ZICITIKA MUNYIKA

Munyika

Kulima cakulya cinji taili nenzila ilikke iikonzya kumana nzala. Kuyeeyelwa kuti lino balimi balalima cakulya cinji cikonzya kusanina bantu bali 12 bbiliyoni, icaamba kuti cakulya cilimwa cilakonzya kusanina abantu bambi bali 5 bbiliyoni bainda amweelwe wabantu bali munyika. Pele penzi ndyakuti balimi banji bayanda kujana mpindu, tabacaapauli kabotu cakulya alimwi balacinyonyoona.

Britain alimwi a United States

Mweelwe uusika ku 24 pesenti wabasyaazibwene mumakani aamali bakaamba kuti “kutegwa bazwidilile mubukkale bwabo, bayandika kulinjizya mumicito iitali kabotu naa iitazumizyidwe amulawo.” Alimwi mweelwe uusika ku 16 pesenti bakazumina kuti balakonzya kupanga mulandu “kufwumbwa buyo kuti kabatakonzyi kujatwa.”

Argentina

Ku Argentina, 60 pesenti yabamayi balalomba kuti balyookezye kumilimo akaambo kakutyompwa naa bulwani bujanika nkobabelekela.

South Korea

Kulangilwa kuti ino-ino bantu ku South Korea bayootalika kukkala aumwi alikke muciindi cakukkala abantu bambi.

China

Kuyeeyelwa kuti 66 pesenti yamadolopo aamu China ayakwaalilwa kusika azyeelelo zipya zyamfwulumende kujatikizya bubambe bwakuti kube muya mubotu wakuyoya. Bubambe oobu buyootalika mu 2016. Kuyungizya waawo, meenda aasyigwa ansi aambwa kuti “taali kabotu naa kuti mabi kapati.”