Mulongo Wamakani Wamu 2010 Mucikolo Camulimo Weendelezyegwa A Leza

MALAILILE

Mumwaka wa 2010, kuyooccililwa bubambe oobu mukweendelezya Cikolo Camulimo Weendelezyegwa a Leza.

KUZWA MAKANI: Ibbaibbele [bi] alimwi abbuku lya ‘Amuliyobole Muluyando lwa Leza’ [lv].

Cikolo ceelede kutalika aciindi ceelede amajwi aakutambula baswiilizi mpoonya muzumanane mbuli mbokulembedwe aansi aawa. Camana cibeela acimwi, mulangizi wacikolo uyakwaamba cibeela ciccilila.

KUNOMOONA TWAAMBO TUGWASYA TWAKAZWA MUKUBALA BBAIBBELE: Maminiti aali 10. Mumaminiti aakusaanguna one, mwaalu uusimide naa mukutausi weelede kulanga-langa twaambo twamu Magwalo tuzwa mukubala kwa Bbaibbele kwansondo ansondo. Kwiindana aceeci caambwa waawa, kuyooba ciindi kubala Bbaibbele kwansondo ansondo nokutalikila acaandaano cakusaanguna cabbuku lyamu Bbaibbele. Muziindi zili boobuya, twaambo tweelede kubandikwa mumaminiti aakusaanguna one tweelede kugwisigwa mucibalo camu Ngazi Yamulindizi cakuti “Ijwi lya Jehova Lili Abuumi” calo cijisi twaambo tujatikizya bbuku lyamu Bbaibbele eelyo. Mucikozyanyo, zyaandaano zyakusaanguna zyosanwe zyabbuku lya Matalikilo ziyoolangwa-langwa munsondo ya January 5, aboobo mwaambi weelede kusala twaambo tusyoonto tuyandika tuzwa mu Ngazi Yamulindizi mucibalo cakuti “Ijwi lya Jehova Lili Abuumi” cijisi twaambo twabbuku lya Matalikilo. Weelede kutondezya mbotugwasya twaambo kumbungano. Tacikwe makani naa ubandika twaambo tuzwa mukubala Bbaibbele kwansondo ansondo naa twaambo tuzwa mu Ngazi Yamulindizi mucibalo cakuti “Ijwi lya Jehova Lili Abuumi,” makanze ayelede kuba aakugwasya baswiilizi kumvwisya kaambo alimwi ambwaagwasya makani. Mwaambi weelede kubona kuti taindilizyi kumaminiti aali one aabikkidwe kucibeela citaanzi. Weelede kubona kuti maminiti aali cisambomwe abikkwa ambali kutegwa baswiilizi baambe mubufwaafwi kwatuvwaluvwalu tuli 30 naa kutasika aawo kujatikizya makani ngobakaiya mukubala kwa Bbaibbele kwansondo ansondo. Mpoonya mulangizi wacikolo uyoolailila basicikolo kuti bamwaike kuya muzikolo zyaandeene-andeene.

MAKANI NA. 1: Maminiti aali 4 naa kutasika aawo. Aaya mmakani aakubala aayelede kucitwa amukwesu. Sicikolo weelede kubala makani ngapedwe kakunyina kupa makani aantalisyo naa aamamanino. Mulangizi wacikolo uyoobikkila kapati maanu kugwasya sicikolo kubala cakumvwika, kubala kabotu, ikukankaizya mabala bweelede, kucinca-cinca jwi, ikwiima mweelede alimwi akubala cakulikwaya.

MAKANI NA. 2: Maminiti aali 5. Ayoopegwa mucizyi. Sicikolo uuyoopegwa cibeela eeci uyoosala mbwayelede kwaabandika makani naa uyoopegwa nzila yomwe akati kazyeezyo zili mumulongo apeeji 82 mubbuku lya Amugwasyigwe Alwiiyo Lujanwa mu Cikolo Camulimo Weendelezyegwa a Leza. Sicikolo weelede kubelesya mutwe wamakani ngwapedwe akutondezya mboukonzya kubelesyegwa kucibeela cimwi camulimo wamumuunda icikonzya kubelesyegwa kabotu mucilawo cambungano. Ikuti kakunyina bbuku lipedwe litondezya nkwaayelede kuzwa makani, sicikolo weelede kujana makani aayandika kwiinda mukuvwuntauzya mumabbuku eesu. Mulangizi wacikolo uyoobikkila kapati maanu mbuli mbwaya kwaabandika makani sicikolo, mbwayoogwasya mukamwini ŋanda kumvwisya Magwalo atwaambo tupati-pati ituli mumakani. Mulangizi wacikolo uyoopa mugwasyi omwe.

