwaambe mabbuku aakumwaya mu February, alimwi amube acitondezyo kubelesya nzila yomwe.

25 min: Kutobela Malailile aa Leza Aakulikasya ku Bulowa. Makani akananwe amwaalu kubelesya pepa lyamakani lyakazwa kuofesi lyamutabi. Kumatalikilo, amwaambe kuti makaadi aa DPA taayelede kulembwa sunu pe. Ciindi nabala pepa lyamakani, mwaambi ulakonzya kuyungizya twaambo tufwaafwi kukankaizya twaambo tupati-pati pele tayelede kuyungizya makani kwiinda mukubelesya zikozyanyo naa magwalo aambi. Magwalo aabikkidwe alakonzya kubalwa naa kuzubululwa ikuti ciindi kacizumizya. Kuciindi ceelede, amwaambe twaambo tuli mukabbokesi kakuti “Bubambe Bupya Bwakutugwasya Kulikasya ku Bulowa.” Mulembi weelede kupa basikumwaya boonse babbapatizyidwe kkaadi ya DPA alimwi amalailile aa “Mbokulembwa Kkaadi ya DPA” kutegwa bacikonzye kutobelezya aciindi cacibeela eeci. Mulembi weelede kubona masimpe kuti ma Identity Cards manji nkwaali. Mibuzyo iili kkumi aibili iili apeeji 7 lya Mulimo Wesu wa Bwami uuno ilakonzya kubelesyegwa mukwiinduluka.

15 min: Bubambe Bubotu Bwakutugwasya. Akananwe amwaalu. Amubale akubandika lugwalo lwamu January 3, 2006, lwakazwa kuofesi lyamutabi lwakatuminwa mbungano zyoonse lujatikizya nzila mbotukonzya kugwasyigwa kuzwa kuli ba Hospital Liaison Committee (HLC) alimwi aba Patient Visitation Group (PVG).

Lwiimbo 45 amupailo wakujala.

Nsondo Iitalika mu February 6

Lwiimbo 74

10 min: Zyakwaambilizya zyambungano.

25 min: Kuzyiba Bbuku Lyesu Lipya Ilitugwasya Kuyiisya. Makani amubandi abaswiilizi. Amubalombe baswiilizi kuti baambe zibeela zyabbuku lya Bbaibbele Ncoliyiisya nzyobayanda, mbuli mibuzyo yantalisyo alimwi akabbokesi kakwiinduluka kapandulula twaambo tupati-pati twacibalo acimwi (mapeeji 106, 114), zitondezyo ziboneka (mapeeji 122-3, 147, 198), alimwi amakani aayungizyidwe (peeji 197, minc. 1-2). Kuyiisya kwabbuku eeli kulakulwaizya alimwi kulanjila kumoyo (peeji 11-12, munc. 12). Lilapa bupanduluzi buuba-uba kuteelela alimwi busalede (peeji 58, munc. 5) alimwi lilabelesya zikozyanyo (peeji 159-160, munc. 12). Majwi aantalisyo abambilidwe kutugwasya kutalisya ziiyo zya Bbaibbele (mapeeji 3-7). Amumutondezye sikwiiya Bbaibbele mupya mbuli mbokabelesyegwa kabbokesi kali apeeji 7. Amwaambe zyakuluula mukubelesya bbuku lipya izikkomanisya.

10 min: Bupainiya Bwakugwasyilizya Buleta Zilongezyo. (Tus. 10:22) Amubalombe aabo bakacita bupainiya bwakugwasyilizya mwaka wamana kuti baambe bubambe mbobakacitide kutegwa bacite oobo, alimwi alukkomano azilongezyo nzyobakajana. Amubakulwaizye boonse kuti balange-lange cakusinizya naa inga bakonzya kucita bupainiya bwakugwasyilizya mu March, April alimwi May.

Lwiimbo 16 amupailo wakujala.

Bupanduluzi buyungizidwe