Mulongo Wa Miswaangano Ya Mulimo

Nsondo Iitalika mu November 13

Lwiimbo 152

10 min: Zyakwaambilizya zyambungano. Kubelesya nzila zili apeeji 8 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya December 1 alimwi a Awake! ya November. Mucitondezyo cimwi, amutondezye mbotukonzya kumwiingula cabupampu sikutyompya mubandi waamba kuti “Ndilizizi kale zyoonse nzyomukambauka.”—Amubone bbuku lya Kukambitsirana, p. 20.

20 min: Babelesi Bamakani Mabotu. Makani amubandi abaswiilizi kuzwa mubbuku lya Bakamantene Mukucita Kuyanda kwa Jehova, peeji 77 kuyoosika kukatwe kamakani kali apeeji 83.

15 min: “Basicamba, Pele Basiluumuno.”a Amubikkilizye atwaambo tuli mubbuku lya Cikolo Camulimo, mapeeji 252-253, kuzwa kukatwe kamakani kalembedwe mumabala aacengeme kakuti “Nokuyandika Kulibombya.”

Lwiimbo 39 amupailo wakujala.

Nsondo Iitalika mu November 20

Lwiimbo 132

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami.

15 min: Ziyandika zyambungano.

20 min: Kwaabila Bbuku lya Muntu Mupati mu December. Mubandi abaswiilizi. Amubalombe baswiilizi kwaamba nzyobakkomanina kujatikizya bbuku lya Muntu Mupati alimwi azyakuluula zikulwaizya nzyobakacitikilwa mukwaabila bbuku eeli musyule oomu. Amuziinduluke nzila zyacitondezyo zili apepa lyamukati lya Mulimo Wesu wa Bwami wa January 2005. Amutondezye mbolikonzya kwaabilwa bbuku eeli kwiinda mukubelesya yomwe yanzila zyacitondezyo naa nzila imwi iikonzya kubeleka kabotu mucilawo cambungano.

Lwiimbo 203 amupailo wakujala.

Nsondo Iitalika mu November 27

Lwiimbo 111

5 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa.

10 min: Ipulogilamu Yakuyaka Maanda aa Bwami Yayaambele. Makani akananwe amwaalu kuzwa mu Mulimo Wesu wa Bwami wa September 2002, mapeeji 3-6.

15 min: “Mbomukonzya Kulibambila Mbomunga Mwaabila Magazini.”b Amubikkilizye acitondezyo camaminiti otatwe cabasikumwaya bobile, ambweni mulumi amukaintu wakwe, kabasala nzila yakwaabila mamagazini aa December iibikkidwe apeeji 8 alimwi akubona mbobakonzya kuyooibelesya akuyaamba mumajwi aabo. Mpoonya, kubelesya twaambo tuli mucibalo cazwa akubandikwa, balibambila alimwi akutondezya mbobanga babandika cibalo cimwi ncobabona kuti cilagwasya kapati mucilawo cabo.

15 min: “Ino Mbuti Mbondikonzya Kusala Kujatikizya Tubeela Twabulowa Alimwi Abusilisi Bujatikizya Kubelesya Bulowa Bwangu Kundigama?”c Mubandi wakubuzya akwiingula alimwi acitondezyo. Mwaalu uupedwe cibeela eeci weelede kulitobela kabotu-kabotu pepa lyakapegwa kuzwa kumutabi.

Lwiimbo 120 amupailo wakujala.

Nsondo Iitalika mu December 4

Lwiimbo 155

10 min: Zyakwaambilizya zyambungano. Amubayeezye basikumwaya kuti bape malipooti aamulimo wamumuunda aamu November.

15 min: “Tuyooiya Bbuku lya Lukkomano Mumukwasyi.” Makani amubandi wacibalo cikankaizya kuyandika alimwi abubotu bwatwaambo ootu lino. Amubakulwaizye boonse kugwasyilizya kapati kububambe bwa Ciiyo Cabbuku Cambungano akutamba baabo bajisi luyandisisyo kunoojanika lyoonse.

20 min: Amubelesye Bbaibbele Nomupa Bwiinguzi. Mubandi abaswiilizi kuzwa mu Ngazi Yamulindizi ya September 1, 2002, mapeeji 13-14, akatwe kamakani kakuti “Kutondezya Luyando Kubwini Mbotuyiisya.” Amubalombe baswiilizi kupa twaambo kumubuzyo aumwi. Amube acitondezyo casikumwaya uubelesya Ngazi Yamulindizi ya August 1, 2002, peeji 18, muncali 8 kupa bwiinguzi bwamu Magwalo kumubelesinyina uubuzya kuti, “Ino nkaambo nzi ncomutasekeleli Kkilisimasi?”

Lwiimbo 168 amupailo wakujala.

Bupanduluzi buyungizidwe