MAKANI NA. 3: Maminiti aali 5. Ayoopegwa mukwesu naa mucizyi. Sicikolo weelede kubandika makani kweelana amutwe ngwapedwe. Ikuti kakunyina bbuku lipedwe litondezya nkwaayelede kuzwa makani, sicikolo weelede kujana makani aayandika kwiinda mukuvwuntauzya mumabbuku eesu. Makani naapegwa kumukwesu, cibeela eeci ceelede kubandikwa kaali makani abandikilwa baswiilizi ibali mu Ŋanda ya Bwami. Naapegwa kumucizyi, ayelede kukananwa mbuli bwapandululwa Makani Na. 2. Amubone kuti makani aajisi citondezyo eeci a atala ayelede kupegwa kumukwesu walo uuyakwaakanana kaali makani, ikuti kakuli baalu abakutausi banji mumbungano yanu, bayelede kubelesyegwa.

LULAYO: Miniti yomwe kusikila kuli obile. Mulangizi wacikolo takaambilizyili limwi cibeela cakukanana sicikolo mpalangwa-langwa. Amana Makani Na. 1, 2 alimwi a 3, mulangizi wacikolo uyoolumbaizya sicikolo kwiinda mukwaamba twaambo tugwasya ntwaabona kuti wacita kabotu acibeela camakani cimwi, ikwaamba twaambo tugaminide twapa kuti aambe kuti cibeela eeco cabandikwa kabotu alimwi kanji-kanji akwaamba zili mubbuku lya Cikolo Camulimo. Kweelana akulezya kwasicikolo aumwi, lulayo lumbi lugwasya lulakonzya kupegwa kumbali yamana miswaangano naa aciindi cimbi.

CIINDI: Kunyina makani aayelede kwiindilila aciindi cipedwe, noluba lulayo lupegwa asikupa lulayo. Ikuti cakkwana ciindi, aabo babandika Makani Na. 1, Na. 2, a Na. 3 beelede kwiimikwa munzila yabupampu. Ikuti bakwesu bakanana makani aakunomoona twaambo tugwasya tuzwa mukubala Bbaibbele baindilizya ciindi, beelede kupegwa lulayo lwakumbali. Boonse beelede kubikkila maanu kuciindi ncobapedwe. Muswaangano woonse weelede kutola maminiti aali 30.

FOOMU YALULAYO: Ili mubbuku lya Cikolo Camulimo.

SIKUGWASYILIZYA KUPA LULAYO: Kabunga kabaalu kalakonzya kusala mwaalu uusimide, ikuti kakuli umwi uuliko kunze lyamulangizi wacikolo, akumupa mukuli wakuba sikugwasyilizya kupa lulayo. Ikuti kakuli baalu banji mumbungano, mwaalu aumwi uusimide ulakonzya kulanganya mukuli ooyu kwamwaka woonse. Mulimo wakwe ngwakupa lulayo lwakumbali, ikuti kakuyandika, kubakwesu ibakanana cibeela cakunomoona twaambo tugwasya tuzwa muzibalo zya Bbaibbele. Takuyandiki pe kuti kapa lulayo amana makani aamwi aali boobo aapegwa abaalunyina naa bakutausi.

KWIINDULUKA ZYAKABANDIKWA MUCIKOLO CAMULIMO WEENDELEZYEGWA A LEZA: Maminiti aali 20. Kwainda myezi yobile, mulangizi wacikolo unooyendelezya kwiinduluka. Kunoocitwa kwamana kulangwa-langwa kunomoona twaambo tugwasya mukubala Bbaibbele kweelana ambokutondezyedwe atala aawa. Kwiinduluka kuyoozwa mumakani aakalangwa-langwa mucikolo mumyezi yobile yainda kubikkilizya ansondo eeyo nokucitwa. Ikuti mbungano yanu kaijisi muswaangano wabbazu naa kaiswaidwe mulangizi wabbazu munsondo ya Kwiinduluka Zyakabandikwa Mucikolo Camulimo Weendelezyegwa a Leza, nkokuti kwiinduluka ooku kweelede kutolwa kunsondo iitobela pele Makani Na. 1, Na. 2, alimwi a Na. 3 aansondo eeyo iitobela, ngaayelede kubelesyegwa. Kunyina kucinca kuli koonse kweelede kucitwa kumulongo wakubala Bbaibbele kwansondo ansondo naa mboceelede kucitwa cibeela cakunomoona twaambo tugwasya twakazwa mukubala Bbaibbele.

