Mulongo Wamiswaangano Yamulimo
Nsondo Iitalika mu December 8
Lwiimbo 27
10 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Kwiinda mukubelesya nzila zili apeeji 8, amutondezye zitondezyo zyobile zyakusaanguna zyitondezya mbomukonzya kwaabila Ngazi Yamulindizi ya January 1.
20 min: ‘‘Ino Mbuti Banakristo Mbobakonzya Kuba Alukamantano Lwini-Lwini?”a Ciindi nomubandika muncali wa 5 amulombe baswiilizi kuti baluule cakabacitikila kumiswaangano yaakati kamasi, mumulimo weendelezyegwa a Leza wamayake alimwi awabasikugwasyilizya nokwacitika ntenda uutondezya mbobakamantene Banakristo.
15 min: “Cikolo Camulimo Weendelezyegwa a Leza Camu 2004.” Makani abandikwe amulangizi wacikolo. Amubikkilizye amakani aali mu Mulimo Wesu Wabwami wamu October 2003 mupepa lyamukati.
Lwiimbo 5 amupailo wakujala.
Nsondo Iitalika mu December 15
Lwiimbo 18
10 min: Zyakwaambilizya zyambungano. Amubandike zili mukabbokesi ka “Akaka Amupilukile Cakufwambaana.” Amubatondezye foomu ya S-70 kuti kailiko. Amwaambe bubambe bwaalubazu bwamulimo wamumuunda buya kucitwa mu December 25 alimwi amu January 1.
15 min: Kuliyiisya Tobeni—Ncibeela Cabukombi. Imakani azwa mu Ngazi Yamulindizi ya October 1, 2000 apeeji 23-24 mincali 6-10.
20 min: “Kugwasya ‘Baabo Basalidwe.’”b Amubelesye mibuzyo iibikkidwe. Amwiinduluke nzila zili mukabbokesi kakucita nyendo zyakupilukila, ikali apeeji 3 mu Mulimo Wesu Wabwami wamu May 1997.
Lwiimbo 21 amupailo wakujala.
Nsondo Iitalika mu December 22
Lwiimbo 4
12 min: Zyakwaambilizya zyambungano. Lipooti yamaakkaunti. Kwiinda mukubelesya nzila zyobile zyamamanino zipedwe apeeji 8, amucite zitondezyo zyiindene ikutondezya mbwiikonzya kwaabilwa Ngazi Yamulindizi ya January 1. Ilugwalo lumbi lwiindene aloolo lupedwe apeeji 8 lulakonzya kubelesyegwa. Amubayeekezye boonse kuti insondo iiboola, Muswaangano Wamulimo uya kuba waalubazu akaambo kakuti nceciindi ncayoopegwa makkadi a Advance Medical Directive/Release.
15 min: “Twakamulemeka Leza Wesu.” Makani abandikwe cabusungu amulangizi wamulimo. Amubikkilizye mbazu zikulwaizya alipooti yamwaka yambungano mbuli mbokutondezyedwe a Lipooti Yamulimo Yambungano iilaakutuminwa kumutabi kumamanino aamwaka wamulimo. Amwaambe masena ayandika kubikkilwa maano kutegwa mbungano ikagwasyigwe kumbele alimwi amupandulule cikonzya kucitwa kutegwa cizuzikizyigwe eeco. Amubakulwaizye bakwesu akaambo kakubeleka kabotu mumulimo wamumuunda.
18 min: “Ikuyandaula Baabo Beelela.”c Makani aaya amwaape kweelana ambozicitika zintu ooko nkomubede. Ino bantu inga bajanika ciindi nzi aŋanda? Ino mbubotu nzi bwajanika kwiinda mukubeleka kumazuba naa mangolezya? Ino ninzila nzi iikonzya kubelesyegwa kutegwa tubandike abantu batajaniki-janiki aŋanda?
Lwiimbo 15 amupailo wakujala.
Nsondo Iitalika mu December 29
Lwiimbo 23
13 min: Zyakwaambilizya zyambungano. Amubakulwaizye basikumwaya boonse kuti bape malipooti aabo amumulimo wamumuunda aamu December. Amwaambe mabbuku aakumwaya mu January.
17 min: “Amulikasye Kubulowa Cakusyomeka.” Apegwe amwaalu uujisi luzibo. Amubale Incito 15:28, 29, alimwi mubufwaafwi amupandulule kuti ikaambo kapati Banakristo ncobakakila kubikkwa bulowa nkakuti, balemeka mulawo wa Leza wakuti ibulowa buli setekene. Mwamana amutalike kubandika zili mumakani aanu. Kumamanino amubakulwaizye baswiilizi kuti baibikkile maano mibuzyo iili mukabbokesi ka Mibuzyo Njomweelede Kulibuzya.
15 min: Kulanganya Mapenzi Aabusilisi Munzila Iikkazika Moyo. Makani apegwe amwaalu uujisi luzibo, akabelesye pepa lyamakani lyakazwa kuofesi lyamutabi. Amutwiinduluke twaambo tupati-pati tuli mukabbokesi kakuti, “Izikonzya Kutugwasya Kulilesya Kubulowa.”
Lwiimbo 14 amupailo wakujala.
Nsondo Iitalika mu January 5
Lwiimbo 6
5 min: Zyakwaambilizya zyambungano.
10 min: Ziyandika zyambungano.
15 min: Milimo Yanu Tiikonzyi Kuba Yabuyo Pe. (1 Kor. 15:58) Mubandi abaswiilizi. Amubaambile kakucili ciindi basikumwaya ibasungu kwamyaka minji, kuti baluule mulimo wakukambauka mbuwakabede nibakatalika-talika. Ino bakali bongaye bakali kuswaangana mumbungano eeco ciindi? Ino mbungano yakapedwe cilawo cipati buti cakubelekela? Ino bantu bakali kuutambula buti mulumbe wa Bwami? Ino mapenzi nzi ngobakali kujana? Ino mumyaka eeyi yainda imulimo wa Bwami wakomena buti mucilawo canu?
15 min: Kabbokesi Kamubuzyo.
Lwiimbo 17 amupailo wakujala.
Bupanduluzi buyungizidwe
a Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.
b Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.
c Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.