Mulongo Wa Miswaangano Ya Mulimo
Nsondo Iitalika mu May 8
Lwiimbo 2
10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami. Kubelesya nzila zili apeeji 4 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya June 1 alimwi a Awake! ya May. Mucitondezyo cimwi, sikumwaya aabile Ngazi Yamulindizi ya May 1 a June 1 alimwi a Awake! ya May kumuntu ngwatolela mamagazini walo watakatambula Ngazi Yamulindizi ya May 1. Nomwaabila mamagazini aaya otatwe, amubandike buyo zili mumagazini yomwe. Basikumwaya balakonzya kutola mamagazini ciindi comwe naa zyobile amwezi kubantu mbobatolela mamagazini.
20 min: ‘Amunditobele.’* Mubufwaafwi, amubuzye-buzye sikumwaya uujisi citondezyo cibotu walo uusoleka kupona buumi buuba-uba alimwi uutayandisyi lubono kutegwa atole lubazu kapati mukutola ambele ziyandika zya Bwami akubelekela bamwi. Amuzyaambe zilongezyo nzyajana mukucita boobo.
15 min: Zyakuluula zyambungano. Amubalombe baswiilizi ikwaamba zilongezyo nzyobakajana mukutola lubazu kapati mumulimo mumwezi wa March a April. Amupandulule zyakacitwa mukutalisya ziiyo zya Bbaibbele alimwi akugwasya bapya kujanika ku Ciibalusyo. Cakuluula cikulwaizya comwe naa zyobile zilakonzya kwaambwa.
Lwiimbo 91 amupailo wakujala.
Nsondo Iitalika mu May 15
Lwiimbo 9
10 min: Zyakwaambilizya zyambungano. Amubakulwaizye boonse kweebelela vidiyo yakuti Noah—He Walked With God mukulibambila Muswaangano wa Mulimo wansondo iitalika mu May 29. Ooko vidiyo nkoitako, amubakulwaizye boonse kwiinduluka zibeela zyeelede zili mubbuku lya Mwiiyi alimwi a Ibbuku Lyangu Lyamakani Aa-Bbaibbele.
15 min: Kubeleka Calukamantano Katweendelezyegwa a Kristo. Makani kuzwa kukatwe kamakani kakuti “Ncocaamba Ikuzyiba Mulimo Wakwe” amapeeji 13-15 mubbuku lya Bakamantene Mukucita Kuyanda kwa Jehova.
20 min: “Kuyaka Maanda aa Bwami—Ncibeela Camulimo Uusetekene Iciyandika Kapati.”* Nomubandika muncali 2, amubuzye-buzye bamwi bakatola lubazu mukuyaka naa mukubambulula Maanda aa Bwami.
Lwiimbo 133 amupailo wakujala.
Nsondo Iitalika mu May 22
Lwiimbo 86
12 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa. Kubelesya nzila zili apeeji 4 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya June 1 alimwi a Awake! ya June. Ikuba nzila yakubelesya kucitondezyo, amutondezye mukwasyi kauli mukulibambila.
15 min: “Amubabikkile Maanu Ibamwi—Kwiinda Mukuba Basibuuya.”*
18 min: Ikuboneka Kabotu. Mubandi abaswiilizi kuzwa mubbuku lya Cikolo Camulimo, mapeeji 131-133. Amuzilange-lange njiisyo zyosanwe zyalo zyaamba mbotweelede kusama akulibamba. Amwaambe kuti tulakonzya kwaabelesya makani aaya cabupampu kutegwa tubagwasye mbotwiiyalimwi Bbaibbele kumvwisya mbobeelede kusama kabotu kumiswaangano yambungano.
Lwiimbo 215 amupailo wakujala.
Nsondo Iitalika mu May 29
Lwiimbo 42
10 min: Zyakwaambilizya zyambungano. Amubayeezye basikumwaya kuti bape malipooti aamulimo wamumuunda aamu May.
10 min: Amwaabile bbuku lya Mwiiyi mu June. Kubelesya nzila zili amapeeji 3-4 mu Mulimo Wesu wa Bwami wa January 2005 naa nzila zimwi zigwasya mucilawo canu, amutondezye mbolikonzya kwaabilwa bbuku lya Amwiiye Kumwiiyi Mupati. Ikuti ciindi kaciciliko, amubalombe baswiilizi kwaamba bubotu mbobajana mukubelesya bbuku eeli mumuunda naa kumukwasyi wabo.
25 min: “Cikozyanyo Kubana Akubapati.” Mwamana kwaamba majwi aantalisyo aatasiki kuminiti yomwe, amutalisye mubandi abaswiilizi wamibuzyo iijatikizya vidiyo ya Noah kwiinda mukubelesya mibuzyo yoonse iili mumuncali wabili. Mpoonya amubuzye mikwasyi ikwaamba mbobakagwasyigwa mukutola lubazu “Kucibeela Camibuzyo” yaambidwe mu DVD. Mwamana amuubandike mubuzyo alimwi amagwalo aali mumuncali watatu. Ooko vidiyo naa DVD nkoitako, amwiibandike abaswiilizi mibuzyo akubelesya kapati magwalo aabikkidwe. Bapati abana balakonzya kulombwa kwaamba mbobakagwasyigwa kuzikozyanyo alimwi azintu zimwi zigwasya kuyiisya izili mubbuku lya Mwiiyi alimwi a Ibbuku Lyangu Lyamakani Aa-Bbaibbele.
Lwiimbo 9 amupailo wakujala.
Nsondo Iitalika mu June 5
Lwiimbo 176
10 min: Zyakwaambilizya zyambungano.
15 min: Ziyandika zyambungano.
20 min: Mbomunga Mwazwidilila Kucita Nyendo Zyakupilukila. Mubandi abaswiilizi kuzwa kumakani aali mukabbokesi kali mu Ngazi Yamulindizi ya December 1, 2003 apeeji 14. Amuzilange-lange nzila zili ciloba imwi aimwi alimwi amubalombe baswiilizi kwaamba mbozikonzya kubelesyegwa mumbungano. Amubakulwaizye basikumwaya kupilukila kabajisi mbaakani yakutalisya ziiyo zya Bbaibbele kuli boonse batambula mabbuku naa batondezya luyandisisyo. Kubelesya imwi yanzila zili mu Mulimo Wesu wa Bwami wa January 2006 apeeji 6, amutondezye mbocikonzya kutalisyigwa ciiyo ca Bbaibbele nomupilukila.
Lwiimbo 57 amupailo wakujala.
* Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.