MULONGO

Jan. 4 Kubala Bbaibbele: Joshua 16-20

Na. 1: Joshua 17:1-10

Na. 2: “Oku Nkokuyanda Leza“ (lv cibalo 1 ¶1-6)

Na. 3: bNkaambo nzi “Kudooneka” Ncokutakonzyi Kumukkomanisya Leza? (1 Bam. 18:21, BT)

Jan. 11 Kubala Bbaibbele: Joshua 21-24

Na. 1: Joshua 24:1-13

Na. 2: Sena Leza Talanganyi Alimwi Muyumu Moyo?

Na. 3: ‘Tulabamba Milazyo Yakwe’ (lv cibalo 1 ¶7-12)

Jan. 18 Kubala Bbaibbele: Babetesi 1–4

Na. 1: Babetesi 2:11-23

Na. 2: “Milazyo Yakwe Tiili Miyumu” (lv cibalo 1 ¶13-18)

Na. 3: Leza Tali Nguwe Iwakamulenga Diabolosi

Jan. 25 Kubala Bbaibbele: Babetesi 5–7

Na. 1: Babetesi 7:1-11

Na. 2: Mbuti Mbotukonzya Kumuzyiba “Sikuvuula Mupati” Waambidwe mu Ciyubunuzyo 17:1?

Na. 3: Mbuti Mbomukonzya Kuba Amanjezyeezya Mabotu? (lv cibalo 2 ¶1–7)

Feb. 1 Kubala Bbaibbele: Babetesi 8-10

Na. 1: Babetesi 8:1-12

Na. 2: Mbotukonzya Kuyiisya Manjezyeezya (lv cibalo 2 ¶8–11)

Na. 3: Ino Ikuzyiba Bwini Kujatikizya Lufwu Inga Kwatugwasya Buti?

Feb. 8 Kubala Bbaibbele: Babetesi 11-14

Na. 1: Babetesi 13:1-14

Na. 2: Ino Ncinzi Ncotukonzya Kwiiya Kumajwi Ngaakaamba Jesu Kulugwalo lwa Luka 16:9-13?

Na. 3: Nkaambo Nzi Ncotweelede Kwaabikkila Maano Manjezyeezya Aabamwi? (lv cibalo 2 ¶12-16)

Feb. 15 Kubala Bbaibbele: Babetesi 15-18

Na. 1: Babetesi 16:1-12

Na. 2: Mbotukonzya Kulongezyegwa Ikuti Katujisi Manjezyeezya Mabotu (lv cibalo 2 ¶17-21)

Na. 3: Jesu Ncaakamwaambila Kuti Diabolosi ngo “Wisi Wababeja” (Joh. 8:44)

Feb. 22 Kubala Bbaibbele: Babetesi 19-21

Kwiinduluka Kwamu Cikolo Camulimo Weendelezyegwa a Leza

Mar. 1 Kubala Bbaibbele: Rute 1-4

Na. 1: Rute 3:1-13

Na. 2: Ikuba Alubomba Mbokutugwasya (Mt. 5:7)

Na. 3: Mbotweelede Kumubona Muntu Uugusyidwe Mumbungano (lv makani aayungizyidwe 207-209)

Mar. 8 Kubala Bbaibbele: 1 Samuele 1-4

Na. 1: 1 Samuele 2:18-29

Na. 2: Amubayande Aabo Leza Mbayanda (lv cibalo 3 ¶1-7)

Na. 3: Imagwalo Alatondezya Jehova Mbwabayanda Bana

Mar. 15 Kubala Bbaibbele: 1 Samuele 5-9

Na. 1: 1 Samuele 6:1-9

Na. 2: Ino Mbuti Mbotukonzya Kulikwabilila Kuli Saatani a Madaimona Aakwe?

