Mulongo Wa Miswaangano Ya Mulimo

Nsondo Iitalika mu August 11

Lwiimbo 63

10 min: Zyakwaambilizya zyambungano. Amubalombe baswiilizi kuti baambe zibalo zili mumagazini mapya nzibakabona kuti inga ziyoobakkomanisya bantu bamucilawo canu. Amubalombe baswiilizi kuti baambe twaambo tuli muzibalo nzyobayanda kuyoobelesya. Ino mmubuzyo nzi uukonzya kubuzyigwa kutegwa batalisye mubandi? Ino ndugwalo nzi iluli mucibalo lukonzya kubalwa? Amucite bubambe bwazitondezyo ikutondezya mbozikonzya kubelesyegwa nzila zyaambwa abaswiilizi.

15 min: Amucite Nzyayanda Leza—Kakunyina Kunyonganyizyigwa. Makani aazwa mubbuku lya “Amubaa Cilongwe a Jehova,” mapeeji 211-213, mincali 4-8.

20 min: “Sena Mulaibelesya Kabotu?”a Amubuzye-buzye sikumwaya uujisi cakuluula ncaakajana ciindi naakabelesya cimwi cazibeela zipya zyamu Ngazi Yamulindizi yakubuleya. Icakuluula eeco inga catondezyegwa mbuli mbocakacitika. Alimwi mumuncali wabili amutondezye mbocikonzya kutalisyigwa ciiyo kwiinda mukubelesya cibalo cakuti, “Nzyotwiiya Kuli Jesu,” mu Ngazi Yamulindizi ya Oct.–Dec.

Lwiimbo 26

Nsondo Iitalika mu August 18

Lwiimbo 135

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami. Amubandike “Bubambe Bupya bwa Muswaangano Wabbazu.” Amwaambe buzuba nuuyooba muswaangano wabbazu uuccilila ikuti naa mulibuzyi. Amubayeezye baswiilizi kuti bakaletelezye Ngazi Yamulindizi ya July–September alimwi a Sinsimuka! ya July–September ku Muswaangano wa Mulimo nsondo iiboola akulibambila kubandika nzila zigwasya nzyobayanda kuyoobelesya.

20 min: Kusama Kwesu Alimwi Ambotulibamba Zilamulemeka Jehova. Akananwe amwaalu. Mbwaanga Jehova ngu Leza uusetekene, ibantu bakwe balabubikkila kapati maanu bulondo. (Kul. 30:17-21; 40:30-32) Kwiinda mucikozyanyo cesu cakusama kabotu alimwi akulibamba, ikapati notuli mumulimo, tulamukkomanisya Jehova alimwi akupa kuti alemekwe. (1 Pet. 2:12) Kulubazu lumwi, ikuti twaalilwa kucita oobu tulakonzya kupa kuti ‘makani aa Leza asampaulwe.’ (Tit. 2:5) Amuluule zyakuluula zyakubusena ooko naanka zyakamwaigwa zitondezya kusama alimwi akulibamba kabotu kwasikumwaya umwi mbozyakapa bumboni.

15 min: Bakubusi Ibapa Bumboni. Makani aakukulwaizya bazyali abana babo. Amubayeezye bakubusi kuti kababelesya ciindi cili coonse ikupa bumboni. Ikuti ciindi kaciciliko, amubape ciindi baswiilizi cakuluula zyakabacitikila nobakali kupa bumboni kucikolo.

Lwiimbo 61

Nsondo Iitalika mu August 25

Lwiimbo 24

15 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa. Amubandike “Bubambe Bupya bwa Muswaangano Waalubazu,” alimwi amwaambe buzuba nuuyooba muswaangano uuccilila ikuti naa mulibuzyi.

15 min: Ziyandika zyambungano.

15 min: Amulibambile Kwaabila Ngazi Yamulindizi ya July–September alimwi a Sinsimuka! ya July–September. Mubandi abaswiilizi. Amupandulule mubufwaafwi zili mumagazini alimwi amubabuzye baswiilizi zibalo zikonzya kukkomanisya bantu mucilawo. Ino mmubuzyo nzi alugwalo izikonzya kubelesyegwa mukutalisya mubandi? Amutondezye mbozikonzya kubelesyegwa nzila zili mu Mulimo Wesu wa Bwami. Mwaalu omwe ape citondezyo cifwaafwi kuzwa mucibalo ncaalibambila kubelesya iceelela mucilawo.

Lwiimbo 196

Nsondo Iitalika mu September 1

Lwiimbo 112

10 min: Zyakwaambilizya zyambungano. Amubayeezye basikumwaya kuti bape malipooti aamulimo wamumuunda aamu August.

20 min: Balizandwidwe Pele Tabalubwi pe. Makani aazwa mu Ngazi Yamulindizi ya April 15, 2008, mapeeji 25-28. Amwaambe kufwumbwa Banakristo bali mumaanda mobalanganya bacembeede. Ikuti kakunyina bantu baliboobu, amubelesye njiisyo eezyi kukulwaizya mbungano kuti igwasye kufwumbwa baciswa naanka batacikonzyi kutola lubazu muzyintu zicitwa mumbungano.

15 min: Amutalisye Ciiyo ca Bbaibbele Mulweendo Lwakusaanguna Mumwezi wa September. Mubandi abaswiilizi. Mumwezi wa September tuya kwaabila bbuku lya Bbaibbele Ncoliyiisya akusola kubandika mincali misyoonto abamukamwini ŋanda mukuswaya kwakusaanguna. Amwiinduluke kulanga nzila zili mupepa lyamukati mu Mulimo Wesu wa Bwami wa January 2006, mwamana amube acitondezyo comwe naa zyobile ikutondezya mbomukonzya kutalisya ciiyo ca Bbaibbele mulweendo lwakusaanguna.

Lwiimbo 74

Bupanduluzi buyungizidwe