Ikuyandaula Baabo Beelela
1 Ikutobela malailile aa Jesu aakubeleka mulimo wabukambausi, nciyumu kulindiswe. Wakati: “Nimunjila mumunzi umwi aumwi, nimuba mukanzi kamwi akamwi, amuyandaule muntu umwi wamumo uuelede.” (Mt. 10:11) Ibantu mazubaano ngobakkala buyo ciindi cisyoonto aŋanda, ino mbuti mbotunga twabayandaula aabo beelela?
2 Amucizyibe Kabotu Cilawo Ncomubelekela: Cakutaanguna, amucizyibe cilawo ncomubelekela. Ino ndiilili bantu nobalangilwa kuti inga bajanika aŋanda? Ino nkuukuli nkobakonzya kujanika mubuzuba boonse? Sena nomubaswaya kuli buzuba mumvwiki naa ciindi nobanga bayanda kapati kumuswiilila? Amubeleke mulimo wanu kweelana abukkale bwabantu bali mucilawo canu. Eeci ciyoomupa kuzwidilila mumulimo wanu.—1 Kor. 9:23, 26.
3 Bunji bwabasikumwaya bazwidilila ikujana bantu aŋanda ciindi cakumangolezya. Ibamwi bamukamwiniŋanda inga balalyookezya, alimwi inga balayanda kuswiilila aciindi eeci. Alimwi inzila zimbi nkotukonzya kusikila bantu nkuumasena kucitilwa makwebo alimwi akumasena aabuleya.
4 Mumwezi lili mulimo waalubazu, imbungano imwi yakacita bubambe bwakukambauka kumazuba mu Mujibelo amu Nsondo, alimwi akumangolezya muli Bwatatu amuli Bwasanu. Bakacita abubambe bwakukambauka aluwaile alimwi amumasena aamakwebo. Oobu bubambe bwakabapa kuti babe abusungu kapati mumulimo cakuti basimbungano bakayanda kuti bazumanane.
5 Amube Bankutwe Mukupilukila: Ikuti kacili ciyumu ikujana bantu nomupilukila mucilawo ncomubelekela, amusoleke kucita bubambe bugaminina lyoonse nomwamuswaaya muntu ooyo, ikubikkilizya alweendo lwakusaanguna. Amube bantu babamba cipangano. (Mt. 5:37) Ikuti kacikonzyeka, inga mwalomba namba yaluwaile kuli mukamwiniŋanda. Eeci inga camugwasya ikuti mukakanane amuntu ooyu alimwi.
6 Kusoleka kwesu canguzu ikuyandaula baabo beelela alimwi akupilukila kuli baabo batondezya luyandisisyo, camasimpe Jehova uyookulongezya.—Tus. 21:5.