Na. 3: Kwiiya Kucikozyanyo Camu Bbaibbele (lv cibalo 3 ¶8-11)

Mar. 22 Kubala Bbaibbele: 1 Samuele 10-13

Na. 1: 1 Samuele 10:17-27

Na. 2: Mbotukonzya Kusala Balongwe (lv cibalo 3 ¶12-15)

Na. 3: Ikusanduka Ncokutayendelani Ancoliyiisya Bbaibbele

Mar. 29 Kubala Bbaibbele: 1 Samuele 14-15

Na. 1: 1 Samuele 14:24-35

Na. 2: Mbotukonzya kuba Acilongwe a Jehova (Jak. 4:8)

Na. 3: Nokuli Mapenzi (lv cibalo 3 ¶16-18)

Apr. 5 Kubala Bbaibbele: 1 Samuele 16-18

Na. 1: 1 Samuele 18:1-16

Na. 2: Notweelede Kucileka Kuyanzana Amuntu (lv cibalo 3 ¶19-21)

Na. 3: c Nkaambo Nzi Ncotweelede Kusamausya Beenzu? (Rom. 12:13)

Apr. 12 Kubala Bbaibbele: 1 Samuele 19-22

Na. 1: 1 Samuele 21:1-9

Na. 2: Ino Mbuti Mbotweelede Kuzyibona Zyintu Jehova Nzyasulide? (Tus. 6:16-19)

Na. 3: Nkaambo Nzi Ncotweelede Kubulemeka Bweendelezi? (lv cibalo 4 ¶1-5)

Apr. 19 Kubala Bbaibbele: 1 Samuele 23-25

Na. 1: 1 Samuele 23:1-12

Na. 2: Nkaambo Nzi Ncotweelede Kulemeka Bweendelezi? (lv cibalo 4 ¶ 6-11)

Na. 3: Ikuba Baabi Mbokugwasya (Tus. 11:25)

Apr. 26 Kubala Bbaibbele: 1 Samuele 26-31

Kwiinduluka Kwamu Cikolo Camulimo Weendelezyegwa a Leza

May 3 Kubala Bbaibbele: 2 Samuele 1-3

Na. 1: 2 Samuele 2:12-23

Na. 2: Sena Jesu Wakali kulibelesya Zyina Lya Leza Mumulimo?

Na. 3: Mbotukonzya Kutondezya Bulemu Mumukwasyi (lv cibalo 4 ¶12-14)

May 10 Kubala Bbaibbele: 2 Samuele 4-8

Na. 1: 2 Samuele 6:1-13

Na. 2: Mbotukonzya Kutondezya Bulemu Mumbungano (lv cibalo 4 ¶15-17)

Na. 3: d Bulyato Ncobuli Kukomba Mituni (Ef. 5:5)

May 17 Kubala Bbaibbele: 2 Samuele 9-12

Na. 1: 2 Samuele 10:1-12

Na. 2: Nkaambo nzi Jesu Ncaakali Kubelesya Magwalo Naakali kuyiisya? (Joh. 7:16-18)

Na. 3: Mbotukonzya Kutondezya Bulemu Kubeendelezi Banyika (lv cibalo 4¶18-21)

May 24 Kubala Bbaibbele: 2 Samuele 13-15

Na. 1: 2 Samuele 13:23-33

Na. 2: “Swiilila Lulayo Akutambula Lwiiyo” (lv cibalo 4, kabbokesi kali apeeji 46-47)

Na. 3: e Ncotuteelede Kunjililila Kapati Muzyintu Zyamunyika (1 Kor. 7:31)

May 31 Kubala Bbaibbele: 2 Samuele 16-18

Na. 1: 2 Samuele 17:1-13

Na. 2: Jesu Ncaambwa Kuti ngu ‘Mwami wa Sabata’ (Mt. 12:8)

Na. 3: “Kamubaswiilila Baalu Banu” (lv cibalo 4, kabbokesi kali apeeji 48-49)

June 7 Kubala Bbaibbele: 2 Samuele 19-21

Na. 1: 2 Samuele 19:11-23

Na. 2: Ndilili Nokuyandika Kusama Citambala Alimwi Nkaambo Nzi? (lv makani aayungizyidwe 209-212)

Na. 3: Saatani Mbwapa Kuti Bantu Batakazyibi Kasimpe (2 Kor. 4:4)

June 14 Kubala Bbaibbele: 2 Samuele 22-24

Na. 1: 2 Samuele 22:1-20

Na. 2: Ino Mbuti Mulawo Mbowakali Mbuli Simalelo? (Gal. 3:24)

Na. 3: Mbomukonzya Kulyaandaanya Kunyika (lv cibalo 5 ¶1-6)

June 21 Kubala Bbaibbele: 1 Bami 1-2

Na. 1: 1 Bami 1:1-14

Na. 2: Kukaka ‘Muuya Wanyika’ (lv cibalo 5 ¶7-10)

Na. 3: Nkaambo nzi Ncocili Kabotu Kumumvwida Leza Muzyintu Zyoonse?

