Nzyomweelede Kwaamba Kujatikizya Mamagazini

Ngazi Yamulindizi Feb. 1

“Bamwi bantu bayeeya kuti magwalo aakalembwa katanaboola Kristo taajisi mpindu. Sena anywebo mbomuyeeya oobo? [Amulindile bwiinguzi.] Magazini eeyi ijisi lulayo lugwasya kuba aluyando alimwi akubikkila maanu ibamwi kwalo kukwabilila nkwatano alimwi amikwasyi. [Amubale Ba-Efeso 5:28-31.] Muyookukkomanina kubala mbotukonzya kuluziba luyando lwini-lwini.

Awake Jan.

“Sena mulizi kuti bantu banji ibalyaamba kuba Banakristo tabazitobeli njiisyo zya Jesu? [Amulindile bwiinguzi.] Mucikozyanyo, banji tabaatobeli majwi aa Jesu aaya. [Amubale Johane 13:35.] Cibalo eeci cilanga-langa kwiindana kuliko akati kazyeezyo nzyaakayiisya Jesu alimwi amizeezo yabantu banji balyaamba kuba Banakristo.” Amubatondezye cibalo citalikila apeeji 18.

Ngazi Yamulindizi Feb. 1

“Sena kuli nomwakazyingidwe kuti naa Leza ulaikkomanina milimo njobakonzya kumubelekela bantu? [Amulindile bwiinguzi. Mpoonya amubale Ba-Hebrayo 11:6.] Magazini eeyi ijisi zikozyanyo zimwi zyabantu aabo Leza mbaakalongezya akaambo kamilimo yabo yalusyomo.”

Awake Feb.

“Kuboneka kuti bantu mbobabubona bukombi kuya bucinca muziinga zimwi. Sena muyeeya kuti zikombelo ziyaabukakilwa kukulwaizya bantu? [Amulindile bwiinguzi.] Majwi aamwaapostolo Paulo aaya alatondezya ikaambo lusyomo lwabamwi mubukombi ncolwamana. [Amubale Incito 20:29, 30.] Magazini eeyi ilatondezya Ibbaibbele ncolyaamba kujatikizya ciyoocitikila Bunakristo kumbele.”