Mulongo Wa Miswaangano Ya Mulimo

Nsondo Iitalika mu August 14

Lwiimbo 163

15 min: Zyakwaambilizya zyambungano. Amubandike “Bubambe Bupya bwa Muswaangano Waalubazu.” Amwaambilizye buzuba nokuyooba muswaangano waalubazu uuccilila ikuti kamubuzi. Kubelesya nzila zili apeeji 4 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya September 1 alimwi a Awake! ya August. Mucitondezyo cimwi, amutondezye mbotukonzya kumwiingula cabupampu sikutyompya mubandi waamba kuti “Tandibayandi Bakamboni ba Jehova.”—Amubone bbuku lya Kukambitsirana mapeeji 17-18.

15 min: “Awake! Yaalubazu Iiyooabilwa mu September.”a Nomulanga-langa muncali 4, amube acitondezyo cifwaafwi kutondezya mukubusi waabila Awake! ya September kumwiiyi. (Ooko Awake! nkoitako, mubandi wakubuzya akwiingula wacibalo eeci ulakonzya kucitwa, nokuba boobo, mulakonzya kulanga-langa mabbuku aambi aakubelesya mukwaabila kwaalubazu ooko mbuli katulakiti 23 kakuti Jehova—Ino Nguni? alimwi abroshuwa yakuti Sena Kuli Mulimo Wabuumi? Bazyali balakonzya kukulwaizyigwa kwiinduluka abana babo cibalo catatu cabbuku lya Amwiiye ku Mwiiyi Mupati camutwe wakuti Ooyo Iwakalenga Zintu Zyoonse.)

15 min: Bulongwe Bwakucikolo—Ino Bweelede Kugolela Aali? Makani amubandi abaswiilizi kuzwa mu Ngazi Yamulindizi ya August 1 1997, mapeeji 17-18, mincali 15-18. Amubalombe baswiilizi aabo bakakomenena mumukwasyi wa Bunakristo kwaamba bazyali babo mbobakabayiisya kuliyumya mubuyumuyumu alimwi akubelesya njiisyo zyamu Bbaibbele kucikolo. Kaambo komwe naa tobile tulakonzya kulibambilwa kakucili ciindi.

Lwiimbo 164 amupailo wakujala.

Nsondo Iitalika mu August 21

Lwiimbo 62

10 min: Zyakwaambilizya zyambungano alimwi azyakwaambilizya zisalidwe kuzwa mu Mulimo Wesu wa Bwami. Amubandike “Bubambe Bupya bwa Muswaangano Wabbazu,” alimwi amwaambilizye mazuba aamuswaangano wabbazu uutobela ikuti kamwaazi.

15 min: Kugwasyigwa a Ciiyo ca Ngazi Yamulindizi Alimwi a Muswaangano Wabuleya. Makani amubandi abaswiilizi kuzwa mubbuku lya Bakamantene Mukucita Kuyanda kwa Jehova, peeji 59 kuyoosika kukatwe kamakani kali apeeji 64.

20 min: Amulibambile Lino Kucita Mulimo Wabupainiya Bwakugwasilizya! Mubandi abaswiilizi. Amubakulwaizye kulibikkila mbaakani yakucita bupainiya bwakugwasilizya ambweni kwamwezi omwe mumwaka wamulimo mupya. (1 Kor. 9:26) Ibamwi inga basala mwezi wamulimo waalubazu naa mwezi uujisi buzuba bwakulyookezya naa uujisi Nsondo zinji. Amubabuzye baswiilizi kuti: “Ino mwakaakoma buti mampindamangobe musyule oomu kutegwa mucite bupainiya bwakugwasilizya? Ino nimpindu nzi zijanwa mukucita bupainiya bwakugwasilizya? Ikuti kamulombozya kucita bupainiya pele kamuwayawaya, ino nkaambo nzi ncomweelede kwaapailila makani aaya? (Inc. 4:29; 2 Kor. 4:7; Jak. 1:⁠5) Alimwi ino nkaambo nzi ncocili kabotu kwaabandika makani aaya abamumukwasyi alimwi abamwi mumbungano, ikapati aabo balombozya kucita bupainiya bwakugwasilizya? (Tus. 15:22) Ino ndilili nomukanza kucita bupainiya bwakugwasilizya?”

Lwiimbo 216 amupailo wakujala.

Nsondo Iitalika mu August 28

Lwiimbo 17

10 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa. Amubayeezye basikumwaya kuti bape malipooti aamulimo wamumuunda aamu August. Kubelesya nzila zili apeeji 4 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya September 1 alimwi a Awake! ya September nomupilukila kubantu mbomutolela mamagazini lyoonse.

15 min: Mulakonzya Kuba Bantu Bakulwaizya. (Rom. 1:11, 12) Makani amubandi abaswiilizi. Amwaambe mweelwe wabapainiya baciindi coonse ibali mumbungano. Amwaambe mbazu motukonzya kubakulwaizya, mbuli kubalumbaizya, kubandika zijatikizya zilongezyo zyamulimo wabupainiya, kubeleka ambabo mumulimo, kubatamba kuli cakulya alimwi akubagwasya kuli zyakweendela. Amubalombe bapainiya baciindi coonse kwaamba mbobakakulwaizyigwa abamwi. Ikuti mbungano kaitajisi bapainiya baciindi coonse, amubandike mbotukonzya kubakulwaizya aabo bacita bupainiya bwakugwasilizya.

20 min: Amulibikkile Mbaakani Yakutalisya Ciiyo ca Bbaibbele mu September. Makani alimwi azitondezyo. Mu September tuyoosolekesya kutalisya ziiyo zya Bbaibbele mukuswaya kwakusaanguna kwiinda mukubelesya bbuku lya Bbaibbele Ncoliyiisya. Eeci cipandulula kuti ciindi notwaabila bbuku, tuyoosolekesya kubandika mincali misyoonto auuli aŋanda. Kubelesya twaambo tugwasya mucilawo cambungano, amube azitondezyo zyobile. Mucitondezyo acimwi, amutondezye mbotukonzya kupanga bubambe bwini-bwini bwakuyoopilukila akuyoozumanana amubandi.

Lwiimbo 37 amupailo wakujala.

Nsondo Iitalika mu September 4

Lwiimbo 90

10 min: Zyakwaambilizya zyambungano. Amulange-lange lipooti yamulimo yamu Zambia. Amwiilumbaizye mbungano akaambo kakutola lubazu kwalo kwapa kuti kube mweelwe uukkomanisya.

15 min: Ziyandika zyambungano.

20 min: “Amubabikkile Maanu Ibamwi—Kwiinda Mukukambauka Cakutasalulula.”b Nomubandika lugwalo lwa Ba-Roma 1:14, lubikkidwe kumamanino kwamuncali 2, amubikkilizye atwaambo tufwaafwi kuzwa mubbuku 1 lya Insight, peeji 255, muncali wakusaanguna kukatwe kamakani kakuti “Barbarian.” Mwamana kubandika muncali 3, amuziinduluke ntaamu zyotatwe zyaambidwe apeeji 2 mukabbuku ka Good News for People of All Nations, alimwi amutondezye mbokubelesyegwa kabbuku aaka kubantu bali mucilawo cambungano baambaula mwaambo uumbi.

Lwiimbo 225 amupailo wakujala.

Bupanduluzi buyungizidwe