June 28 Kubala Bbaibbele: 1 Bami 3-6

Kwiinduluka Kwamu Cikolo Camulimo Weendelezyegwa a Leza

July 5 Kubala Bbaibbele: 1 Bami 7-8

Na. 1: 1 Bami 8:14-26

Na. 2: Nkaambo nzi Ncotucenjezyegwa Kutaba Basongo Mumeso Eesu Tobeni? (Is. 5:21)

Na. 3: Kulibamba Akusama Kabotu (lv cibalo 5 ¶11-15)

July 12 Kubala Bbaibbele: 1 Bami 9-11

Na. 1: 1 Bami 9:10-23

Na. 2: Kuba Aliso ‘Lyabuuya’ (lv cibalo 5 ¶16, 17)

Na. 3: Banakristo Bakasimpe Mbobatondezya Busongo Buzwa Kujulu (Jak. 3:17)

July 19 Kubala Bbaibbele: 1 Bami 12-14

Na. 1: 1 Bami 12:12-20

Na. 2: Ncinzi Cikonzya Kutugwasya Kubona Bakwesu Mbuli Mbwababona Jehova?

Na. 3: Kusama “Zilwanyo Zyoonse” (lv cibalo 5 ¶18-21)

July 26 Kubala Bbaibbele: 1 Bami 15-17

Na. 1: 1 Bami 15:1-15

Na. 2: f Amulibambile Kwiiminina Lusyomo Lwanu (lv cibalo 5 ¶22, 23)

Na. 3: Ncoiyandika Amagedoni

Aug. 2 Kubala Bbaibbele: 1 Bami 18-20

Na. 1: 1 Bami 18:21-29

Na. 2: Ino Mbuti Ijulu a Nyika Mbozyiya Kumana? (Ciy. 21:1)

Na. 3: g Kulemeka Ndembela, Kuvwoota Amilimo Iitali Yabusikalumamba (lv makani aayungizyidwe 212-215)

Aug. 9 Kubala Bbaibbele: 1 Bami 21-22

Na. 1: 1 Bami 22:1-12

Na. 2: Mbomukonzya Kusala Zyakulikondelezya Zibotu (lv cibalo 6 ¶1-7)

Na. 3: Ino Ncinzi Ncotwiiya Kuli Eliya Kujatikizya Mupailo? (Jak. 5:18)

Aug. 16 Kubala Bbaibbele: 2 Bami 1-4

Na. 1: 2 Bami 1:1-10

Na. 2: Lubono Ncolutakonzyi Kutupa Kukkomana Lyoonse (Muk. 5:10)

Na. 3: ‘Amusesemwe Bubi’ (lv cibalo 6 ¶8-11)

Aug. 23 Kubala Bbaibbele: 2 Bami 5-8

Na. 1: 2 Bami 6:8-19

Na. 2: Kusala Kweelana Anjiisyo Zyamu Bbaibbele (lv cibalo 6 ¶12-15)

Na. 3: h Ino Mbuti Zisusi Zyakumubili Mbozyikonzya Kuba leza? (Flp. 3:18, 19)

Aug. 30 Kubala Bbaibbele: 2 Bami 9-11

Kwiinduluka Kwamu Cikolo Camulimo Weendelezyegwa a Leza

Sept. 6 Kubala Bbaibbele: 2 Bami 12-15

Na. 1: 2 Bami 13:1-11

Na. 2: Mbotukonzya Kuba a Muuya Uusalala

Na. 3: “Kufumbwa Zintu Zisalala” (lv cibalo 6 ¶16-19)

Sept. 13 Kubala Bbaibbele: 2 Bami 16-18

Na. 1: 2 Bami 17:1-11

Na. 2: Amubabikkile Maano Bamwi (lv cibalo 6 ¶20-23)

Na. 3: Sena Bbaibbele Litwaambila Kuti Katwiide Kumusyoma Leza Katutazyi Ancotucitila Oobo?

Sept. 20 Kubala Bbaibbele: 2 Bami 19-22

Na. 1: 2 Bami 20:1-11

Na. 2: Nkaambo nzi Ncotweelede Kuba Babombe Myoyo? (Mt. 5:5)

Na. 3: Sena Buumi Mububona Mbwabubona Leza? (lv cibalo 7 ¶1, 2)

Sept. 27 Kubala Bbaibbele: 2 Bami 23-25

Na. 1: 2 Bami 23:1-7

Na. 2: Buumi Abulowa Zilisetekene (lv cibalo 7 ¶3-9)

Na. 3: Ino Mbuti Banakristo Bakasimpe Mbobakonzya Kumunika Mumuni Wabo? (Mt. 5:14-16)

Oct. 4 Kubala Bbaibbele: 1 Makani 1-4

Na. 1: 1 Makani 1:1-27

Na. 2: Ncocaamba Kuba Muluumuno Abantu Boonse (1 Pet. 3:10-12)

Na. 3: Kubelesya Bulowa Mubusilisi (lv cibalo 7 ¶10-12)

Oct. 11 Kubala Bbaibbele: 1 Makani 5-7

Na. 1: 1 Makani 6:31-47

Na. 2: Milawo ya Jehova Itondezya Kuti Ulatuyanda (lv cibalo 7 ¶13-17)

Na. 3: Ino Mbuti Bantu Batalondokede Mbobakonzya Kusalala? (1 Pet. 1:16)

Oct. 18 Kubala Bbaibbele: 1 Makani 8-11

Na. 1: 1 Makani 11:1-14

Na. 2: Ino Muuya a Nabwiinga Baamba Buti Kuti ‘Boola’? (Ciy. 22:17)

Na. 3: Mutabi Alusulo (lv cibalo 7 ¶18, 19)

Oct. 25 Kubala Bbaibbele: 1 Makani 12-15

Kwiinduluka Kwamu Cikolo Camulimo Weendelezyegwa a Leza

Nov. 1 Kubala Bbaibbele: 1 Makani 16-20

Na. 1: 1 Makani 17:1-10

Na. 2: Amuzitantamuke Mbunga Zijisi Mulandu Wabulowa (lv cibalo 7 ¶20-25)

Na. 3: i Zyintu Nzyobeelede Kuccija Banakristo Bakasimpe Izilembedwe mu Bbaibbele

Nov. 8 Kubala Bbaibbele: 1 Makani 21-25

Na. 1: 1 Makani 22:11-19

Na. 2: Mbuti Mbotukonzya Kuzumanana Kukayanda Kasimpe?

Na. 3: Amutondezye Kuti Buumi Bulayandika Kapati Kwiinda Mukukambauka Mulumbe wa Bwami (lv cibalo 7 ¶26-28)

Nov. 15 Kubala Bbaibbele: 1 Makani 26-29

Na. 1: 1 Makani 29:10-19

Na. 2: Tubeela Twabulowa Anzila Zyakwaandulwa (lv makani aayungizyidwe 215-218)

Na. 3: Sena ba Juda Boonse Bayakuba Banakristo?

Nov. 22 Kubala Bbaibbele: 2 Makani 1-5

Na. 1: 2 Makani 3:1-13

Na. 2: Ino Jehova Wakali Kubalekelela Buti Bantu Bakaindi? (Rom. 3:24, 25)

Na. 3: Leza Uyanda Bantu Basalala (lv cibalo 8 ¶1-3)

Nov. 29 Kubala Bbaibbele: 2 Makani 6-9

Na. 1: 2 Makani 6:12-21

Na. 2: Nkaambo nzi Ncotweelede Kuzumanana Kusalala? (lv cibalo 8 ¶4-7)

Na. 3: Mbotukonzya ‘Kuzunda Bubi Akucita Zibotu’ (Rom. 12:21)

Dec. 6 Kubala Bbaibbele: 2 Makani 10-14

Na. 1: 2 Makani 13:1-12

Na. 2: Ino Jehova Ubakwabilila Buti Baluleme? (Int. 37:28)

Na. 3: Ncocaamba Kusalala Mumeso aa Leza (lv cibalo 8 ¶8-13)

Dec. 13 Kubala Bbaibbele: 2 Makani 15-19

Na. 1: 2 Makani 15:8-19

Na. 2: Mbuti Mbotukonzya Kuzumanana Kusalala Kumubili? (lv cibalo 8 ¶14-18)

Na. 3: Mbuti Mbotukonzya Kutondezya Bulemu Notumukomba Jehova?

Dec. 20 Kubala Bbaibbele: 2 Makani 20-24

Na. 1: 2 Makani 20:1-12

Na. 2: Ino Ncinzi Cijatikizyidwe Mukwiiya Akwaambaula Mwaambo Uusalala? (Zef. 3:9)

Na. 3: Kuleka Ziyanza Amicito Iisofwaazya (lv cibalo 8 ¶19-26)

Dec. 27 Kubala Bbaibbele: 2 Makani 25-28

Kwiinduluka Kwamu Cikolo Camulimo Weendelezyegwa a Leza

Bupanduluzi buyungizidwe